ሓው ጸሃየ (ኣብ ዝሓለፈ ጽሑፈይ ዝሃቦ ርእይቶ)።

ናይ ሎሚ ቀዳማይ ሓታታይ ወይ ወሃብ ርእይቶ ሓው እስቲፋኖስ ተመልሶ‘ዩ። ከምዚ ድማ ይብል፥ “ክቡር ሓው መሲናስ፡ ንጽሬት ቋንቋ ዝምልከት ጽሑፋትካ እምብዛ ኣገዳስን መሃርን ስለዝኾነ ብቀጻሊ ማለት ሰሙናዊ ድዩ ክልተ ቕነኣዊ እንተ ተቕርቦ ክንደይ ጽቡቕ ምኾነ። ኣብ ውሽጢ ይኹን ኣብ ደገ ዝነብር ህዝብና ንቋንቋ ትግርኛ ኣብ ምዝራብ ይጥቀመሉ ኣሎምበር፡ ኣብ ጽሑፍ መጺእካ ካባይጀሚርካ ምናምናት ከም ዝኾንና ንጹር እዩ። ኣብ ጽሑፍ ቋንቋ ትግርኛ ኣነ ክኢላ እየ ኢሉ ዝምካሕ ክምካሕ ዝደለየ ጥራይ እዩ ክኸውን ዝኽእል። ወላ እቶም ክኢላታት ዝብሃሉ ንዓበይቲ ሰባት ክውከሱ ኢኻትዕዘብ። ስለምንታይ? እንተ ተባህለ እቲ ቋንቋ ብዝተሰነደ መልክዕ ሕጉን መልክዑን ኣይሓዘን ዘሎ፤

ድሕሪ ናጽነት ብርክት ዝበሉ ብቋንቋ ትግርኛ ዝግደሱ ዜጋታት ናይ ቋንቋታት ኢንስትትዩት ክኽፈት ኣለዎ ዝብል ርእይቶታት የውሕዙ ነይሮም። ኢሳያስ ነዚ ስለ ዘይደለዮ ግን ዛጊት ክምስረት ኣይተኻእለን። ስለዚ፡ ቋንቋ ትግርኛ ይኹንትግረ ሓደ መዕቀኒ ወይ ስታንዳርድ ኣይሓዙን። ከም ኣብነት ሓደ ሰብ ከምዚ ኣይብሃልን እዩ ክብል ከሎ፡ ሓደ ካልእ ብዛዕባ’ቲ ቋንቋ ኣፍልጦ ዘለዎ ግን ኣይብሃልን’ዩ ይብል። ብዝኾነ፡ ኣብ ካልእ ዋጢጥ ክኣቱ ኢለ ዘይኮንኩ፡ መሲናስተቕርቦ ዘለኻ ንእሩም ቋንቋ ዝምልከት ጽሑፋት መሃሪ ስለ ዝኾነ ክትቅጽሎ ለበዋይ አተሓላልፍ። ኣብ መወዳእታ እዛ ማኪና ትብል ብወገነይ ኣብ ብዙሕ ናይ ቀደም ጽሑፋት መኪና ተጻሒፋ እርእያ ስለ ዝነበርኩ “መኪና” እየዝጥቀም። እንተ ኣስተውዒልካ ቃላት ካብ ጣልያንኛ ናብ ትግርኛ ክንርዕሞም ከለና ምጡን ምቅይያር ማለት ቅኑዕን ግጉይን ንገብረሎም ኢና። ገለ ካብኣቶም ጸያፍ ስለ ዝኾኑ በቲ እሩም ክንጽሕፎም ይግባእ።”

ብመጀመርያ ንኹሉኹም ግዱሳት ብልቢ ከመስግን እፈቱ። ብፍላይ ከኣ ንኽቡር ሓው እስቲፋኖስ ተመልሶ፡ ስለ‘ቲ ዝሃበኒ ምኽርን ሓበሬታን ደጊመ ከመስግኖ ደስ እብለኒ።ክቡር ሓው፡ ከምቲ ዝበልካዮ ኣብ ከከልተ ሰሙን ንቋንቋና ዚምልከት ጽሑፍ ንኸቕርብ ኣነ ጸገም የብለይን። ጸገም ኪኸውን ዚኽእል ግን ብቐጻሊ ሰሙናዊ ወይ ኣብ ክልተቕነ ኪቐርብ እንተ ጀሚሩ፡ እቲ ብዓንተቦኡውን ናይ ምንባብ ልምዲ ዘይነበሮ ህዝብና፡ ክለምዶን ክመንዎን ስለ ዝኽእል፡ ረርእዩዎ ጥራይ ከይሓልፍ ስክፍታ ኣሎኒ። በዚምኽንያት’ዚ ድማ’ዩ ቀስ ኢልካ፡ ማለት ኣናፊቕካን ኣሀንጢኻን እንተ ኣቕሰምካዮ ይሓይሽ ዚብል ርእይቶ ዘሎኒ። መታን መለሳ ክኾነሉውን ንስኻን ካልኦት ኣብ ቋንቋናኣፍልጦ ዘሎዎም ሰባትንውን ትፈልጡዎ እሩም ቋንቋ ወስ እንተ ተብሉሉ ኣዝዩ ኣድማዒ ምኾነ እብል። (ናይዚ ገምጋም ንምፍላጥ፡ እስከ ክቡራትን ክቡራንን ኣንበብቲ፡ ኣብ ክንደይ ግዜ ኪቐርብ ከም ዘለዎ ርእይቶኹም ለግሱ?)

