መሰጋገሪ ድልድል ክንከውን ኢና ደሊና !!!(ኣዋጅ መድረኽ ንሓባራዊ ዘተ)

መድረኽ ንሓባራዊ ዘተ ትንሳኤ ንህዝቢ ኤርትራ ብዘስምዕ ቋንቋ ከም መርሃዊ ጸበባ ህዝቢ ኤርትራ ኮይና ናብ ህዝቢ ቀሪባ’ላ፡ ፤ ጽገናውያን ድሕሪ ናይ6 ኣዋርሕ ናይ ሓሶትን ጸለመን ወፍሮም ብሳላ ብድሆ ደለይቲ ፍትሒ ናብ ኣደባባይ ወጽዮም ክቃልዑ ተገዲዶም ኣለዉ፡ ፤ መድረኽ ንሓባራዊ ዘተ ኣብ መግለጺኦም “መሰጋገሪ ድልድል”ጥራሕ ክኾኑ’ኳ እንተ ገለጹ መን ምስ መን ዘራኽብ ድልድል ምዃኑ ግን ንጹር ኣይገበርዎን፡

፤ እስከ ካብ ኣፎም ንስምዓዮ፡ ፡ “We are responding to Eritrean cries for change,” said Andebrhan. “We are a bridge between the diaspora, who are important, and our colleagues inside Eritrea. But the Forum is led from inside Eritrea.” ይብል ኣቶ ዓንደብርሃን ወልደጊዮርጊስ ፕረሲደንት ኣስመራ ዩኒቨርሲቲ ነበር፡ ፡ ተዋስኦ ድዩ ወይስ ቁምነገር ዘይነጸረ መግለጺ መድረኽ ህዝቢ መታን ከየደናግር ክንሓተሉ ህዝባዊ ሓላፍነት ኣለና፡ ፡ እዚ ተባሂሉ ዘሎ ድልድል ኣብ ሞንጎ ኣብ ወጻኢ ዝነብሩ ሕብረተሰባት ኤርትራን ኣብ ውሽጢ ዝነጥፉ ዘለዉ ደለይቲ ፍትሒ ይብሉና ኣለዉ፡ ፡ መን’ዮም እቶም ኣብ ውሽጢ ዘለዉ ተቛወምቲ?ኣቶ ዓንደብርሃን “ብጾትና” ክብል ከሎ ኣብ ስልጣን ዘለዉ ናይ ገድሊ ብጾቱ ማለት ድዩ ወይስ ብመንእሰይ ወለዶ ዝምራሕ ምንቅስቓስ ማለቱ’ዩ? እዚ ንሱ ባዕሉ ዝምልሶ’ኳ እንተኾነ መንእሰይ ወለዶ ነዚ ኣብ ልዕለኻ ዘሎ ናይ ሓደጋ ደበና ክተስተብህለሉ ምስትውዓል የድልየካ’ሎ፡ ፡

