ሓድሽ ግንባር ዲፕሎማሲ
ሓድሽ ግንባር ዲፕሎማሲ ኣብዚ ቅንያት ዚ: መራሕ ናይ "ግንቦት ሸውዓተ" ዝተሰምየ: ሓደ ናይ ኢትዮጵያውያ ፓለቲካው ውድብ: ብዛዕባ ኣብ ሓንቲ ሃገር ምስ ራብዓይ ርእሱ ኮይኑ ዝገበሮ ናይ ስራሕ ዑደት ጸብጻብ እናሃበ እንከሎ: ድምጹ ተቐዲሑ ናብ መርበባት ሓበሬታ
ሓድሽ ግንባር ዲፕሎማሲ
ኣብዚ ቅንያት ዚ: መራሕ ናይ “ግንቦት ሸውዓተ” ዝተሰምየ: ሓደ ናይ ኢትዮጵያውያ ፓለቲካው ውድብ: ብዛዕባ ኣብ ሓንቲ ሃገር ምስ ራብዓይ ርእሱ ኮይኑ ዝገበሮ ናይ ስራሕ ዑደት ጸብጻብ እናሃበ እንከሎ: ድምጹ ተቐዲሑ ናብ መርበባት ሓበሬታ ስለዝለሓዀ: ትሕዝቶ ናይቲ ዘይተዓደምናዮ ምስጡር ኣኼባ ከም ሰብና ሰሚዕና:: እቲ መራሕ ናይታ ውድብ: ካብ መንግስቲ እታ ዝበጽሓ ሃገር ንሽዱሽተ ወርሒ መካየዲ ስራሕ ፍርቂ ሚልዮን ዶላር ክህቦ ከም ዝተሰማምዐ: ምስቲ ቀንዲ መራሒ ዘይኮነ: ምስ ኣብ ትሕቲኡ ኮይኑ ዝሰርሕ ሰብ ከምተራኸበ: ይገልጽ:: ወዲኡ ክማሳገን “የቐንየለይ” ምስ በለ: ኣይተመስግነና: ዘይንርእስና ኢልና ኢና ንገብሮ ከምዝተባህለ ሰሚዕና:: ንምምሕላላፍ: ናይቲ ገንዘብ ዝምልከት: 200 ሽሕ ዝኸውን ኣብ ዱበይ: 150 ሽሕ ኣብ ላንደን: 150 ሽሕ ድማ ኣብዚ ( ኣብ ኣመሪካ ስለ ዝነበር – ኣብ ኣመሪካ ማለቱ ክኸውን ኣለዎ) ክወሃብ ከምዝኾነ ገሊጹ:: ንመዓላ ናይቲ ገንዘብ ኣብ ዝምልከት ድማ: 200 ሽሕ ንኣብ ኣመሪካ ዝመደበራ መደበር ተለቭዥን ኢሳት: 200 ሽሕ ንጸጥታን ምክልኻንል: 100 ኣብ ውሽጢ ሃገርን ኣብ ዲፕሎማሲን ዝግበር ስራሕ ክውዕል ከምዝኾነ: ድሕሪ ምግላጹ: ኣብ መወዳእታ እታ ሃገር ኤርትራ ምዃና በጨቕ ኢልዎ:: ብዛዕባ ቀጺሉ ምትካል ናብ ኢትዮጵያ ዝጥምት ኣብ ኤርትራ ዝትከል ትራንስፎርመር ምስ ናይ ኤርትራ ወኪል ዜና (ሚኒስትሪ ዜና ነበር ዓሊ ዓብዱ) ማለቱ’ዩ ዝኸውን: ቅድሚ ሕጂ ዝተዘራረብዎ ነገር ከምዘሎ ድማ ይገልጽ እሞ: ኣብዚ ናይ ሕጂ እግሩ ከምዝረኸቦን ከምዘይረኸቦን ኣይገልጽን:: (ምዃን: ሰብ ኣብ ዘይፈልጦ ኮብሊሉ ካብ ዝሽረብ ኣዋርሕ ዝገበረ: ኣበይ ክረኽቦ? ዘየለ::) እቲ መራሕ ውድብ: መን ምዃኑ ድሮ ፈሊጥኩ’ሞ ኣለኹም: ብስሙ ምጽውዑ ምትዕብባዩ ስለዝኸውን: ስሙ ክጽውዕ ኣይደልን::