ዚቕጽል ወሃብ ርእይቶ ሓው ሱሌማን ሳሊም‘ዩ። ኣብዚ ዘሻቐለንን ከይጠቐስኩዎ ክሓልፍ ዘይደልን ጉዳይ ግን ኣሎ። ንሱ ኸኣ ኩነታት ናይ ሓው ሱሌማን ሳሊም‘ዩ። ከምሰብ ሱሌማን በሊሕ ሰብ‘ዩ። ምኽንያቱ፡ ኣብዛ ጽሕፍቲ እዚኣ‘ኳ ከምዚ ዚስዕብ ኪብል ሓደ ቅኑዕን ኣገዳስን እርማት ሂቡኒ ኣሎ። “መሲናስ ንስኹም ንስኽን ……..ንሓደ ወይ ንሓንቲ ሰብጥራይ ኢና ንጥቀመሎም፤ ንጽል እዮም። ………..
ኣብ ብድሕሪኡ ዝስዕብ ፓራግራፍ ( ሕጡብ ጽሑፍ) ግን ንስኻትኩም ንስኻትክን ኢልካ ድሕሪ ምጅማርካ ብሩህ መደምደምታ ከይገበርካ ወዲእካዮ።” ብምባል ኣሪሙኒ ኣሎ። ሓቁ‘ዩ። ንስኻትኩም ንስኻትክንንብዙሓት ማለት ንካብ ክልተ ንላዕሊ ዝኾኑ ሰባት ከም ንጥቀመሉ ክሕብር ኔሩኒ። ሓው ሱሌማን ከምዚ ዓይነት ተገዳስነት ንኺቕጽሎ እናተላበኹ ከኣ ብልቢ አመስግኖ። እቲዘሻቕለኒ ጉዳይ ግን እዚ ዚስዕብን ኣብ ካልእ ጽሑፋት ብቐጻሊ ዝጥቀመሎም ኣሉታዊ ነቐፌታታት‘ዮም።

 “ወዲ ተመልሶ ንስካ ብኻልእካ ገዲፍካ ብትግርኛ ንፉዕ ኢኻ ትበሃል። ኣጻሓሕፋኻ ስጡም እዩ።” ኢሉዎ፡ ንሓው እስቲፋኖስ ተመልሶ። እንታይ ማለቱ’ዩ ‘ብኻልእ?’ ብሓቂ ብዛዕባ ህዝቡን ሃገሩንዚሓስብ ሰብ እንተ ኮይኑ፡ ንስጉምቲ ክቡር ሓው እስቲፋኖስ ተመልሶ ከንድንቖን ከተባብዖንም’በር ኪነቕፎን ኪወቕሶን ኣይግባእን’ዩ። ምኽንያቱ፡ ብዙሓት ከምዚ ናቱ ስለዘይገበሩ እኮ’ዩ እልበት (ሓሳረ መከራ) ህዝቢ ኤርትራ ዚቕጽል ዘሎ። ስለዚ፡ ክቡር ሓው ሱሌማን፡ ነቲ ዚንቀፍ፡ ማለት ዚተጋገየ ሰብ ዋላ ተቓዋሚ ህግደፍ ይኹን ትጋገ ኣለኻኢልካ ኪትቃወፎ (ኪትቃወሞ) ንቡርን ግቡእን’ዩ። ንከም ብዓል ሓው እስቲፋኖስ ዚኣመሰሉ ከይተሓለሉ ዳግም ዚቃለሱ ዘለዉ ሓርበኛታት ግን መጐስን ምኽርን’ዩ ዚግብኦም።ስለዚ ሓው ሱሌማን፡ ምእንቲ ውልቀ ሰባት ዘይኮነስ ምእንቲ ነብስኻን ምእንቲ ሓፋሽ ህዝቢ ኤርትራን ኢልካ፡ ኣብ ኩሉ እትህቦም ዓለቓት (ርእይቶታት) ርትዓውያንን ቅኑዓትን ኪኾኑ ይግባእ እብል። የቐንየለይ።

እምበኣርከስ ክቡራት ኣንበብቲ፡ ናይ ሎሚ ሓተትቲ እዞም ልዕል ኢለ ዝጠቐስኩዎም ክልተ ኣሕዋት’ዮም ኔሮም። ቀጺለ ናብ ናይ ሎሚ “’ጠዓሞት እሩም ቋንቋ’ ከብለኩም፥

ጠዓሞት እሩም ቋንቋ፥