እታ ብወለንታዊ ደገፍ ተኸታተልታ ፈነወኣ ናብ ኤርትራ እተካይድ ዘላ ነጻ ራድዮ ኣሰና፣ ነቶም ወርሓዊ ክፍሊት እናኣበርከቱ ከሳልዩዋ ዝጸንሑ ዘይሕለሉ ውሑዳት ውፉያት ደገፍታ ብስም ‘ቲ ኣብ ውሽጢ ኤርትራ ዝርከብ ውጹዕ ህዝቢ ኤርትራ ደጊማ ዓሚቝ ምስጋናኣ እናገለጸት፣ ቀጻልነታ ንምርግጋጽ ብሕልፊ እቶም ኢዶም ኣሕጺሮም ኣብ ምስማዕ ጥራይ ኣተኵሮም ዘለዉ ኣብ ወጻኢ ሃገራት ዝርከቡ ሰማዕታ እጃሞም ከበርክቱ ተዘኻኽር።

እቲ ብሓጺር ማዕበልን ሳተላይትን ኢንተርነትን ዝፍኖ መደባት ኣሰና ኣድማዕነቱ ሓይሉ ኣብ ዘለወሉ እዋን፣ ሕጽረት ገንዘብ ከም ወትሩ ዓቢ ብድሆ ምዃኑ ቀጺሉ ኣብ ደረጃ ምዕጻው ኣብጺሑዋ ስለዘሎ፣ እዚ ህዝባዊ ንቕሓት ክብ ኣብ ምባል ዛጊት ተረኺቡ ዘሎ ውጽኢት ክይኵለፍ መታን፣ ነቲ ገንዘባዊ ሕጽረት ኣብ ምፍታሕ ኩሉኹም ግዱሳት ኤርትራውያን ኣበርክቶኹም ከተዕዝዙ ደጊማ ትጽውዕ።

ድምጺ ኣሰና