ዝኸበርኩም 

ልባዉን ሕዉነታዉን ሰላምታና ነቅርበልኩም።

ዕለት 22/01/2014 ኣብ ሮማ :ብምክንያት ኣብ ኣብ እስራኤል ዝርከቡ እቲ መባእታዊ መሰል ዑቕባ ተነፊጉዎም ዘሎ ኤርትራውያን: 

ስቓይ ህዝቢ ኤርትራ ብኡ በቃ የብቅዕ ይኣክል ብምባል :ብሓባር ንነባሪ ፍታሕ ድምጽና ከነስምዕን መንግስቲ እስራኤል ጸቕጢ ንምግባርን ስሙር ሰላማዊ ሰልፊ ንምክያድ ጻዊዒት ነቅርብ::

ልዕሊ 30 ሽሕ፣ ሓያለ ኤርትራውያን ዝርከቡዎም ኣፍሪቃውያን ስደተኛታት ኣብ እስራኤል፣ ኣብ ተልኣቪቭ፣ እቲ ሓዱሽ ናይ ማእሰርቲ ሕግታት ክውገዝ፣ ብዓቢኡ መሰል ዑቕባኦም ክሕሎ ዝጽውዕ ዕዉት ታሪኻዊ ሰላማዊ ሰልፊ ኣካይዶሞ።

እቶም ጻዕረኛታት ስደተኛታት ኤርትራውያን፣ ንሰለስተ መዓልታት ስራሕ ደው ብምባል ነቲ ናይ ዑቕባ መሰል ነፊጉዎም ዘሎ መንግስቲ እስራኤል ጸቕጢ ብምግባር ስሙርን ዕዉትን ሰልፊ ኣካይዶሞ።

ኩሉኹም ፣ኣብ መላእ ዓለም ትርከቡ ኤርትራውያን ፣ ናይ ደገፍ ሰላማዊ ሰልፍታት ንምክያድ፣ ነቲ ጀሚሮሞ ዘለዉ ወፍሪ ንምርግጋጽ ንጽውዑ።
ኣብ ስራሕኩም ኣሳልጦ ንምነየልኩም።

ስምረት ኤርትራውያን መንእሰያት

ንድሕነት ሃገር ኢታሊ