ምልካዊ ስርዓት ኢሳይያስ፣ ብግዴታ ብረት ኣትሒዙ ህዝባዊ ስራዊት ኢሉ ካብ ዝሰርዖም ሲቪል ነቶም ትሕቲ ሓምሳ ንታዕሊም ክብገሱ ዘመሓላለፎ ትእዛዝ ተቓውሞ የጋጥሞ ምህላዉ ምንጭታት ሓቢሮም።

ምልካዊ ስርዓት ኢሳይያስ ዝገበሮ ናይ ታሪፍ ለውጢ ንህዝቢ ኣሰንቢዱዎ ምህላዉ ምንጭታት ካብ ኣስመራ ሓቢሮም።

ምልካዊ ስርዓት ኢሳይያስ፣ ብግዴታ ብረት ኣዕጢቑ ህዝባዊ ስራዊት ኢሉ ካብ ዝሰርዖም ሲቪል ነቶም ትሕቲ ሓምሳ ን 7 ጥቅምቲ ንታዕሊም ክብገሱ ዘመሓላለፎ ትእዛዝ ተቓውሞ የጋጥሞ ምህላዉ ምንጭታት ካብ መንደፈራን ዓዲቕይሕን ሓቢሮም።

ብፍላይ ኣብ መንደፈራ፣ ደቀምሓረን ዓዲ ቐይሕን፣ ድሕሪ ክንደይ ምህልላ ዝረኸብናዮ ቀውዒ ከንቱ ኮይኑ ክተርፍ ኢልና ኣይንኸይድን፣ ብምባል ነቲ ምልካዊ ስርዓት ኢሳይያስ ዘመሓላለፎ መምርሒ ይቃወሙዎ ከምዘለዉ እቲ ሓበሬታ የረድእ።

ኣብ ኣስመራ ንዝርከቡ ተመሳሳሊ ክሊ ዕድመ ዘለዎም ዕጡቓት ‘ውን ኣብዚ ሳልስቲ ሓደ ዓይነት መምርሒ ተዋሂቡዎም ኣሎ።

እቲ ስርዓት ነቶም ናብ ታዕሊም ምብጋስ ዝኣበዩ ሰብ ልቸንሳ ዓጽዮሞም ከምዘለዉ ‘ውን እቲ ሓበሬታ ይጠቅስ።

ምልካዊ ስርዓት ኢሳይያስ ዝገበሮ ናይ ታሪፍ ለውጢ ንህዝቢ ኣሰንቢዱዎ ምህላዉ ምንጭታት ካብ ኣስመራ ሓቢሮም።

ምልካዊ ስርዓት ኢሳይያስ ምረት መነባብሮን እቶትን ህዝቢ ኣብ ግምት ከየእተወ ዝገበሮ ሓዱሽ ናይ ታሪፍ ለውጢ ንህዝቢ ኣሰንቢዱዎ ምህላዉ ምንጭታት ካብ ኣስመራ ሓቢሮም።

በቲ ሓበሬታ መሰረት፣ ሊትሮ ላምባ 40 ናቕፋ፣ ናፍታ 45 ናቕፋ፣ በንዚን 50 ክኸውን ብምውሳኑ፣ እቶም ድሮ ብምረት ናብራ ክባሳጨዉ ዝጸንሑ፣ ወሰኽ ደሞዝ ከይተገብረሎም ካብ ሓደ ሽሕ ንታሕቲ እናተኸፍሉ ዝሰርሑ ዘለዉ ሲቪል ሰራሕተኛታትን ተጋደልትን፣ ብሕልፊ ድማ 500 ናቕፋ ንወርሒ እናተኸፍሉ ጉልበቶም ዝምዝመዝ ዘሎ ኣባላት ሃገራዊ ኣገልግሎት ከመይ ኢሎም ከምዝነበሩ ሓርቢቱዎም ኣዝዮም የማርሩ ኣለዉ።