ብመሰረት ጠለብ ህዝቢ፡ ኤርትራዊ ሃገራዊ ባይቶ ንደሞክራሲያዊ ለውጢ (ኤሃባደለ) ጨንፈር ዓዲንግሊዝ ንኽፉት ህዝባዊ ኣኼባ ይጽውዕ፡፡

ከም ዝፍለጥ ብዕለት 24 ሕዳር 2013 ብምክትል ኣቦ ወንበር ፈጻሚ ቤት ጽሕፈት ኤሃባደለ ኣቶ የውሃንስ ኣስመላሽ ዝተጸውዐ ኣኼባ፡ ብተኻፋልነት ካብ ዝተፈላለያ ከተማታት ዓዲንግሊዝ ዝመጹ ደለይቲ ፍትሒ ተኻይዱ ነይሩ።

ኣብቲ ኣኼባ፡ ኣቶ የውሃንስ ባይቶ ካብ ዝምስረት ኣትሒዙ ክኸዶ ዝጸንሐን ዘሎን መስርሕ ብኣወንታውን ኣሉታውን መልክዑ ንህዝቢ መብርሂ ከም ዝሃበ ዝዝከር እዩ፤ ምስኡ ኣተኣሳሲሩ’ውን ኩነታት ሃገርናን ዝኸዶ ዘሎ ቅልጡፍን ተሃዋስን ኩነታት ምስ ኣኼበኛ ግሉጽ ናይ እንካን ሃባን መድረኽ ከፊቱ ነይሩ።

ኣብ ክፉት ምይይጥ ናይቲ ኣኼባ ዝተፈላለዩ ሃነጽቲ ሓሳባት ብደለይቲ ፍትሒ ክውሕዙ ተሰሚዖም ነይሮም፤ ብሕጽረት ግዜ ምኽንያት ኩሉ ዝቐረበ ሓሳባት ክዕመም ስለ ዘይተኻእለ ግን ኣብ ዝቐልጠፈ እዋን ዳግማይ ኣኼባ ክጽዋዕ ጠለብ ቀሪቡ፡፡

ጠለብ ህዝቢ ንምትግባር እምበኣር፡ ሃገራዊ ባይቶ ንደሞክራሲያዊ ለውጢ ጨንፈር ዓዲንግሊዝ ንሰንበት ዕለት 15 ታሕሳስ 2013 ንኹሉ ደላይ ፍትሒ ኤርትራዊ ብኽብሪ ይዕድም።

ቦታ

Abrar house

45 Crawford Place

Edgware Road

London: W1H 4LP

ግዜ

ካብ ሰዓት 3 ድሕሪ ቀትሪ ክሳብ ስዓት 8 ናይ ምሸት፡

ብድሓን ምጹ፣

ኤርትራዊ ሃገራዊ ባይቶ ንደሞክራሲያዊ ለውጢ ጨንፈር ዓዲንግሊዝ።