ካብ ግዜ ቁልዕነቱ ኣትሒዙ ምእንቲ ናጽነት ዝተቓለሰ ሕጂ ‘ውን ኣብ ኣብ ስደት ኣብ ጎኒ ውጹዕ ህዝቡ ደው ኢሉ ምእንቲ ፍትሒ ክንቀሳቐስ ዝጸንሐ ምቕሉል ሓው ዓብደላ ሓጋይቶ ትማሊ 16 ሕዳር ኣብ ቺካጎ ሃንደበት ከምዝዓረፈ NBC News Chicago ሓቢሩ።

ወዲ 42 ዓመት፣ ኣቦ 4 ቆልዑ ዓብደላ ሓጋይቶ ኣብ ቺካጎ Windy City ኣብ ዝተባህለ ከባቢ ኣብ ገረብ ተሓኒቑ ከምዝተረኽበ ፖሊስ ቺካጎ ገሊጾም።

ብመሰረት ‘ቲ ሓበሬታ፣ ፖሊስ ነቲ ጉዳይ ነብሰ-ቅትለት ክከውን ይኽእል ‘ዩ ብዝብል ግምት ኳ ክምርምርዎ ጀሚሮም እንተለዉ፣ ሳዕቤን ገበናዊ ፍጻሜ ‘ውን ክኸውን ይኽእል’ዩ ካብ ዝብል ምጥርጣር ዛጊት ኣብ መደምደምታ ኣይበጽሑን።  ፖሊስ ቺካጎ ብተወሳኺ፣ ናይ ማሕበራዊ ሚድያ ንጥፈታቱ ናይ ተስፋ ምቝራጽ ምልክት ከምዘይብሉ የገንዝቡ።

ሓው ዓብደላ ሓጋይቶ፣ ሓደ ካብቶም ብ 29 ጥቅምቲ ነዊሕ ሰዓታት ናብ ኒው ዮርክ ተጓዒዞም ብራልን ሕጉስ መንፈስን ሰፊሕ ሰላማዊ ሰልፊ ዘካየዱ ደለይቲ ፍትሒ እዩ።

demo.archive.assenna.com በዚ ኣብ ዘይእዋኑ ዘጋጠመ ሃንደበታዊ ሞት ሓው ዓብደላ ሓጋይቶ ዝተሰመዓ መሪር ሓዘን እናገለጸት መንግስተ ሰማይ የዋርሶ ትብል። ንቤተሰቡ ድማ ጽንዓት ይብሃብኩም ትብል።