መድረኽ ንሓባራዊ ዘተ ኣብ መግለጺኦም ኣብ ኢሳያስ ኣፈወርቂ ጥራሕ ዘተኮረ’ዩ ኔሩ ክብሃል ይክኣል፡ ፤ እቲ ን23 ዓመታት ደም ንጹሃት ኤርትራውያን ዝሰተየ ጉጅለ ህግደፍ ከም ገበነኛ ዝገልጽ ወላ ሓንቲ ኣብ መግለጺኦም የለን፡ ፤ ንኢሳያስ ኣፈወርቂ’ውን ደፊሮም ገበነኛ’ዩ ክብልዎ ኣይተሰምዑን፡ ፤ብገበን ዝሕተት ኣካል ኣብ መግለጺኦም የለን፡ ፤ ኣቶ ዓንደብርሃን ብዛዕባ ጎይትኡ ኢሳያስ ከምዚ ይብል፡ ፤”So what role might President Isaias Afeworki have in any transformation, the panel was asked. “He cannot be any part of any renewal. He must be neutralised.” declared Andebrhan.” ወይ ሰብ ደቀይ!!! ብድሕሪ ጥፍኣት መንእሰይ ወለዶ፡ ብድሕሪ ጥፍኣት ኤርትራውያን ኣብ ምድረበዳ ሲናይን ማእከላይ ባሕርን፡ ብድሕሪ መሸጣ ናውቲ ኣቑሑት ኤርትራውያን ኣብ ጎቦታት ሲናይ፡ ብድሕሪ ማእሰርቲ ሓለፍቲ መንግስትን ጋዜጠኛታትን ኣብ ዒራዒሮ፡ ብድሕሪ ራዕድን ሽበራን ህዝብን ሃገርን፡ ብድሕሪ ብሽም ሃገራዊ ኣገልግሎት ዝወረደ ባርነት፡ ብድሕሪ እታ እንኮ ዩኒቨርሲቲ ኣስመራ ንሓንሳብን ንሓዋሩን ምዕጻዋ፡  ብድሕሪ ቁጠባውን ፖለቲካውን ማሕበራውን ዕንወት ሃገር፡  ብድሕሪ ዕንደራ ጀነራላትን ኮነሬላትን ሓለፍቲ መንግስትን፡ ብድሕሪ መለክዒ ዘይብሉ ሕሰምን መከራን ህዝቢ ኤርትራ፡ ተሓታቲ ዘይብሉ ተሓድሶ መንግስቲ ክንገብር ኢና ክብሉና ዘስደምም’ዩ፡ ፤ህዝቢ ኤርትራ ዓሻ ተረኺቡ ብዘይ ሓደ ደበስ ቁማር ክብሃል እንተ ኮይኑ ንሕና ኤርትራውያን ደለይቲ ፍትሒ ሞይትና ማለት’ዩ፡ ፡

መድረኽ ንሓባራዊ ዘተ ብግልጺ ጽገና ኢሎም ብኣፎም ገሊጾም ኣለዉ፡ ፤ ኣቶ ዓንደብርሃን መራሒ’ዛ ጉጅለ ከምዚ ይብል፡ ፡ “So what role might President Isaias Afeworki have in any transformation, the panel was asked. “He cannot be any part of any renewal. He must be neutralised.” declared Andebrhan. ኢሳያስ ኣፈወርቂ ኣብዚ ዝግበር “ተሓድሶ መንግስቲ” ኢድ ክህልዎ ኣይክእልን ይብል፡ ፤ ክቡራት ኣንበብቲ ነስትውዕል!! ብግልጺ “ተሓድሶ መንግስቲ” ይብሉ’ለዉ፡ ፤ ተሓድሶ መንግስቲ ማለት ጽገና ማለት’ዩ፡ ፤እዚ ዝጠልብዎ ዘለዉ እቲ ንኣዋርሕ ዝጸሓፍክሉ ጽገናዊ ለውጢ’ዩ፡ ፡ ኣብ መግለጺኦም ሓንቲ ንሱር ነቀል ለውጢ እትገልጽ ቃል ኣይረኣኹን፡ ፤ እዚ ዝገልጽ እዚ ጉጅለ’ዚ ምስቲ ኣብቲ ስርዓት ዘለዉ መራሕቲ መንግስቲ ዝግበር ዘሎ ናይ ስልጣን ምምርቓሕ ዝሓትት መስርሕ ስኑዕ ለውጢ ኢዩ፡ ፡ስኑዕ ለውጢ’ኸ ብህዝቢ ኤርትራ ብሓፈሻ ብመናሰይ ወለዶ ከኣ ብፍላይ ተቐባልነት ኣለዎ’ዶ? መልሱ ብሩህ’ዩ፡ ፤ ህዝቢ ኤርትራ ካብ በረኻዊ ምሕደራ ነጻ ክኸውን ይደሊ’ሎ፡ ፤ እዚ ናይ ህዝቢ ድልየት ከኣ ባዕሉ ጥራሕ’ዩ ዝውስኖ፡ ፤ ህዝቢ “መሰጋገሪ ድልድል”ኣይሓተተን፡ ፤ ህዝቢ ዝሓቶ ዘሎ ሱር ነቀል ለውጢ ጥራሕ’ዩ፡ ፤

መድረኽ ንሓባራዊ ዘተ ሓደ ዘስደምም እምነት’ውን ኣለዎም፡ ፤. “We are EPLF legacy – we represent that legacy. But now we take a different approach,” he said. “We want to encourage a culture of dialogue.” ይብሉ፡ ፡ወከልቲ ህዝባዊ ግንባር ኢና፡ ፡ ሕጂ ግን ፍልይ ብዝበለ ኣገባብ ኢሂን ምሂን ክንብል ንደሊ ይብሉ’ለዉ፡ ፡ እቲ ኢሂን ምሂን ግን ምስ መን ማለት’ዩ? ምስ እዚ ዘሎ መንግስቲ ወይ ምስ ህዝቢ ኤርትራ? ቅድሚ ሕጂ በዲልና ኢና’ሞ ሃየ ንተዓረቕ ድዩ ዘስምዕ? ህዝቢ ኤርትራ ገድላዊ ምሕደራ ጸሊኡ ብሓደ ኮይኑ ስመርርርር ኣብ ዝብለሉ ዘሎ እዋን ህዝባዊ ግንባርን ህዝብን ኢልኩም ክትፈላልዩ ምፍታንኩም ተዓዚብናኩም ክንብሎም ንደሊ፡ ፤ ህዝቢ በረኻዊ ምሕደራ ዐረ ጥዒምዎ መኣስ ይጠፍኡልና ይኾኑ ይብለኩም ኣሎ ዝኸበርኩም ጉጅለ መድረኽ፡ ፤ሎሚ እዋን ስመር እምበር እዋን ተጋዳላያን ገባርን ዝብሃሎ ኣይኮነን፡ ፤ ህዝቢ ኤርትራ መሰጋገሪ ድልድል ኣይደልን፡ ፤ ናበይ ክሰጋገረሉ? ተሓግሒግኩም ክትጠፍእሉ ድልየት ህዝቢ ኤርትራ ኢዩ፡ ፡

መድረኽ ንሓባራዊ ዘተ ኣብ መግለጺኦም ብዝዓባ’ዚ ስመር ዝብል ዘሎ መንእሰይ ወለዶ ብጩቕ ክብሉ ኣይደፈሩን፡ ፤ድምጺ መንእሰይ ወለዶ ንጎድኒ ገዲፎም ስልጣን ኣብ ኢድ ገድሊ ተሓጺሩ ክተርፍ ይጠልቡ ኣለዉ፡ ፤ ብኣባሃህልኦም ሃገርን ህዝብን ርስቲ መሪሕነት ህዝባዊ ግንባር’ዩ፡ ፤መንእሰይ ወለዶ ተቐባሊ ሕድሪ ምዃኑ ረሲዖም አብ እርጋኖም ናይ ስልጣን ዝምውና ክፍጽሙ ይደናደኑ ኣለዉ፡ ፤ እዚ ዓውዲ’ዚ ዓውዲ መንእሰይ ወለዶ ምዃኑ እምነት የብሎምን፡ ፤እምነቶም ውድብ ህዝባዊ ግንባርን ገድላዊ ምሕደራን ንዘለኣለም ክነብር ጥራሕ’ዩ፡ ፤ መንእሰይ ተረካቢ ሕድሪ ምዃኑ ክኣምን ዘኽእል ሕልና የብሎምን፡ ፤ ጉጅለ መድረኽ ብሕልና ዝሞቱ ጥራሕ ዘይኮኑ እቲ እከይ ታሪኽ መሪሕነት ህዝባዊ ግንባር ክቕጽሉ ዝደልዩ ጠላማት ኢዮም፡ ፤ ሕጂ’ውን ታሪኻዊ ጥልመት ክፍጽሙ ድንዕ ድንዕ ይብሉ ኣለዉ፡ ፤ ሓይሊ መንእሰይ ወለዶ ብሓይሊ ገንዘብ ዝነዓቕዎ ይመስሉ፡ ፤ንስኻ መንእሰይ ወለዶ ኣብ ጌጋ መንገዲ ከም ዘለዉ ብስምረትካን ሓድነትካን ክተርእዮም ኣለካ፡ ፤ ንስምረትካ ክዘርጉ ምዃኖም ኣቐዲምና ፈሊጥናዮም ኣለና፡ ፤ ዋና ጸላኢኦም ጉጅለ ህግደፍ ዘይኮነ ንስኻ መንሰይ ወለዶ ምዃንካ ክበርሃልካ ኣለዎ፡ ፤ ነዚ ከኣ ብድሆ ክትብሎ ተዳሎ፡ ፤ይቕጽል……

ፍትሒ ይንገስ

ወልዱ ተኽለ