እተን ዋዓሩ             ዐለት 8 መጋቢት 2014

 

ኣለኹ 1 በሊ ተባዕ ዋዕሮ ፡

ሞያኺ በየን እየ’ሞ ክጅምሮ፡

ጽላል ሕብረተሰብ ዓባይ ዳዕሮ፡

ንስኺ ዘይብሉ ኩሉ ይቖሮ።

 

 

 

እቲ ኒሕ መሊኡ ክፈስስ ከሎ፡

ዘይነፍስኺ ጸርኪ ገፊሕ ክዳን ዝኸዎሎ፡

እወ ነርኪ!

ኣብ’ቲ ዘብዘብ ታሓናነቕ ዉዕሎ፡

ሕፃን ተወጊኡ ኣብ ከብድኺ ከሎ፡

ከማኺ መን ኣሎ’ሞ ዝኽእሎ? ።

 

 

 

ኣዝመራ’ኺ ትወን ናይ ክረምቲ፡

ኣደ ሽሻይ ከም ዓዉዲ ምህርቲ፡

ጓል ኤርትራ ከም ወትሩ ዕጥቕቲ፡

ንስኺስ ኣይትሕመሚ ኣይትምቲ።

 

 

እወ !    እታ ኣደ

 

 

 

ኣብክንዲ ንሽልማ ንኽሕሳ፡

ዝገደደ መጽዩዋ ዝኹሉ ተቓሊሳ፡

ደቃ ይሽየጡ ይብልዑ ብዓሳ፡

ምስ ንብዓታ ትሓድር…

ኣላ ኣንሶላኣ ኣተርኪሳ።

 

 

 

ኣደ ደም ነቢዕኪ ጸላኢኺ ይንባዕ፡

ታዓጢቅኪ ኣዕጥቕና…

ከይንብል ቀልባዕባዕ፡

ነዛ ተሪፋትና ዘላ ሓንቲ ቕላዕ፡

ንቓላጠፍ አይንጠላዕ።

 

 

 

 

 

 

አለዋ አደታት ክንሰን ኣብርእሺ…

ኣማኢት ሬሳታት ደቀን ዝስዕስዓ፡

ጽቡቅ ኣሎና’ላ ዘጣቅዓ፡

ዓገብ

ብደም ደቀን ሃገረንን ዝጣልዓ፡

ብበለጽ ሓንጎለን ዝተዘርዓ።

 

 

ኣደ ተላዓሊ ደቅኺ ኣስምሪ፡

ነቅነቅ ትብል ኣላ ዓዲ ሕድሪ፡

ተላዓሊ’ወ ከምድሮ ነድሪ፡

ክንላቐቕ ካብ’ዚ ሽፍታ ቐትሪ።

 

 

ወሊድኪ’ንድኺ ሊቃዉንቲ ዝተማህሩ፡

ወሊድኪ’ወ ጀጋኑ ጸላእቶም ዘባህርሩ፡

ማኣስ ተሳኢኖም ለባማት ዝመኽሩ፡

በጋሚንዶ ግን ተጻዊቱልና ስለ ዘይሓበሩ።

 

 

ደቂ ኤረ  ዘይተጸበናዩ ካብ ኣጋጠመ፡

ኣማዕዲኻ ዘይጥመቶ እዋን ግመ፡

ንድንጉርጉር ንጽረግ ከይንግመ፡

ሕልናና ንዳህስስ ነንነፍስና ካኣ ንሕመ።

 

 

ኣካ ተረገጽና ብኣድገ በቕሊ፡

ንኣምላኽ ግን ኣይሳአኖን’ዩ ምቕሊ፡

ኣጆኽን ኣጆና ክዕለል’ዩ ብዕሊ፡

ከትወግሕ’ያ መሬት ከም’ታ ናይ ትማሊ።

 

 

ጽንዓት ክሳብ ዓወት፡

ንፍትሒ ዎሎዶታት ንቕሳኔት።

 

ኢስጢፋኖስ መንግስትኣብ ካብ ጀርመን