ህግደፍን ሰዓብቱን ናይ ዕግርግር ሓይሊ ኢዮም¨፡፡ እዚ ናይ ራዕድን ሽበራን ኣከያይዳዚ ሎሚ ኣብ ኩሉ ኩርናዓት ዓለምን ኣብ ውሽጢ ኤርትራን እናተሰዓረ ይኸይድ ኣሎ። ከም መቐጸልታ ናይዚ ዲሞክራሲያዊ ምዕብልናታት ድማ ሰንበት ዕለት 12 ለካቲት 2012 ነዚ መሊሱ ዘረጋግጽ ኣጋጣሚ ተኸሲቱ።
ኣብዚ ዝተጠቕሰ መዓልቲ መበል ሻምናይ ዓመት ማሕበር መንእሰያት ህግደፍ ንምኽባርን፡ ብዛዕባ ምዕባለ ማዕድን ኣብ ኤርትራ ብሓደ ኣማረ መብራህቱ ዝተባህለ ኣገልጋሊኦም መግለጺ ንምሃብን ተባሂሉዩ እቲ ኣኼባ ተጸዊዑ።

ኣብዚ ዝተባህለ ኣኼባ ንዲሞክራስን ፍትሕን ዝቃለሱ ኤርትራውያን ነቲ ኣኼባ ንምክትታልን ርእይትኦም ንምሃብን ኢሎም ኣትዮም። ብመሰረቱ እቲ ኣኼባ ንኹሉ ኤርትራዊ ክፉትዩ ነይሩ። ነቲ ኣኼባ ከምቲ ልሙድ ዝመርሕ ተኽለ ፈዳይ ዝተባህለ ኣቦ መንበር ናይቲ መሳርሒ ህግደፍ ዝኾነ ማሕበር ኤርትራውያንን ፍሉጥ ሰላይን ናይቶም ብዲሞክራሲ ዝቃለሱ ሰባት ስእሊ ፍቓድ ከይሓተተ ክወስድ ጀሚሩ። እቶም ሰባት ድማ ከይስእሎም ኣጠቂቖሞ። ንሱ ግን ብዘይ ድሌቶም ምስኣል ቀጺሉ። ብዘይካ ከም የማነ ስዩምን ኢሳቕን ሚኪኤልን ዝበሃሉ ኣገልገልቲ ህግደፍ ድማ ብዙሕ ካብቲ ተኣኪቡ ዝነበረ ሰብ ንተኽለ ተቓዊምዎ። ህግደፋውያን ዓቕሎም ጸቢብዎም ናብዝን ናብትን ደዊሎም ደገፍቶም ከተኣኻኺቡ ፈቲኖም። ክሳብ ገለ ካባታቶም ዘይአርትራውያን ዘረይቲ ከይተረፉ ሒዞም መጺኦም። እዚ ምስራሕ ምስ ኣበዮም ድማ ፖሊስ ክጽውዑ ተገዲዶም! ፖሊስ መጺኦም ድማ ንዕሱ ተኽለ ብዘይ ፍቓድ ስእሊ ክወስድ ከም ዘይክእል ኣጠንቂቖም ነታ ካሜራ ኣሕዲጎም ነቲ ተሳኢሉ ዝነበረ ስእልታት ብሙሉኡ ደምሲሶሞ። ኣብ መወዳእታውን ነቲ ኣኼባ ብሰላም እንተዘይመሪሕዎ ክዓጽውዎ ምኹዋኖም ኣጠንቂቐሞ።

ንሕና እቲ ኣኼባ ክዕጾ ዕላማና ኣይነበረን፣ ድሕርቲ ተረኽቦ እቶም ክቕጽሉ ዘይደለዩ ተቓለስትና ነቲ ኣኼባ ገዲፎሞ ክወጹ እንከለዉ ድማ ዝበዝሑ ድማ ክሳብ መወዳእታ እቲ ኣኼባ ተኸታቲሎም።

እቲ ዝቐጸለ ክፋል ናይቲ ኣኼባ በቲ ኣማረ መብራህቱ ዝተባህለ «ምሁር» ዝቐረበ ስታቲስቲክ ኢዩ። እቲ እዚ «ምሁር» እዚ ዝተጠቐመሉ ስታቲስቲክ ኤርትራ ንትዮጲያ ሓዊስካ ካብ ኩለን ሃገራት ኣብ ኩሉ መሰረታዊ መዳያት ኣብ የዐርዩ ዝተሓተ ደረጃ ከም ዘላዩ ዘረጋግጽ። ኣማረ ብዘይ ስንኻ ጸጸር ምቑርጣም ይኣክል።

ካብ ማሕበር ኤርትራዉያን-ኖርወጃዉያን ኣብ ኖርወይ
ስታቫንገር
Norsk-eritreiske venneforeninig