ስርዓት ህግደፍ ንመዓልቲ ናጽነት ኣመኽንዩ ኣብ ወጻኢ ኣብ ዘዳለዎ ናይ ፕሮፖጋንዳ ጽምብላት ንምስታፍ ዝለኣኾ፡ ውሩይ ደራፋይ ብሌን ኤልያስ መስመር መብራቱ ንምልካዊ ስርዓት ህግደፍ ብምርሕራሕ ኣብ ስዊዘርላንድ ከምዝተሸርበ ምንጭታት ሓቢሮም።

ስነጠበበኛ ኤልያስ መስመር፡ ኣብቲ ህግደፍ ዝሃቦ ተልእኾ ተሳቲፉ ሓንቲ ደርፊ ከይደረፈ እዩ ብቐዳም ካብቶም ምስኡ ዝመጹ ጉጅለ ባህሊ ተፈልዩ ኣብ ከተማ ጀኔቭ ተሸሪቡ።

ኣብ ምምጽኡ ተራ ዝነበሮ፡ ብኹነታት ኤልያስ መስመር ዝሰንበደ ኣብቲ ቦታ ዝርከብ ወኪል ስርዓት ህግደፍ ኣቶ ስለሺ፡ “ዋላ ሓንቲ ደርፊ ደሪፉ እንተዝጠፍእ ዶ ጸሊእኩም፡ ኣባላሽዩና” ኢሉ ከቝረምርም ከምዝተሰምዐ ‘ውን እቶም ምንጭታት ጠቒሶም።

መንእሰይ ስነጠበበኛ ኤልያስ መስመር፡ ቅድሚ ሕጂ ካብ ኤርትራ ንምምላጥ ፈቲንካ ተባሂሉ ብስርዓት ህግደፍ ተኣሲሩ ከምዝተሳቐየ ‘ውን ኣረዲኦም።