ኣብ ኣስመራ ብብዝሒ ቆልዑ ይጠፍኡ ስለዘለው ኣብ ጎደናታት እታ ከተማ ዝረኣየ ዓይኑ ይብራህ ዝብል ምልክታታት ብብዝሒ ይጥቃዕ ከምዘሎ ምንጭታት ካብ ኣስመራ ሓቢሮም።

ብፍላይ ኣብ ከባቢታት ገዛባንዳ ጥልያንን ገጅረትን ካብ 10-12ዓመት ዝዕድሚኦም ብዙሓት ቆልዑ ከምዝጠፍኡን ወለዶም ንዘመልክቱዎ ብዓልስልጣን ሓርቢትዎም ኣብ መናድቕ ብስእሊ እቶም ግዳያት ኣሰንዮም ናይ ርድኡና ኣውያት ከምዝልጥፉ ክፍለጥ ተኻኢሉ ’ሎ።

እዚ ከምዚሉ ከሎ ህዝቢ ከተማ ኣስመራ ብጸገም ዝስተ ማይ ይጣራዕ ከምዘሎ  ጸብጻባት ሓቢሮም።

እቶም ብገንዘቦም ዝስተ ማይ(ማይ ስሓ)ብጀሪካን ክገዝኡ ዓቕሚ ዘለዎም እውን ዝተወሰነ ዓቐን ጥራይ ከምዝፍቀደሎም ተገሊጹ።

ብሰንኪ ዋሕዲ ማይ ህዝባዊ ኣገልግሎት ዝወሃበሉ ትካላት ከም ሆስፒታል፡ ሆቴላትን፡ ካልእን ጋዕዝዩ ሰብ ይጽይኖ ከምዘሎን፡ ኣብ ጽርግያታት ዝተሰብረ መተሓላለፊ ረሳሕ ፈሳሲ ብዘይምጽጋኑ ኣስመራ ክልተ ጊዜ ተራእያ ይብሉ ተቐማጦ እታ ከተማ።

ብዘይካ’ዚ ምቍራጽ ኤለትሪክ ዳርጋ ልሙድ ኮይኑ፡ ኣብ ገለ ዞባታት ኣስመራ ንሓደ ወርሒ ዝኣክል መብራህቲ ከምዘይነበረ ተፈሊጡ።