ፕረዚደንት ሱዳን ዑመር ኣል በሽር ኩሎም ናይ ፖለቲካ እሱራት ከምዝፍትሑ ኣብ መኽፈቲ ኣኼባ ባይቶ ገሊጹ።

ንሱ ብተወሳኺ ፡መንግስቲ ንሃገራዊ ዘተ ውፉይ ከምዝኾነ ሓቢሩ።ፕረዚደንት ኣልበሽር ሱዳን ሃዋህው ንናጽነትን ምኽባርን ናጽነት ሓሳብ ምግላጽን ውልቀሰባትን ጉጅለታትን ኣውሒሳ ኣላ ኢሉ።መንግስቲ ንዝኾነ ብዘይምግላል ምስ ኩሎም ፖለቲካውን ማሕበራውን ሓይልታት ርክባት ከምዝቕጽል ፕረዚደንት ኣልበሽር ሓቢሩ።

ኣዋጅ ፕረዚደንት ሱዳን፡ንጃምላዊ ማእሰርትን ምስቓይን መኸተምታ ናብ ምግባር ከምዘምርሕ ዘለዎ ተስፋ ብምግላጽ ብጽቡቕ ከምዝቕበሎ ተጣባቒ ሰብኣዊ መሰል(ሂዩማን ራይትስ ዋች)ገሊጹ።

መንግስቲ ነቲ ናይ ፖለቲካ እሱራት ዝብል ኣምር ብከመይ ከምዝገልጾን፡እቲ ኣዋጅ ነቶም ብዕጥቂ ዝቃወምዎን ነቶም ኣብ ዚ ቀረባ ፈተነ ዕልዋ ብምግባር ተኣሲሮም ዘሎም ዝምልከት ከምዝኾነ ንጹር ከምዘይኮነ ተንተንቲ ፖለቲካ ይሕብሩ።

ኣብ 1989 ብዕልዋ ስልጣን ዝጨበጠ ፕረዚደንት ኣልበሽር ዝሓለፈ ወርሒ ሃገሩ ሓዲሽ ደም ከምዘድልያ ብምግላጽ ኣብ 2015 ኣብ ዝግበር ምርጫ ካብ ስልጣኑ ከምዝወርድ ገሊጹ ነይሩ።

ሱዳን ድሕሪ ናጽነት ደቡብ ሱዳን ኣብ 2011 ልዑል ጸጥታዊ ኩነታት ከጋጥማ ከምዝጸንሐ ቢቢሲ ገሊጻ።

ጉጅለ ህግዲፍ መንጎኛ ተመሲሉ ንዝተፈላለዩ ተቓወምቲ መንግስቲ ሱዳን ብምድጋፍን ካብ ከሰላ ዘይሕጋዊ ኣቑሑትን ባጤራ ወጻኢ ብምእታውን ኣብ ልዕሊ ስርዓት ኣልበሽር ጸቕጢ ክገብር ከምዝፍትን ይፍለጥ።

BBC: Sudan’s Bashir orders political prisoner release