መራሕ ውድብ ቀጺሉ: ኣብ መግለጺኡ [ምስ መንግስቲ ኤርትራ] ንገብሮ ዝተወሃሃደ ናይ ዲፕሎማሲ ስራሕ ክህሉ ከምዝኾነ: ነዚ ንምስላጥ ትዕዝብትታትና / ሰነዳትና ከንለቓቓሕ (compare notes) ኢና: ይብል:: “ብክፍሊ ጉዳያት ወጻኢ ኣመሪካ ክንገብሮ እንኽእል ነገር የለን::” ይውስኽ:: ኣብ [ባይቶታት] ኣውሮጳን: ኣብ ኮንግረስ ኣመሪካን: ኣብ ሓደ ሓደ: ማእከላት መጽናዕትን ግን ኣብ ልዕሊ መንግስቲ ኢትዮጵያ ጥርጣረ ከምዝሓድር ክንገብር ኢና: ይብል:: እዚ ኩሉ ድማ ንፓሊሲ ኣመሪካ ከነፋኹስ (soften) ዝብል ዕማም ከምዘለዎ: ይገልጽ:: ኣብዚ ንኹልና ንጹር ክኸውን ዘለዎ: ሓደ ክፎክስ እትደልዮ ነገር: ከሪሩ ኣሎ ኢልካ ትግምቶ ጥራይ ዩ:: መንግስቲ ኣመሪካ: ኣብ ልዕሊ ክልተ ካብዞም ሰለስተ ተዋሳእቲ (ውድብ ግንቦት ሸውዓተን: መንግስቲ ኢትዮጵያን) ዝኸረረ ፓሊሲ ኣለዎ ክብሃል ኣይከኣልን ዩ:: እቲ ዝኸረረ ፓሊሲ ኣብ ጠንቁ ብዘየገድስ: ኣብ ልዕሊ መንግስቲ ኤርትራ እዩ:: እምበኣርከስ: ዋላ ቃል ንቓሉ ኣብቲ ዝተቐድሐ ኣይሰማዕ: ንፓሊሲ ኣሜሪካ ከንፋኹስ ማለቱ: ንፓሊሲ ኣሜሪካ ኣብ ልዕሊ ኤርትራ ከፋኹስ ማለቱ ከምዝኾነ: ግሉጽ እዩ:: በዚ ክንበብ እንከሎ ጥራሕ’ዩ: እቲ ሰነዳትና ክንለቓቓሕን ዝብልን: ንርእስና ኢልና ኢና ንገብሮ ዝብልን: መግለጺ ወኪል መንግስቲ ኤርትራ ትርጉሙ ዝበርህ::
ሕጋውያን ሕቶታት
ኣብዚ ዝለዓሉ ሕጋውያን ሕቶታት ክህልዉ ይኽእሉ እዮም:: እዚ ውልቀ ሰብ ብዘይ ፍቓድ ከም ተጣባቒ ማለት ሎቢስት (lobbyist ) መንግስቲ ኤርትራ ኮይኑ ክሰርሕ ይኽእል ድዩ? እቲ ኣብ ኣመሪካ ውድቡ እትቕበሎ ገንዘብ: መንግስቲ ኤርትራ ብቐጥታዊ መንገዲ ስለዘይህቦ: መጠኑ ብዘይገድስ ክሳብ ክንደይ ብመስርሕ ምሕጻብ ገንዘብ (money laundering) ዝሓለፈ ይኸውን? መደበር ተለቭዥን ኢሳት: ካብ ምንጩ ንህዝቢ ዘይገለጸቶን: ኣብ ኣመሪካ ዘይተመዝገበ ትካልን: ገንዘብ ክትቅበል ትኽእል ድያ? ምናልባት: ነዚ ገንዘብ ብኣብ ኣመሪካ እተመዝገበ ብሳልሳይ ኣካል ኣቢላ ትረኽቦ እንተኾይና: እቲ ሳልሳይ ኣካል: ከም መመሓላለፊ ገንዘብ መንግስቲ ኤርትራ ኮይኑ ኣብ ዝሰርሓሉ ዝነበረ እዋን ነቲ ገንዘብ ግብሪ ከፊሉሉ ዶ ኣይከፈለሉን? መን’ዩ ኸ? መልሲ እዚ ኩሉ መቸም ደፋእ ኢልና ክንርእዮ ኢና:: ብዓቢኡ እቲ ጉዳይ ንኢትዮጵያውያንን ንኣመሪካውያንን ስለዝምልከት ግን: ነቲ ሕቶታት ኣልዒለ ጥራሕ ይገድፎ::
