ኣቦና ኣቦይ ባሻይ ተዓረ

ኣቦና ኣቦይ ባሻይ ተዓረ፡ ካብ ኣቦኦም ቀሺ ተኽለሃይማኖት ወልደሚካኣኤልን ካብ ኣዴኦም ወ/ሮ ለተጋብር ተኪኤን ብዕለት 16 ግንቦት 1916 ዓ. ም. ፈ. ኣብ ዓዶም ትኹል ሮቡራ እገላ-ሓመስ ኣከለ-ጉዛይ ተወሊዶም። ዕድሜኦም ዓቕመ-ኣዳም ምስ በጽሑ ኣብ ውትህድርና (ፊልድ ፎርስ) ተዓስኪሮም ክሳዕ 1971 ኣገልጊሎም። ብድሕርዚ ኣብ ዓዶም ገባራይ ኮይኖም ድሕሪ ምጽናሕ ናብ ደቆም ኣብ ኣሜሪካ ምስዝርከቡ ን15 ዓመት ጸኒሖም ቅድሚ ሓደ ዓመት ኣቢሉ ናብታ ዝተወለዱላ ዓዶም ብሰላም ተመሊሾም። ድሕሪ ሓደ ዓመት ምጽንሖም ድማ ብናይ ሓጺር ጊዜ ሕማም ምኽንያት ኣብ 96 ዓመት ዕድሜኦም ብዕለት 13 መጋቢት 2012  ካብዛ ዓለም ብሞት ተፍልዮሙና፡ ኣብታ ዝተወለዱላ ዓዶም ድማ ሓመድ ኣዳም ለቢሶም።

ዕርፍቲ ኣቦና  ሓድሽ መርድእ ንዝኾነኩም ቤተ-ሰብን ፈተውትን ኩሉኹም እቕሬታ እንዳሓተትና፡ እቶም ሓሚሞም ኣብ ዓራት ካብ ዝወድቁ ጀሚርኩም ክሳዕ ክቡር ሬሳኦም ኣብታ ዓዶም ሓመድ-ኣዳም ዝለብሱ፡ ካብ ርሑቕን ቀረባን፡ ካብ ብተሰብን ፈተውትን ብፍላይ ድማ ካብ ህዝቢ ሲያትልን ከባቢኡን ዝተገበረልና ምጽንናዕን ምትብባዕን፡ ምሕብሓብን ምድባስን፡ ካብ መዓሙቕ ልብና ዝኸበረ ምስጋናህ ይብጻሕኩም። የቐንየልና።

ካብ ምሉኣት ስድራ-ቤት ኣቦይ ባሻይ ተዓረ

ሕሰም ኣይትርከቡ ! ! !