ኣብ ኣስመራ፣ ሓይሊ ኤለትሪክ ብተኸታታሊ ንሓያለ መዓልታት ብዘይ ምቍራጽ ደው ብምባሉ፣ ኣብ ኣስመራ ዝርከብ ናይ ደም ባንክ ነቲ ከዚኑዎ ዝነበረ ኩሉ ካብ ህዝቢ ዝተለገሰሉ ደም ክጉሕፎ ከምዝተገደደ ምንጭታት ካብ ኣስመራ ሓቢሮም።

ምስዚ ብዝተኣሳሰር ቀጥታዊ ምኽንያት፣ ኣብ ሓደ ሆስፒታል ናይ ክልተ ሰባት ሞት ከምዘጋጠመ ‘ውን እቲ ሓበሬታ የረድእ።

እቲ ኣብ ከተማ ኣስመራ ብሰንኪ ቀጻሊ ምቍራጽ ኤለትሪክ ተኸሲቱ ዘሎ ቀጻሊ ጸላም፣ ነቲ ብሰንኪ ሽቅለት ኣልቦነት ድሮ ገኒኑ ዝጸንሐ ስርቂ ብዝለዓለ ደረጃ ኣጋዲዱዎ ከምዝርከብ ከኣ እቲ ዝተረኽበ ሓበሬታ ኣረዲኡ።

ይኹን’ምበር ባራት ነናይ ብሕተን ጀነኔተራት ብምውላዕ መስተ ምእንጋድ ከምዘየቋረጻ እቶም ምንጭታት ኣገንዚቦም።