ነቲ ኣኼብ ብረድዮ ማሕበረ ስቦም ንኹሉ ኤርትዊ ምዄኑ ኣዊጅኦም። ደላይ ፍትሒን ሓደስት ስደተኛታትን ኤርትራውያን ተቀማጦ ዮተቦሪ  እዚ ኣኼባ´ዚ ንኹሉ ዝምልከት ኣኼብ እዩ ብማለት ኣብ ሰዓቱ (ልክዕ ሰዓት ክልተ ድሕሪ ቀትሪ) ተረኺቡ። እቲ መኤከቢ ቦታ ግን ዓሰርተ ዘይኮኑ ካብ ክልተ ዞባታት ሽወደን ዝተኣከቡ ሰባት ዝተደመሮም ሸውዓተ ፖሊስ ነበርዎ። ወዮ ደላይ ፍትሒ ንከይኣቱዉ ከኣ ብሓለውቲ መኣከቢ ቦታ ቁንጣሮ ኣባላት ህግደፍ መዓጹ ተዓጽወ። እቲ ዝገርም እቶም ሓለውቲ ከይዛረቡ ዝብል መምርሒ ምርካቦም ኢዩ። ብወገና ዝሓተትናዮ ንሕና ኤርትራውያን ኣይኮናን ዲና፧ ጻዊዒትኩም ንደገፍቲ ስርዓት ጥራሕ ዝብል ኣይነበረን። ከም ኤርትራውያን ክንሳተፍ መሰልና ኣይኮነን ዲዩ፧ እቶም ሓደሽቲ ስደተኛታት ከኣ  ገሪምዎም ኤርትራዊ ካብ ብረድዮ ዝተጸወዐ ኣኼባ ይኽልከል ዲዩ ዝብል ሕቶታት ኣዝነብሎም። ሓልውቲ ማዕጾ ኣኼባ ህግደፍ ግን ባዕላን ሰቀለቶ ረሓቀ: ባዕላን ሰንከቶ ባሓቜ: ቀደም ከይትሰርሖ ብ ጥንቃቀ: ኮይንዎም ከም ንግስቱ ዝጠፍኣቶ ንህቢ ሓድሕዶም ቀባሕባሕ ክብሉ ደኣ ተዓዘብና። እቶም ፖልስ ይሕሹ እንታይ እሞ ክንታሓጋገዘኩም ኢሎም ሓተቱና፣ እቲ ብዝሕና ስለ ዘፍርሖም ይኸውን፣ ንሕና ከኣ እዚኦም ከምዚ ትርእዎም ክዛረቡ እናኸኣሉ ዓባስት ክኾኑ መሪጾም ኣለዎ፣ ስለዚ ኣብ ውሽጢ ሓላፊ እንተ ኣልይዎም ጸወዑልና: በልናዮም። ፖሊስ ከኣ ተጓይዩ ነቶም ኣኼባ ዝመርሑ ከነዛራርቦም ከም ዝደለና ሓበሮዎም። ዕጭልና ደኣ መለስሉ። ውዮ ፖሊስ ተመሊሱ ከዛራርበኩም ዝኽእል ሓላፊ የብሎምን ኢሉ ደኣ መለሰልና። ኣይገርምንዶ ወከልቲ ህዝቢና፣ ንኩሉ ኤርትራዊ ኣኼባ ክንጽውዕ ዓቅሚ ኣሎኒ: ዝብል ህግደፍ ኣብ ቅድሚ ሰዓብቱ ዘሕፍሮ ኣኼባ ኣስተናጊዱ።

ሓበሬታ ይቅጽል———