ብስርዓት ህግደፍ ዝደስከለት ታሪኻዊት ስእሊ ናይ ጀነራል ስብሓት ኤፍሬም

እዛ ፎቶግራፍ ኣብ ሓደ እዋን ጀነራል ስብሓት ኤፍረም ኣመሓዳሪ ከተማ ኣስመራን ከባቢኣን ኣብ ዝነበረሉ
ግዜ ምስ መሳርሕቱ ኣባላት ባይቶ ከተማ እተስኣላ  እያ።
ቅድሚ ገለ ኣዋርሕ ሓደ ኣባል ሚንስትሪ ዜና ምስ ሓንቲ ጽሕፍቲ ታሪኽ ከተማ ኣስመራ ኣብ ዘዳለዋ ዓምዲ ከምቶም ኣብዛ ስእሊ ዘለዉ ዝደስከሉን እተሰዱን ኣባላታ ሕሱም ግዜ ኣርኪብዋ ከይትሕተም ተኣጊዳ ኣብ ኣርካይቭ እንዳዜና ዝደስከለት እያ።

ውልቀመላኺ ኢሳይያስ፡ ንዝቐተሎምን ዝኣሰሮምን ኤርትራውያን ካብ ኣእምሮ ህዝቢ ኤርትራ ከምዝርስዑ ንምግባር ዝወስዶ ቀዳማይ ስጉምቲ ዋላ ብሰነዳት ካብ ዓይኒ ህዝቢ ኤርትራ ከምዝኽወሉ ምግባር እዩ። ነቶም ኣብ ኤርትራ ዲሞክራስያዊ ምስግጋር ክህሉ፡ ቅዋም ክግበር ዝጠለቡ ላዕለዎት ሓለፍቲ ኣብ 2001 ድሕሪ ምእሳሩ፡ ኣብ ግዜ ቃልሲ ዝተሳእሉዎ ቪድዮታት ከይተረፈ እናቆረጸ ብምድርባይ፡ ብናይ ገዛእ ርእሱ ስእልታት እናተከአ ኣእምሮ ህዝቢ ኤርትር ንምድንድንቋር ፕሮፖጋንዳ ክገብር ምጽንሑ ይፍለጥ።

ምንጭታት ካብ ኣስመራ