መግለጺ ሓዘን ካብ ኤርትራውያን ኣብ ከተማ ስያትልን ከባቢኣን።

ጽንዓት ንምሉእ ስድራቤት ንፍስሄር ዶክቶር ተወልደ ተስፋማርያም፡ ከምኡ ከኣ ንመላእ ህዝቢ ኤርትራ፡ ብናይ ዘለኣለማዊ ዕረፍቲ ናይ ክቡር ሓውናን ወላዲናን ዶክቶር ተወልደ  ተስፋማርያም (ወዲ ቫካሮ) ምኽንያት፡ መሪርን፡ ከቢድን ሓዘን እናተሰመዓና፡ ጽንዓት ንመላእ ስድራ ቤት፡ ከማኡ ከኣ ነቲ ንፍትሒን፡ ንለውጥን ሃንቀው ዝብል ዘሎ ህዝቢ ኤርትራ ጽንዓት ይሃብ።

ነፍስሄር ዶክቶር ተወልደ ተስፋማርያም፡ ካብ ከቢድ ሕማሙ ተንሲኡ በቲ ቅኑዕ ፖለቲካዊ ራኢኡን፡ ዘይወላወል መርገጺኡን፡ ንብዙሕ ደቂሱ ዝነበረ ኣካል ህዝቢ ኤርትራ ኣበራቢሩ ተስፋ ከምዝሃቦ ዘይከሓድ ሓቂ አዩ።

ከምኡ ከኣ ክሳዕ ዕለተ-ሞቱ ምእንቲ ሃገሩን ፡ ህዝቡን ዘበርከቶ ግዙፍ ሞያታት፡ ንዘለኣለም ኣብ ልቢ መላእ ህዝቢ ኤርትራን ታሪኽ ወለዶናን ነባሪ እዩ።

ሕጂ’ውን እንተኾነ፡ ሽሕ’ኳ ብኣካል ምሳና ኣይሃሉ’ምበር መንፈሱ ኩሉ ግዜ ምሳና ክህሉ እዩ። ንስድራ ቤቱን  ንመላእ ህዝቢ ኤርትራን  ክንድብስ  እንተደኣ ኰንና፡ ነቲ ዶክቶር ተወልደ ዝሓንጸጾ ቅኑዕ ዓላማ ኣብ ዓወቱ ምስ እነብጽሖ ጥራሕ አዩ። 

እግዚኣብሄር ኣምላኽ ኣብ ዓንደ- መስቀሉ ይቀበሎ፡ ኣሜን።

ምንቅስቓስ ንሓድነትን፡ ድሕነትን ኤርትራ፡ ኣብ ከተማ ሲያትልን ከባቢኣን፡

ሰምዬን ኣመሪካ።