Eritrean Australians for Justice and Peace ን ደለይቲ ፍትሒ ኣብ ኣውስትራልያን፣ ብምኽንያት 1ይ ዓመት ስርሒት ፎርቶ ብዝገበሩሉ ዕድመ መሰረት ኣብ ኣውስትራልያ ዝርከብ መስራትን ኣሰናዳእን ኣሰና፣ ኣማኑኤል ኢያሱ ትማሊ ቀዳም 25 ጥሪ ኣብ ከተማ ብሪስበን ምስ ዝርከቡ ኤርትራውያን ደለይቲ ፍትሒ ተራኺቡ ኣብ ህጹጽነት ለውጢ ዘተኮረ ሰፊሕ ዘተ ኣካይዱ።

ንሱ ኣብቲ ብስምረት መንእሰያት ኤርትራ ንድሕነት ሃገር (EYSNS) ኣብ ብሪስበን ዝተወደበ ኣኼባ ንህሉው ፖለቲካዊ ኩንታት ሃገርና፣ ብፍላይ ከኣ ስርዓት ኢሳይያስ ንዝህቢ ኤርትራ ንምቍጽጻር ዝተጠቕመሉ ሜላታት ወልቀመላኽነት ብሰፊሑ ብምትንታን፣ እቲ ፖለቲካዊ ርእሰማሉ ወዲኡ ኣብ ደንደስ ውድቀት ዝርከብ ስርዓት፣ ሓይሉ ጸንቂቑ ክንሱ ድኻማት ሕብረተስብና እናመዝመዘ ዕድመ ስልጣኑ የናውሕ ከምዘሎ ትዕዝብቱ ገሊጹ።

ስምረት ኤርትራውያን፣ ሓደ ካብቶም ውድቀት ምልካዊ ስርዓት ህግደፍ ብምቅልጣፍ፣ ዲሞክራስያዊ ስርዓት ኣብ ምትካል ኣገዳሲ ኣበርክቶ ዘለዎም ዕማማት ደለይቲ ለውጢ ምዃኖም ብምምልካት ከኣ፣ ኤርትራውያን ሕድሕድ ዘይምትእምማን ኣወጊዶም፣ ሓባራዊ ራኢ ብምምዕባል፣ ነቲ በሲሉ ዘሎ መድረኽ ለውጢ ብዘይወዓል ሕደር ክዓሙዎ ኣዘኻኺሩ።

ኤርትራውያን ደለይቲ ፍትሒ ኣብ ብሪስበን፣ ብወገኖም ነቲ ዘተ ዘሀብትመ ሕቶታትን ርእይቶታትን ብምቕራብ፣ ንኣድላይነት ስምረትን ሓባራዊ ስራሕን ዘለዎም ድልዉነት ገሊጾም።