ትጽቢትን ርድኢትን ቃልሲ ኤርትራ መሬታ ነጻ ጌርካ ሉዕላውነት ሃገርን ደሞክራሲን ኣረጋጊጽካ “ሕረስ ሓረስታይ ንገድ ነጋዳይ ተመሃር ተመሃራይ ወዘተ” ተባሂሉ ሕዝቢ ኤርትራ ብቅሳነት ንኽነብር እዩ ኔሩ። እንተኾነ ድሕሪ ናጽነት 1991 ኤርትራን ሕዝባን ካብቲ ጭኮና ሃይለስላሴን ደርግን ብዝገደድን ዝተዓጻጸፈን ግፍዕን መከራን ጥሜትን እዩ ኣጓኒፍዎ። ብሕልፊ ኣብዚ እዋን ሕዝቢ ኤርትራ ግዜ ሃይለስላሴን ደርግን እንዳዘከረ ዓው ኢሉ ሽዑ ይጥዕመናን ይሕሸናን ይብል ኣሎ።

ሕዝቢ ኤርትራ ድሕሪ ናጽነት ክግፋዕን ክእሰርን ክርገጽን መቐረት ነጻነት ከየስተማቅር፡ ክሽቑረርን፡ ሃገር ኣብ ቤትማእሰርቲ ተቐይሩ። ተካኢ ወለዶ መንእሰይ ተማሂሩን ሰልጢኑን ሃገሩ ተረኪቡ ከየማዕብል ሃገር እሾኽ ኮይናቶ ዚረኸበ ይርከበኒ ኢሉ ሃጽ ኢሉ ንስደት እናገዓዘ ኣብ መንገዲ መግለጺ ዘይርከቦ ግፍዕን ሞትን ህልቂትን እናኣጋጠሞ በዓል ገረዝግሄር ውጩ ግና ንምንታይ እዚ ኩሉ ? ንህዝቢ ዶ ኣይኮናን ተቓሊስና ኣይበሉን። እኳ ደኣ ምስ ኣያኦም ዲክታተር ኢሳይያስ ወጊኖም ስቅያት ህዝቢ ኤርትራ ከናውሑን ከጋድዱን እዮም ተራእዮም። ብፍላይ ውጩ ኣብ ልዕሊ ኣደታትን መንእሰያት ደቂኣንስትዮን ዘውረዶ ብድዐን ግፍዕን ሓጥያትን ቀሊል ኣይኮነን። ብቐረባ ዚፈልጥዎ ውን ፈላላይን ዓሌተኛን ከምዝነበረ ይምስክሩ።

ብ ጉጅለ 15 ዝፍለጡ ዓበይትን ገዳይምን መራሕቲ ከም በዓል ብ/ጀ/ ብርሃነ ገረዝጊሄር ቅዋም ይተግበር ስልጣን ንህዝቢ ነረክብ ስለዝበሉ ጥራሕ እቲ ተመን ኢሳይያስ ኣየስርሑንን አዮም ኢሉ ዘይሽሞምን ሕዝቢ ዘይቅበሎን ጸለመ ቀቢኡ ኣጥፊኡዎም። ብዓል ዉጩ ግን ንምንታይ? ብኸመይ? መቓልስትና ብጾትና እንድዮም፡ ዓገብ ኣይበሉን።

ብኣንጻሩ ግን ኣብ ኩሉ ዓይነት ብልሽውና ኢኹም ተዋፊሮም። ጉዳይ ሃገር ቅጭጭ ከይበሎም!!!

ስለዚ ገረዝግሄር ውጩን መሰልቱን ንነብሶም እምበር ንህዝቢ ኤርትራ ኣይተጋደሉን።

እቶም ሓቀኛታት ተጋደልትስ ከም በዓል ቢትወደድ ሓቂ ስለዝተዛረቡ ጠፊኦም እዮም። ካልኦት’ውን ተሰዊኦምን ተረሺኖምን እዮም።

ህዝቢ ኤርትራ ግን ገና ኣብ ስቅያትን መግዛእትን ማእሰርትን ይርከብ።