ስርዓት ህግደፍ ንተዋህዶ ቤተ ክርስትያን 5 ስሩዓት መጋበርያ ክመርሕዋ ምሉእ ስልጣን ሂቡ ኣዋፊርዎም ኣሎ።

ኣቐዲምና ከም ዝሓበርናዮ፥ ነቶም ሽማግለታት ጳጳሳት ዓጽዩ ከጻብበሎምን ከፈራርሆምን ድሕሪ ምጽናሕ፥ እቶም ነዚ ሓሳብ ኣይንቕበልን ዝበሉ ክልተ ጳጳሳት ኣባ ቄርሎስን ኣባ ዮሓንስን ኣብ ዘይብሉ፥ ብኣባ ሉቃስ ዝተመርሐ፥ ሓይሊ ተጠቒሙ፥ ሓሙሽተ መጋበርያ ኣዋፊሩላ ኣሎ። እዞም ብስም ትምህርቲ ሰንበት ኣሳቢቦም፥ ብዙሓት ንጹሃትን ግሩሃትን ካህናት ዝጎድኡ፥ ኣብ ታሪኽ ክርስትና ተራእዩ ዘይፈልጥ፥ ወራር ኣካይዶም ኣብ ቀጽሪ ኣብያተ ክርስቲያናት ኣብ ምቅጻል መጻሕቲ ቅዱሳት ዝለዓለ ኢድ ዝነበሮም ናይ ዲቁና ይኹን ናይ ክህነት መዓርግ ዘይብሎም፥ ውዳሴ ማርያም ዘይደግሙ፥ ኣካል እቲ ኣብ ኢትዮጵያ ዘሎ ማሕበር ቅዱሳን እዮም።

ኣብዚ እዋን ቀንዲ መሳርሒ ዝጥቀሙሎም ዘለዉ፥  ኣባ ሉቃስ እዮም። ኣባ ሉቃስ በዞም ኣባጽሕ ኣቢሉ ዝተዋህድቦም ቃል እዮም። ኣዝዩ ንምስምዑ ዘሕፍር ቃል ንቃል ኣምላኽ “ንመጽሓፍ ቅዱስና መጽሓፍ ርኩስ” ክብሉ ዝተገደዱ።

1. ኣቶ ካሕሳይ ዋና ጸሓፊ ቅዱስ ሲኖዶስ፥ ብጀካ ንጳጳስ ንካህንውን ዘይፍቀድ ቦታ እዩ ዋና ጸሓፊ ቅዱስ ሲኖዶስ።
2. ኣቶ ክፍለ ሓላፊ ምቁጽጻርን ምእካብ ሞባእን ገንዘብን ኣብያተ ክርስትያናት ኣስመራ።
3. ኣቶ ሰሎሞን ዋና ጸሓፊ ኣጻራይን መርማርን ሃይማኖት ተዋህዶ።
4. ኣቶ ኢሳይያስ ኣብ ልዕሊ መርጌታ ሰመረ (መንክር) ላዕለዋይ ተጸዋዒ ትምህርቲ ሰንበት፡
5. ኣቶ ግርማይ ሓላፊ ምምሕዳር ኦርቶዶክስን ምክትል ጸሓፊ ቅዱስ ሲኖዶስን

ኩሎም እዚኦም ምስ መዓርግ ቤተ ክርስቲያን ምርኻብ ዘይብሎም፥ ፖለቲከኛታት፥ ነጸላ ተኸዲኖም ዘደነግሩ እዮም። እዞም መጋበርያ ምልኪ ንእምነት ተዋህዶ ክሕልውዋ ይኽእሉ እዮም ዝብል እምነት ዘለዎ ሰብ እንተሎ ኣእምሮኡ ደሓን ኣሎ ምባልውን ዘሸግር እዩ።

መንግስቲ ህግደፍ ሞባእ ቤተ ክርስትያን ዝምዝምዘሉ ንጹር መገዱ ኣብ ቤተ ክርስትያን ተዋህዶ ኣነጺሩ ኣሎ። ነዚ ሓደገኛ ንዕንወት ቤተ ክርስትያን ዝተበገሰ፥ ዓመጸኛ ኣሰራርሓ፥ ብትብዓት ክንምክቶን ክንቃለሶን ይግባእ።

ግዱሳት ካብ ኣስመራ።