ድሉዋት ንኹን
እቲ ንዓይ ዘገድሰኒ ግን ዝያዳ ዓሰርተ ዓመት መመላእታ: ክንደይ ኤርትራውያን ግዚኦምን ጉልበቶምን ገንዘቦምን ከፊሎም: እከይ ግብሪ መንግስቲ ኤርትራ ንዓለም ከቃልዑ ዝሰርሑዎ ስራሕ: ሓደ ብገንዘብ ዝተዓስበ ከፋኹሶ እየ: እናበለ ኣብ ዘይምልከቶ ጦብሎቕሎቕ ክብል ክርእዮ እንከለኹ ዩ:: መንግስቲ ኤርትራ: ዲፕሎማሲያዊ ህላወኡ ኣብ ዘኽተመሉ: ስለምንታይ ንከምዚ ዓይነት ሰብን ውድቡን ከም ተማጎትቲ ምምራጾም ዘገርም የብሉን:: ብኣንጻሩ እዚ ሰብ ግን: ኣብ ዝተፈላለያ ባይቶታት ዝረኽቦ ክፉት ማዕጾ: ብኣምሳያ ገንዘብ: ንመሸጣ ብምቕራብ: ነቲ ኣብ ርእሲ መንግስቲ ኤርትራ ከሪሩ ዘሎ ፓሊሲ “ከነፋኹስ ኢና” ክብል እንከሎ: ስለምንታይ ዝብል ሕቶ ይመጻኒ:: ስለምንታይ ንዝሰራሕናዮ ከተፍርስ ትጽዕር: ስለምንታይ ዝኣከብናዮ ክትብትን ትቃለስ: እንተበልካዮ ዝተፈላለየ መልሲ ክህብ ይኽእል ዩ: እታ ንኹለን ትጥርንፈን ግን “ብዛዕባ ኤርትራውያ ድኣ መዓስ ይግድሰኒ ኮይኑ” ዝብል ክኸውን ኣለዎ:: እዚ ድማ ካብቲ ገዛእቲ ሓይልታት ኤርትራ መሬታ እምበር ህዝባ: ኣየድልየናን ዝብሉዎ ዝነበሩ ዝፈልዮ የብሉን:: ነዚ ዘእምነና: ኣብ ጉዳይ ኤርትራ ዘለዎ መርገጺ ኣብ 2005 ኣብ ዝነበረ ምርጫ ኢትዮጵያ ዝገለጾ ሎም ውን ኣብ መርበብ ኢንተርነት ስለዘሎዩ:: ሽዑ ኣብ 2005 “ኢትዮጵያ መሬታ ክቑረሳ ትዳሎ ኣላ:: (ንውሳነ ዶብ ማለት’ዩ): ወሰናስን ዶባት ኢትዮጵያ ቀይሕ ባሕሪ ዩ:: ሃጸይ እያሱ: ፈረሰይ ካብ ቀይሕ ባሕሪ ከይሰተየ ንግስነት ኣይቅበልን እየ ኢሉ ነይሩ: ሃይለስላሰ: ብዓቢ ድፕሎማሲ ንኤርትራ ናብ ወላዲ ሃገራ መሊሱዋ:: ወየንቲ ኢትዮጵያ ብቐሊል ባሕሪ ትረኽበሉ ዕድል ረኺቦም ነይሮም ግን ኣብዮም” (ንዂናት ዓሰብ 2000 ማለቱ እዩ) እናበለ ዝጎስጎሰ ሰብ ዩ::ከሲቡሉን ተዓዊቱሉን ድማ’ዩ:: ነዚ ብመብጽዓ ኩናት ዝጎስጎሶ ጎስጓስ ክሳብ ለይቲ ሎሚ ከም ዓወት እዩ ዝጽብጽቦ:: ካብ ሽዑ ንንዮ ነዚ ሓሳብ እዚ ምስ ግዝየ ከምዝለወጦ ዘርእይ ነገር የለን:: እኳ ድኣ ኣብ ዝሓለፈ ሰሙ ኣብ ዝገበሮ ቃለመጠይቕ: “ኣይንዋገየሉን ኢና” ክብል ደጊሙዎ እዩ:: ስለዚ ኣብ ታስኪን ስርኡ ሒዝዎ ዘሎ ኣጀንዳ ምዃኑ ነቶም ንዕዘብ ግሉጽ’ዩ:: እቲ ክበርሃሉ ዘለዎ ግን: ኣጀንድኡ: ኣብ ታስኪን ስርኡ ከይወጸ ክበሊ ምዃኑ’ዩ:: እቲ ምንታይ: ኣሽንኳይ’ዶ ሎም: እቲ ቀደም’ኳ ክሳብ ኣፍንጭኦም ዝተዓጥቁ ኣያታቱ ንክብሪ ውህደት ህዝብን መሬትን ኤርትራ ክሒዶም ኣብ ዝበጽሑዎ ዘይነበሮም: ሎም ኣብዚ መበል 21 ክፍለዘመን: መራሕ ናይ ሓንቲ እተወራረቐ ቃላት ኣብ ባይቶታትን መናብራትን ናይ ምቕራብ ክእለት ጥራይ እትውንን ጥፍረሪያ ውድብ ንክብሪ ህዝብታት እናኸሓደት ኣብ ትበጽሖ ኣይህልዋን’ዩ:: በዚ እምበኣር’ ዩ ኤርትራ ገንዘብ ህዝባ እምበር: ስቓይ ህዝባ ኣይግድሰናን እዩ ክብለና እንከሎ: መምዓልትና ‘ለና ኢልና ንሓልፎ:: ካብ ዝንቡዕ ታሪኻዊ ኣረዳድኡኡ ብምብጋስ: ወይ ድማ ንመወልቱ ንምትዕብባይ ኣብ ዝገብሮ ሃቐነ: ንቓልስና ኣብ ተጻባኢ ዝኾነ ባይታ ደው ክብል ከምዝኾነ ፍሉጥ እዩ:: በዚ መረዳእታ ዝገብሮ ስራሓት ድማ: ንቓልስና ኣየጎናድቦን ወይ ኣይዕንቅፈናን ማለት ኣይኮነን:: ስለዚ ዕድል ኣብ ዝረኸበሉ ድኹም ወስታ ክውርውረልና: ብኩሊት ክጎጥየና ስለዝኾነ ድሉዋት ክንከውን ኣድላይ እዩ::
ካብቲ ናይ ክሳብ ሎም ወስታታቱ እምበኣር: እታ ብገንዘብ ህግደፍ ከም ትምወል ዝተረጋገጸላ: መደበር ተለቭዥን ኢሳት ንጸይቀ ግንንቲ ጓል ሕድርትና ሶፍያ ተስፋማርያም ዝሃበታ ናይ ፕሮፖጋንዳ ዕድል ሓደ መርኣያ እዩ:: ሰዓት መመላእታ: ዘይኮኑ ናይ ሓሶት መናፍሕ ክትዝርግሕ እንከላ: ጋዜጠኛ ኢሳት ጥቁው ሕቶታት ክሓታስ ይተረፍ: ኣብ መናፍሓ ክተሓጋገዛ ርኢና “እንታ’ዩ ጉዱ እዚ ነገር” ዝበልናዮ: መልሱ ሎም በሪሁልና:: ከፋሊት ደሞዙ ክሳብ ዝኾነት: እንታይ ክብል ወሪዱዎ::
መዓስ ዝጀመረ ዝምድና ዩ ዚ
ክሳብ ክንድዚ ይኸይድ ኣይበልናዮን እምበር: ምልክታታት ካብ ዘርእዩ: ሓያለ ኮይኑ እዩ:: ቅድሚ ዓመት ኣቢሉ ይኸውን: ማደቦ ዝተባሃለ: ሓላፊ ጉዳያት ወጻኢ ውድብ ግንቦት ