ደሞክራሲ ኣብ ኤርትራ!
ደሞክራሲ እንታይዩ መንነታ? እስከ ዘርዝሩለይ መንገዳ ስርዓታ ግልጺ ኢዩ ጠባያ: ሓቂ’ውን ቅናታ መፈለምታ ዕርዕር ትብል: ደሓር ግን ዘይምኖ መቐረታ። *** ደሞክራሲ ንኽትውለድ ብዙሕ’ዩ ጠለባ ብስምዒት “ሆ! ምባል ቀሓር ልባ መዕለቢኡ ዘይፍለጥ ጐልጐል ዲዩ እምባ ቁም ነገር ስሒትካ ኰለል ጓል ዘረባ ከምታ ዝተሓቝነ ልኻይ ዘይጽዕየላ
ደሞክራሲ እንታይዩ መንነታ?
እስከ ዘርዝሩለይ መንገዳ ስርዓታ
ግልጺ ኢዩ ጠባያ: ሓቂ’ውን ቅናታ
መፈለምታ ዕርዕር ትብል: ደሓር ግን ዘይምኖ መቐረታ።
***
ደሞክራሲ ንኽትውለድ ብዙሕ’ዩ ጠለባ
ብስምዒት “ሆ! ምባል ቀሓር ልባ
መዕለቢኡ ዘይፍለጥ ጐልጐል ዲዩ እምባ
ቁም ነገር ስሒትካ ኰለል ጓል ዘረባ
ከምታ ዝተሓቝነ ልኻይ ዘይጽዕየላ ኣልባ።
***
ትዕግስቲ ትሓትት ፍጹም ምጽውዋር
ሰላም ተስፍን ብስርዓት ምክብባር
ባህሊ ሓልዮት ትዅስኵስ ብሓባር ንምንባር።
***
ሓው ንሓውን ሓውትን ጨኪኑ ምስ ዚብድል
ደሞክራሲ ናይ ስልጣኔ ድንድል
ኣብ ፈተነ ይወድቕ ናይ ህላዌኣ ዕድል።
***
ንዓይ ይጥዓመኒ ስስዕቲ ዘይብሉ
መሰል ርእይቶ ብሕጊ ዚኸብረሉ
ህዝባዊ ተሳትፎ ዘቐድም ካብ ኩሉ
ዚጸዓረ ፍረ ጻማኡ ዚረኽበሉ
ፍትሓዊ ስርዓት ሰላም ዚሰፍነሉ።
***
ጥዑም ሽታኣ: ጽሩይ ከም ማይ ንጕሆ
ትጽህዮ ብልሽውና ከይረክብ መስተርሆ
ብነጻ ፕረስ ንጸልማት ምልኪ ትብድሆ።
***
ደሞክራሲ ኢያ ዋልታ ናይ ብዙሓት
ምስ ዕቱብ ምኽባር መሰል ናይ ውሑዳት
ትኩርቲ ጸረ ምልካዊ መንድዓት።
***
ፍቕሪ ሓቂ ካብ ልቢ ምስ ፈልፈለ
ዕምቈት ንቕሓት ኣዚዩ ምስ በሰለ
ድንቍርና ምስ ነተጐ ከም ዕንጕለ
ሓድነት ብመትከል ምስ ደልደለ
ባህሊ ምትሕልላይ ዳግም ምስ ማዕበለ
ኣዕኑድ ፍትሒ ብጽኑዕ ምስ ተተኽለ
ሽግ ሓርነት ብርሃና ምስ ገንፈለ
ሽዑ’ዩ ጽምብል ደሞክድራሲ ተሓምበለ።
***
ውሑድ እንተ ዘይጸንሓት ብዓመጽ ተቐቢራ
ደጊማ ግዳይ ምልኪ እንተ ዀነት ረኻቢት መከራ
ብደሞክራሲያዊ ሕጊታት እንዳባ ዝማዕረገት’ያ ኔራ
ንዘመናት ዘምበልበለት ፍትሓዊ ባንዴራ
ዘይርሳዕ ታሪኽ ኣሎዋ’ዛ ሓላል መሬት ኤርትራ
መስተርሆ ሓርነት ክትረክብያ ውዒላ ሓዲራ
ከም ተኽሊ ኣውሊዕ ክጥጥዕ’ዩ ዝተጋህሰ ክብራ።
***
ደሞክራሲ ትንሳኤኣ ቀሪቡ’ዩ ኣብ ኤርትራ
ዳግመ ሓርነታ ንዓለም ኣበሲራ
ሰላም ከተስፍን ንጽልኢ ቀቢራ
ድንቍርና ክትድርቢ ካብ ሱሩ ፍሒራ
መርከብ ምዕባለ ከተንሳፍፍ ጋንጽላኣ ገቲራ
ፍረ ጻዕሪ ክትምግብ ከም መዓር በርቢራ።
***
ክቡር ዝኽሪ ንስዉኣት!
ሓርነትን ራህዋን ሰላምን ንህዝቢ ኤርትራ!!
ዑቕባይ ገብረመድህን
ከምብሪጅ፡ ማሳቹሰትስ፡ ሰ.ኣ.
ለካቲት 1: 2012
Wadbahar February 1, 2012
I hope we are not talking about democracy from above or brought by the diaspora. We are talking about democracy by the people. The role of the diaspora could be to speed up the revolt of the people against the regime and empowering them to do that and win the poitical power.
Cambo February 2, 2012
For those of you who want to see a documentary about life of a group of African refugees across the Sahara and the Mediterranean Sea, here is a good documentary.
This is a good documentary made by an Ethiopian about Ethiopian refugees. The first few minutes is in Italian, interspersed later in Amharic.
This is for those of you who can understand Italian or Amharic.
Thanks to Elsa Chyrum, Aba Mussie, and Radio Assenna, we had heard and read most of the same stories.
http://www.youtube.com/watch?v=LQv98JoycgE&feature=player_embedded#!
hggum brhan February 3, 2012
NEZI GTME ZGETEME NNEBSU TRAY ENTETGETM SBUQ NEYRU. KALE BZUH ALO ZSRAH.NYZI SEBZI HATEWKETOW TRAY EYU. KELET ALENI ZBL ENTEKOYNU KEA METSHAF YTSHAF KAB ABZI GIZENA ZETFE.ENTETSIHIFU BMA DEHAN ZGEZALU ENTELO NREE.( baal hadish meters si ab mengedi ytras ) YBAHAL. AYE HADISH TEQALASAY KKKKKKKKK
hgdef mealta akilu February 3, 2012
btaemi xbuk gtmi nhgdefawyan zeebd