አህጉራዊ  መዓልቲ  ደቀንስትዮ  ኤርትራውያን  ደለይቲ ፍትሒ  አብ  ዓዲ–እንግሊዝ  ከተማ ኖቲንግሃም ብዕለት 07/03/17  ብክብ ዝበለ ስነስርዓት ተጸምቢሉ  ዊዒሉ ።

ኤርትራውያን ደቀንስትዮ ማዕረ አሕዋተን  ተቓሊሰን  ናጽነት እኳ  እንተምጸኣ ድሕሪ ናጽነት ግን  አብክንዲ አብ ሃገረን ከቢረን  መሰለን ተረጋጊጹለን ዚነብራ ገሊኤን  ብኩንትራት ናብ ዓዲ  ዓረብ  ኪስደዳ ገሊኤን ከኣ መሰል ፖለቲካውን ማሕበረ-ቁጠባዊ ማዕርነት ተነፊጉወን ምስቲ ኩሉ በሰላታተን አብ ፈቀድኡ ስራሕ ሲኢነን ቀንፈዘው ኪብላ ኢየ ተራእየን። እተን  ንመሰላት ደከንስትዮ  ኪጣበቓ ዚነበረን ማሕበር ደቀንስትዮን መንእሰያትን ከኣ ናይቲ አብ ቃልሲ ህዝቢ ኤርትራ ከም ሽንፍላ ተጠቕሊሉ ዚመጸ ፋሺሽታዊ ስርዓ መጋበሪ ስለይኡ ካብሙዃን ሓሊፈን ንመሰላት ደከንስትዮ ክጣበቓን ንቕሓት ህዝቢ ክብ  ኣብ  ምባል ከሰርሓን አይተራእያን።እታ ማህጸና ጸንቂቓ ንመስዋእቲ ዝበጀወት አደ ብዘይደባሲ  ተሪፋ፡ አብ ፈቀዶ  ማሕበራዊ አገልግሎት “ኣቲ ሰበይቲ”  ዝብሉ ጠገለ ዘይብሎም ናይ ሙግቡዕባዕ  ሓይሊ ቃላት ዚውቱራት ኮኢኖም!! ደቀንስትዮ ብስም ሃገራውዊ ኣገልግሎት  መጋበሪ እቶም መንፈሶም ዚሞተ ቡልሹዋት መራሕቲ ኮይነን ማዳን ዘይወጽእ  በሰላን  ተሸሊመን። እተን አብ ዓዲ ዚተረፋ ከኣ ናይ ሰብኣይን ሰበይትን ሓላፍነት ሓዳር ተሰኪመን ብድኽነት ዳረን በሊዔን!! ሂወተንን ሂወት ደቀንን ንምምራሕ ተለቂሐን ተመርቂሐን ቀንጠመንጢ አብ ጽርግያ ሰጢሐን ክሸቅጣ ንዚፈተና”ከኣ አብ ፈቐድኡ ንብረተን  እንዳዛሕዛሓ ብጭካነ ብምንችበ ናይቲ  ስርዓት  ክህደናን ኪመንዘዓን ይውዕላ።  እተን ካብ ሕሱም ጩቆናን ዓመጽን  ንምምላጥ ቤተን ራሕሪሐን ንስደት ዘምረሓ ከኣ፡ ገሊኤን ንጾታውን  አካላውን ሰነ-ኣእሙሮኣውን ዓመጽ ተቓሊዔን ይሳቐያ፡ ገሊኤን ኩሊተን ይመንዛዕ፡ ገሊኤን አብ መድረበዳ ማይ እንዳበላ ተደርብየን ይተርፋ፡ ገሊኤን አብ ማእሰርቲ ግብጽን ሊብያን ካለኦትን ይግረፋ፡ ገሊእን አብ ባሕሪ ይሰጥማን ይሓርሳን፡፡  ወጽዓ ኤርትራውያን ደቀንስትዮን ህጻናትን ብፍላይ፡ ወጸዓ ኤርትራዊ ብሓፈሻ  ተንቲንካ ኪውዳእ ከቢድ ስለዝኮነ አብዚ ንሰብ ሞያ ንገድፎ።

እቲ ቀንዲ መበገሲ ጹሕፍና እቲ ከም መጋበሪ ናይ ስርዓ ህግደፍ ንዝሓለፈ 23 ዓመታት ተሓዚኡ ዚጸነሐ መጋቢት 8. ብደለይቲ ፍትሒ አብ ዓዲ እንግሊዝ  ከተማ  ኖቲንግሃም ደሚቑ ከምዚወዓለ ንህዝብና ንምብሳር እዩ።  እዚ መደብ ብደቀንስትዮ ደለይቲ ፍትሕን ስምረትን ዚተዳለወ ኮይኑ  ምትሕብባር ናይ ምንቅስቓስ ስመረት ንድሕነት ሃገር ንኡስ ጨንፈር ኖቲንግሃም ከምዝነበሮው  ክንዘኻኽር ንፈቱ። እቲ መደብ  ህጻናትን ድቀንስትዮን ደቂ ተባዕትዮን ዝሓቖፍ ኮይኑ ዘይከም ህግደፍውያን አብ  ዘተን ምድሓን ህዝብን ዝተኮረ ኢዩ ኔሩ።  ድሕሪ ደጊም ምስ ህዝብና ዘጽንት ሕሱም ገዛኢ ንጥርነፈሉ አብነት የብልናን፡ ብዘይ  ዝኾነ  ጣልቓ ንማዕርናትናን መሰላትናን ወጽዓ ህዝብናን ደው ክንብል ኢና። እምቢ ንምክፍፋል ብማለት ንሓድነት በርቲዕና ኪንሰርሕ ኢና። ከምቲ ንደቅና ነኸብሮም ደቂ  እሪትራውያን ብዘይራኢ  ክጠፍኡን ብስነ-ኣእሙሮኣዊ በሰላ ኪሳቀዩን ደው ኢልና አይንዕዘብን፡  ህዝብና  ከይጸንት ሓቢርና ክንቃለስ  አለ”ና  ወዘት ዝብሉ መልእኽታት ኣመሓላሊፈን።

ሓርነት ህዝቢ  ኤርትራ  ናይ  ግድን ኢዩ!

ስምረት ደቀንስትዮ  ኤርትራ ኖቲንግሃም (ዓዲ-እንግሊዝ)