መደበር ዜና ቢቢሲ ብቋንቋታት ኤርትራን ኢትዮጵያን ናይ ሓጺርን ማአከላይን ማዕበል ፈነወ ራድዮ ንምትእትታው ንድፊ ውጥን ከምዘቕረበ ገሊጹ።

እቲ እንተላይ ናብ ራሻን ሰሜን ኮርያን ውን ተመሳሳሊ ውጥን ነዲፉ ዘሎ ብዓለም ደረጃ ህቡብ ተሰማዕነት ዘለዎ ማዕከን ዜና ቢቢሲ፣ “ ኣብ ገለ ኩርናዓት ዓለም ዘይሻራዊ ዜና ኣብ ምዝርጋሕ ንዘሎ ዲሞክራስያዊ ሕጽረት ንምምላእ” ዝሓንጸጾ መደብ ምዃኑ ‘ውን ኣገንዚቡ።

ነቲ መግለጺ ዝሃበ ሓላፊ ቢቢሲ Tony Hall ኣብ ርእሲ ‘ዚ ኣብታ ሓንቲ ካብ ዓበይቲ ዕዳጋታት ቢቢሲ ኣብ ኣፍሪቃ ዝኾነት ናይጀርያ ዘለዎ ናይ ዲጂታል ኣገልግሎት ክብ ከምዘብሎ ‘ውን ኣሚቱ።

እዚ ከም ኣካል ናይቲ ቢቢሲ ምስ መንግስቲ ብዛዕባ መጻኢኡ ኣብ ዘካይዶ ዘሎ ምይይጥ ዝቐረበ ንድፊ፣ ቅድሚ ምትግባሩ ብመንግስቲ ዓዲ እንግሊዝ ክጸድቕ ዘለዎ እዩ።