ደጊም ደሃይ ሰላምን ወረ ሰላምን ኣብ ኢትዮጵያን ኤርትራን ይቃላሕ ኣሎ። ብዘይካ`ቶም ናይ ኲናት መሳርሒ እናሰርሑ ዝሸጡን እቶም ካብ ዕግርግር ዝርብሑን እንተዘይኮይኑ እቶም ካለኦት ኩሎም ወይ ዲርጋ ኩሎም ህዝብታት ብሰላም ስለ ዝርብሑ ሰላም ዝጸልእ የለን ክበሃል ይከኣል። ህዝቢ ኤርትራን ኢትዮጵያን ከኣ ካብ ሱሳታት ጀሚርካ ክሳብ ሕጂ ኣብ ሕድሕዶም ዝተካየዯ ንልዕሊ ፍርቂ ዘመን ዝወዯአ ኲናት፡ ካብቲ ክኸፍልዎ ዝግባእ ንላዕሊ ስለ ዝኸፈሉ እሞ ናይ ኲናት ሳዕቤን ኣጸቢቖም ስለ ዝፈልጡ፡ ብኡ ዯረጃ ንሰላም ኣዝዮም ዝናፍቑ ኣህዛብ ምዃኖም ዘጠራጥር የብሉን። እዚ ኣብ ዝሓለፈ ውሑዲት ሰሙናት ኣብ ኢትዮጵያን ኣብ ኤርትራን ዝተራእየ ባህታን ፈገግታን ካብኡ ሓሊፉ እውን ሳዕሲዑትን ዲንኬራን መግለጺ ናይቲ ኣብ ውሽጡ ተዯጒሉ ዝጸንሐ ባህጊ ሰላምን ምሕዝነትን እዩ። እሞ ድሕሪ እዚ ኩሉ ጸገምን ሕድሕድ ምፍልላይን ንኽልቲኡ ኣህዛብ እንተወሓዯ ዯሃይ ሰላም ስለ ዝረኸብና ዮሃና እንቋዕ እዚ ኣርኣየና ክንብል ንደሊ።