ኣብ ስዊዘርላንድ ዑቕባ ድሕሪ ምውሃቦም ናብ ኤርትራ ዝበጽሑ 7 ኤርትራውያን ስደተኛታት ብመንግስቲ ስዊዝ ናይ ዑቕባ ወርቓቕቶም ተሓዲጎም ከምዘለዉ ሓደ ናይ ስዊዘርላንድ መርበብ ሓበሬታ ኣፍሊጡ።

ብመሰረት እቲ ሓበሬታ፣ ካብ 2015 ኣትሒዞም ክሳብ ሕጂ ንመርዓ ወይ ድማ ኣብ ሃገራዊ በዓላት ንኽሳተፉ ናብ ኤርትራ ብዘይሕጋዊ መንገዲ ከይዶም ኣስመራ ዝኣተዉ 7 ኤርትራውያን መሰል ዑቕባኦም ብፈደራላዊ ቤትምኽሪ ስዊዘርላንድ ከምእተሳሕበ መንግስቲ ናብ ሓደ ሕቶ ዘቕረበ ኣባል ቤት ምኽሪ ባይቶ ስዊዘርላንድ ኣብ ዝጸሓፎ ደብዳበ ጠቒሱ።

ካብ ሓንቲ ሃገር ብምምላጥ ዑቕባ ዝሓተቱ ስደተኛታት ናብ ሃገሮም ክበጽሑ ሕጊ ኣይፈቕደሎምን እዩ። ካብ ሕጂ ንደሓር እዚ ሕጊ ‘ዚ ብዝለዓለ ከምዝኽበር ንምግባር እቲ መሊሱ ከምዝሕይል ክግበር ምዃኑ ‘ውን እቲ ሓበሬታ የረድእ።

እቲ ኣባል ቤትምኽሪ፣ ጽኑዕ ናይ መቆጻጸሪ ስርዓት ስለዘይጸንሐ እዚኣቶም ተፈሊጦም ዘለዉ ኣዝዮም ሒደት ካብቶምብ ብዙሓት ዓዲ በጺሖም ዝተመልሱ ክኾኑ ከምዝኽእሉ ብጥቃስ፣ እቶም ከምዚኣቶም ዝኣመሰሉ ስደተኛታት ናብ ሃገሮም ዝምለሱሉ መንገዲ ብዕቱብነት ተራእዩ ዳግመ ግምት ክግበረሉ ከምዘለዎ የተሓሳስብ።

Original News Story:

Sieben Eritreer verlieren Asyl – wegen Heimatreisen