ወዲ 19 ዓመት ኤርትራዊ ኣትሌት ግርማይ ገብረስላሰ፡ ሎሚ ቀዳም 22 ነሓሰ ኣብ በይጂን ኣብ ዝሰላሰል ዘሎ ቻምፕዮና ኣትለቲክስ ዓለም ኣብ ዝተኻየደ ናይ ማራቶን ውድድር ኣንጸባራቒ ዓወት ብምምዝጋብ ዝነኣሰ ተዓዋቲ ብምዃን ታሪኽ ሰሪሑ።

ኣብቲ ኤርትራ ኣብ ከምዚ ዝኣመሰለ ዓቢ መድረኽ ኣትለቲክስ ዓለም ናይ መጀመርያ ወርቂ ማዳልያ ዝተሸለመትሉ ኣጋጣሚ፡ ኣትሌት ግርማይ ገብረስላሰ፡ ኣብቲ ብርቱዕ ሙቐት ዝነበሮ ውድድር፡ ብፍላይ ኣብቲ ቀዳማይ ክፋል፡ ሓይሉ ዓቂቡ ናይ ውድድር ውጥኑ ሓልዩ እግሪ እግሪ መቐዳድምቱ ድሕሪ ምስዓብ እዩ ኣብ ኣጋ መወዳእታ ፈንጢሱ  ብሰፊሕ ጋግ ነት ኣደናቒ ዓወት ኣመዝጊቡ።

Eritrea’s Ghirmay Ghebreslassie crosses the finish line with his national flag after winning the gold medal in the men’s marathon at the World Athletics Championships at the Bird’s Nest stadium in Beijing, Saturday, Aug. 22, 2015. (AP Photo/Kin Cheung)

እቲ ኣንጸባራቒ ዓወት ኤርትራዊ ኣትሌት ግርማይ ገብረስላሰ፡ ዛጊት ንመድረኽ ናይቲ ኣብ በጂይን ቻይና ዝካየድ ዘሎ ሻምፕዮና ኣትለቲክስ ዓለም ዓብሊሉዎ፡ ማዕከናት ዜና ዓለም የዛርብ ኣሎ።

ንኤርትራዊ ኣትለት ግርማይ ገብረስላሰ ስዒቦም፡ ኢትዮጵያዊ የማነ ጸጋን፡ ኡጋንዳዊ ሙንዮ ሶሎሞን ሙታይን ካልኣይን ሳልሳይን ወጺኦም ነሓስን ብሩርን ተሸሊሞም።

Ghirmay Ghebreslassie of Eritrea poses for photographers after winning the men’s marathon at the 15th IAAF World Championships at the National Stadium in Beijing, China August 22, 2015. REUTERS/Dylan Martinez