ምልካዊ ስርዓት ኢሳይያስ ኣብ ዑደት ንዘሎ ወረቐት ባጤራ ናቕፋ ክቕይሮ ምዃኑ ትማሊ 4 ሕዳር ብመንገዲ መራኸቢ ብዙሓኑ ኣዊጁ።

ብመሰረት እቲ ኣዋጅ፣ ነቲ ኣብ ዑደት ዝጸንሐ ባጤራ ብሓዱሽ ናቕፋ ናይ ምቕያር መስርሕ ብመንገዲ እተን በቲ ስርዓት ዝውነና ንግዳዊ ባንክታት ዝካየድ ካየድ እዩ።

ውልቀ ተገልገልቲ ይኹን ትካል ፣ ሓደ እዋን ኣብ ሓደ ንግዳዊ ባንክ ጥራይ ገንዘብ ከቐይሩ ከምዝፍቀደሎም ፣ ብጥረ ገንዘብ ክቕይሩዎ ፍቀደሎም ዓቐን ገንዘብ ከኣ 20 ጥራይ ምዃኑ እቲ ትእዛዝ ይጠቅስ።

እቲ መስርሕ ምቕያር ኣብ ውሽጢ 6 ሳምንታት ዝውዳእ ምዃኑን ካብኡ ንደሓር እቲ ኣረጊት ናቕፋ ኣገልግሎት ከምዘይህልዎን ብምምልካት ከኣ፣ ነቲ መምርሒ ዘይተኸተለ መቕጻዕቲ ከዝገጥሞ የፈራርሕ።

ምልካዊ ስርዓት ኢሳይያስ ካብ ባንክ ናይ ዝወጽእ ገንዘብ ይኹን ኣብ ኢድ ክተሓዝ ዘለዎ ዓቐን ናይቕፋ ወሲኑዎ ከምዝቐነየ ይፍለጥ።

ክቡራት ተኸታተልቲ ኣሰና፣ ነዚ ጉዳይ ‘ዚ  ብዝምልከት ምስ ሓላፊ ትሬዠሪ ኤርትራ ነበር ኣቶ ክብሮም ዳፍላ ዝግርበርናዮ ሓጺር ዝርርብ ኣብ ናይ ሎሚ መደብ ድምጺ ኣሰና ተኸታተሉ።