ኣብ ዝሓለፈ ሰለስተ ሰሙን፣ ብዙሓት ተመሃሮ ናይ’ቲ “ብዋርሳይ ይከኣሎ” ዝፍለጥ ካልኣይ ደረጃ መደበር ታዕሊም ሳዋ፣ ካብቲ ቦታ ኣምሊጦም ናብ ዝተፈላለየ ኩርንዓት ከምዝተበተኑ ምንጭታት ካብ ኤርትራ ሓቢሮም።

ገለ ካብዚኣቶም ናብ ዓዶምን ዝነብሩለን ከተማታትን ክኣትዉ ኣብ ጉዕዞ እናሃለዉ ብስርዓት ህግደፍ ተታሒዞም ኣብ ኣብያተ ማእሰርቲ ተዳጕኖም ከምዘለዉ ‘ውን ተፈሊጡ።

ካብቲ ቕንያት ‘ቲ ኣትሒዙ ኣስታት 200 ተማሃሮ ካብ ሳዋ ጠፊኦም ሓንሳብ ከኣ ተጨውዮም ዝብል ዘይተረጋገጸ ወረ ክነፍስ ቀንዩ እዩ። እዞም ካብ ሳዋ ተበታቲኖም  ተበታቲኖም ዘለዉ ብዙሓት ተማሃሮ፣ በዚ ናይ ጭውያ ወረ ተሰናቢዶም ዝበረሩ ድዮም ወይስ እቶም ጠፊኦም ተባሂሎም ዝተወርየሎም ንገዛእ ርእሶም እዮም ግን ዛጊት ንጹር ሓበሬታ ኣይተረኽበን።