ሓላል ለዋህ በላሕ መስተውዓሊት

ርህርህቲ ወላዲት ንደቀይ በሃሊት

 

ፍሕሹው ገጸባህራ ፍቅሪ ንረክበሉ

ልሳና ጡዑም መዝሙር ሂወት ንዘርኣሉ

 

ደኺመ ከይበለት ደቓ ትዓናግል

ንጽባሕ ተቓምት ኣርሒቓ ተስተብህል

እንተ ሕጂ ግን

ጻዕረ ሞት ሒዝዋ ገጻ ተጸዊጉ

ሕብራ ተደምሲሱ ዓይና ደም ዝዒጉ

 

ፈናጅል ኣዒንታ ሕብሩ ተቐይሩ

ብገበታ ንብዓት ቀይሕ ደም ኣስፊሩ

 

ከም ቆልቃል ኪትነብዕ ትነብር

ወላድ መኻን ኮይና ስኢና ዝጥውር

 

ጨኒቕዋ ካዕካዕታ ፍርሒ በዚሕዋ

ራዕዲ ጥሜት ጽምኢ ኩሉ ከቢቡዋ

 

እንታይእያ ኣቢሳ ክንድዚ ትውጻዕ

ንስቅያት ሕሰም ሓይኻ ትበልዕ

 

እታ ለዋህ ኣደ ብፍርሒ ጃጅያ

ንሱ ኣይኮነን ኢዳ ሕማቅእያ ተፈድያ

 

ርእሳ ደርሚማ መዋእላ ሓዘን

ብምሒር ቃንዛሕሰም ሓዲርዋ መርዘን

 

ሕብሪ ገጻ ተባላሽዩ ማድዩ

ጸጉሪ ርእሳ ተወዲኡ ጠፊኡ ተነጽዩ

 

ንሕና ኢና ለውጢ መቐይሮ ሂወታ

ንምልኪ ጨካን ስርዓት ንስጎጎ ካብ ቤታ

 

ንበገስ ኩላትና ከነንግሳ ሰላም

ንሓቂ ንገስግስ ንቀንጥጦ ጸላም

 

በጃኹም ሆ ንበል ንምለሶ ትብዓታ

ካብ ባርነት ነውጽኣያ ንድረዘላ ንብዓታ።

  ሰላምይንገስ (ወዲደባስ)