ድሕሪ 20 ዓመት ኣብ ዝሓለፈ ወርሒ መስከረም ተኸፊቱ ዝጸንሐ ዶባት ኤርትራን ኢትዮጵያን ከምእተዓጽወ ምንጭታት ሓቢሮም።

እቲ ስጉምቲ ብዝያዳ ብወገን ዛላምበሳ ከሪሩ ከምዘሎ `ውን ተፈሊጡ።

ቢቢሲ ኣብቲ ከባቢ ንዝርከብ ሪፖርተር ብምውካስ ኣብ ዝዘርግሖ ሓበሬታ፡ እቲ ዶብ ካብ ፈደራላዊ መንግስቲ ኢትዮጵያ ፍቓድ ንዘይብሎም ገያሾ ከምእተዓጽወ ይገልጽ። ብወገን ኤርትራ መሕለፊ ፍቓድ ይዳሎ ከምዘሎ ሓበሬታ ከምዝረኸበ `ውን ይጠቅስ።

ድሕሪ`ቲ ኣብ ልዕሊ ጀነራል ስብሓት ኤፍሬም ዝተኻየደ ናይ ቅትለት ፈተነ፡ ምልካዊ ስርዓት ኢሳይያስ ኢሳይያስ እቲ መጥቃዕቲ ብወገን ወያነ ከምዝመጽአ  ኣብ ህዝቢ መረዳእታ ንምሕዳር ኣብ ኤርትራ ብታሕቲ ታሕቲ ናይ ባዶ ሰለስተ ወረ ክነጽሕ ከምዝቐየ ምንጭታት ይሕብሩ።

ምዕጻው ናይቲ ዶብ ምኽንያቱ ብልክዕ እንታይ ምዃኑ ግን ዝተፈልጠ የልቦን።

ኣብ ኣስመራ ጽዑቕ ግፋ ከካይድ ከምዝቐነየ `ውን ይፍለጥ።

ድሕሪ`ቲ ኣብ ልዕሊ ጀነራል ስብሓት ኤፍሬም ዝተፈተነ ቅትለት ኣብ ኤርትራ ዝሰፈነ ናይ ወጥሪ ሃዋህው ከምዘይሃደአ `ውን ምንጭታት የገንዝቡ።