ህዝቢ ስያትልን ከባቢኣን ምስ ኣቶ ክብሮም ም ዳፍላ ንጉዳይ ህገር ዝምልከት ኣኼባ ብዕለት 26 ሰነ 2017 ኣካይዶም። ኣብቲ ልዕልነት ሕጊ ዝነገሰሉ ሃገር ምፍጣር ዝዕላምኡን ፣ ጎደና ራህዋን ፍትሕን ዝተዳህሰሰሉ መድረኽ ዘተ ፣ ሓሳባታት ብምውሓዝ ናይ ተግባር ውጥን ቀሪቦም ።

እዚ ግብራዊ እዩ ተባሂሉ ዝቀረበ ኣገባብ ቃልሲ ፣ ተጋባእቲ ብዝርዝር ንኽዝቲሉ ብሕቶ ኣቶ ክብሮም እዩ ተኸፊቱ ።   “ እዚ ኩሉ ዝተወጽዕ ኣካል ሕብረተሰብና ካባና እንታይ እዩ ዝጽበ ዘሎ”  ብዝብል ሕቶ እዩ ተኽፊቱን ፣ ንቡዙሕ ሰብ ክኣ ሓሳባቱ ከፍስስ ዓዲሙን ።

እቶም ዝቀረቡ ግብራውያን ስልትታት ድማ ነቲ ስርዓት ስልጣኑ ንሕዝቢ ከረክብ ዘገድዱ መደብ እዮም ኢሉ ስለ ዝተኣመነሎም ናይቲ ዝበዝሐ ተሳተፍቲ ደገፍ ረኺቦም ። እቲ  ስትራተጂ ምእላይ እቲ ስርዓት ደቂቅ ዝርዝር ትግባረ ውጥን ፣ ቀደም ተኸተልን ፣ ህልው ጸጋታት ኣብ ግምት ዘእተወን መደብ እዩ ። ኣብዚ ተሃዋጺ እዋን እቲ መደብ ትግባረ ብደቂ ሃገር ከምዝሰላሰልን ፣ ተኽእሎን ዕዮ ገዛ ኤርትራዊ ዜጋ ጥራይ ብምኽኑ ፣ ናይ ክልኦት ምትእትታውን ኣይፈቅድን ። ኣብቲ መዛዘሚ ናይቲ ሕዝባዊ ዘተ ሃጎፍት ንኽይፍጠር ደቂቅ ውጥን ትግባረ መሰጋገሪ ድሕረ ለውጢ ብምዝታይ እቲ ኣኼባ ተዛዚሙ ።

ኣብቲ ኣኼባ ኣዝዩ ብርክት ዝበለ ቁጽሪ ካብ ካናዳ ከይተረፈ ተሳተፍቲ ብምርካቦም  ነቲ ኣኼባ ድምቀት ሂብዎ ኣምሲዩ።

ደለይቲ ፍትሒ ስያትልን ከባቢኣን