ምልካዊ ስርዓት ኢሳይያስ ካብ እኩባት ደሴታት ዳህላክ ሰልስተ ዴሴታት ንኢራን ኣካርዩዋ ከምዘሎ ኢራን ከኣ መዐለሚ ናይቶም ኣል-ሑቲ ዝብሃሉ ሽዓውያን ተቓወምቲ ትጥቀመለን ከምዘላ ዶክተር ዓብደላ ዝተባህለ ውሩይ ጋዜጠኛን ተንታኒ ፖለቲካን ምስ ሓንቲ ናይ ዓረብ ቴለቭዥን ኣብ ዝገበሮ ቃለመጠየቕ ሓቢሩ ።

ምልካዊ ስርዓት ኢሳይያስ 126 ካብ ዝኾና እኩባት ደሴታት ዳህላክ ሰልስተ ዴሴታት ንኢራን ኣካርዩዋ ከምዘሎ፣ ኢራን ከኣ መዐለሚ ናይቶም ኣል-ሑቲ ዝብሃሉ ሽዓውያን ተቓወምቲ ትጥቀመለን ከምዘላ ዶክተር ዓብደላ ዝተባህለ ውሩይ ጋዜጠኛን ተንታኒ ፖለቲካን ምስ ሓንቲ ናይ ዓረብ ቴለቭዥን ኣብ ዝገበሮ ቃለመጠየቕ ሓቢሩ ።

ብመሰረት ሓበሬታ ዶር ዓብደላ፣ እቶም ኢፓብሊካን ጋርድ ዝዓለሞም ሽዓውያን ምልሻ ታዕሊሞም ምስ ወድኡ ካብተን ናይ ኤርትራ ደሴታት መዲ ብዝተባህለት ናይ የመን ወደብ ናብ የመን ከምዝሰግሩ ኣረዲኡ።

እቲ ብኢራን ዝወሃብ ታዕሊም ዝተፈላለየ ወተሃደራዊ ሞያታት ዘጠቓለለ ኮይኑ ካብ 2-6 ወርሒ ከምዝውድእ ዶር ዓብደላ የገንዝብ።

መዲ ካብ ሑዴዳ 40 ኪሎሜትር ኣቢላ ኣብ ጥቓ ዶብ ስዑዲ ዓረብ እትርከብ ወደብ እያ።

ሽዓውያን ተቓወምቲ ኣል-ሑቲ ኣብ ዝሓለፈ ወርሒ ንዋና ከተማ ሰንዓ ብሓይሊ ድሕሪ ምቍጽጻሮም፣ ኣብዚ እዋን’ዚ ምስ ሰበስልጣን ናይቲ ዝወደቐ ስርዓት ብምዝታይ ልፍንታዊ መንግስቲ ኣብ ምቛም ከምዝርከቡ ይፍለጥ። ቀንዲ መበገሲ ተቓውሞ ናይቶም ሽዓውያን ተቓወምቲ በቶም ዝቐደሙ መንግስታ የመን ፖለቲካዊ ምንጻልን ምግላልን ምዃኑ እዩ ዝሕበር።