ዝኸበርኩም ኣሰናውያን ሰላም ከመይ ቀኒኹም፡ እዛ ትማሊ ነዚ ህዝብን ሃገርን ለኪሙ ንኺጠፍእ ብህልኽ ዚሰርሕ ዘሎ ጉጅለ ሸፋቱ ብምርሕራሕ፡ ህዝብን ሃገርን ከተድሕን ብምውሳን፡ ኣብ ሱዕዲ ዓረብያ ዝተረፈት ጅግና ፓይለት ራህዋ ገብረክሩስቶስ እትምጉስ ናዕታ’የ ዝሰደልኩም ዘለኹ’ሞ ኣብነት ብዙሓት፡ ብፍላይ ድማ ነተን ኣብ ጽንብላት ህግደፍ ክዳን ኣጻዕድየን ወዛሕዛሕ ብምባል፡ ስቓይ ህዝቢ ኤርትራ ኣብ ምንዋሕ ዓቢ ተራ ዝጻወታ ዘለዋ ውሑዳት ደቂ ልቢ ገርሃ ስለ ዝኾነት፡ ዮሃና ክብላ’የ ደልየ። ነተን ኣደታት ከምኣተን ብሓዘን ደቀን ደም እናነብዓ፡ ንሳተን ግን ኣብ ጓይላ ህግደፍ ዝዘላ ደቂ ኣንስትዮ፡ ይኣክል! ንምባል ግብራዊ ስጉምቲ ወሲዳ ዘላ ካፕተን ራህዋ ገብረክሩስቶስ፡ ልዑል ምስጋና ይኹና። ንጠለምቲ ሕድሪ ሰማእታት ክሳዕ መቓብሮም ከተሳሲ ዘይምምራጻ ድማ ደጊመ ሓየት! ሃብሮም! ክብላ እፈቱ።