ህዝቢ ዓለም ኣብ መሰልን ማዕርነትን ደቀንስትዮ ዘለዎ ኣረኣእያ ንደቀንስትዮ “ማዕረ ወዲ ክሃልካ ኣለወን” ኣብ ዝብል ኣምር ዝተመስረተ ኣይኮነን:: ኣብ ትምህርትን ምርምርን ዘለዎ ኣበርክቶን ጸጋ ተፈጥሮ ዝዓደለን ኣደነትን ንደቀንስትዮ ብምክንኻን ጥዑይ ሕብረተሰብ ምፍጣር ንዓለምና  ቀንዲ ሕመረት ምዕባለ ምዃኑ ብምእማን እዩ::

መሰል ደቀንስትዮ ህያብ ኮይኑ ወይ ዋና ሃልዩዎ: ዝኽላእ ወይ ፍትወት መራሕትን ስርዓታትን ዝባርኾ ኣይኮነን:: ኣብቲ ደቀንስትዮ ኮስኪሰን ዘማዕብልኦ ሕብረተስብ ዝሰፍን ምዕሩይ ኣተሓሳስባን ሓልዮትን እዩ:: ደቀንስትዮ ባዕለን ዘረጋግጽኦ ውሑስ ሃዋህው ክንብል እንከለና መእሰሪ ሕብረተሰብ ኮይነን ናብ ቅኑዕ ኣተሓሳስባ ከሰጉማ ዘለወን ተኽእሎ ዘዕዝዝ: ህያብ ኣደነት ስለዝውንና ፈጠርቲ ሕብረተሰብ እየን::

ሃገርና’ኸ  ኣብዚ እዋንዚ ነዚ ጸጋ ምዕባለ ክኸውን ዘለዎ ኣካል እትጥዕም ኮይና ዶ ትኸይድ ኣላ፧

ደቀንስትዮ ኤርትራ ሕመረት ሕብረተሰብ ዶ: ወላስ ማዕርነት ከም ህያብ መንግስቲ ጌርናልክን ይበሃላ ኣለዋ፧ ኣረጋጊጸንኦ’ዶ ወይስ ተረጋጊጹለን፧ ኣብ ምንታይ እየን ከ ማዕረ ኮይነን ዘለዋ ፧ እንተ ኢልና እቲ ወጽዓ ጎሊሑ ይርአ።

ኣዴታት ኤርትራ ካብ ዘመነ መግዛ እቲ ዝገደደ ብስ እነት ሰላም ይሳቐያ:: ዘዝበጽሐ ውላደን ንመስዋእቲ እናቐረባ ተሸቑሪረን ይነብራ:: ጎራዙትና ተበሃጊ ዕድመአንን ናይ ምውላድ ዕድለንን ኣብ ሃልኪን ባርነትን የሕልፍኦ::

ስብኡተን ጅሆ ብምሓዝ ዝተበታተነ ሓዳር ብምፍጣር: ድርብ ሓላፍነት ቆልዑ ተሰኪመን: ውላደን ከም ትሕጃ እናተቖጽሩ ናብ ሃገራት ክባርያ ይሽየጣ:: ብእግረን ዶባት ክሰግራ ዝተረኽባ ራሄላት ብተመልከተለይ ይርሸና:: ኣብ ባሕሪን  ምድረበዳን ይሞታ::

ኣየናይ እዩ ዳኣሉ’ ሞ መሰልን ማዕርነትን : ኣየናይ እዩ’ኸ እቲ ጉንዖ፧ ንናጽነት ሃገርን ን ማዕርነት ዝተቓለሳን ዝመሃራን ኣብ ማሕዩር ምሕቃቕ፧ ማዕረ ደቂ ተባዕትዮ ኣብ ወፍሪ ምጽማድ፧ ከምኡ እንተኾይኑ ኣብ ማ ህደር 8 መጋቢት የለን::

ብርሃን ከሊእካ “ብርሃን ኢኺ” ምባል ዘይስምዕ ባዶ ጭርሖ ኣየዕንግል ኣየዳህልል። ደቅንስትዮ ኤርትራ ነዚ ብባዶ መሰል ማዕረ ደቅ ተባዕትዮ ዘባርየን ዘሎ ኣጽናቲ ስርዓት ብንቕሓት ክገጥምኦ ይግባእ::

ብማዕረ ኣብ ሰላምን ምዕባለን እምበር: ማዕረ ጭቆና ኣብ ደቀንስትዮ ድርብ ወጽ ዓ ስለዝኾነ::

8 መጋቢት 2012

ዓለምለኻዊ ምንቅስቓስ መንእሰያት ኤርትራ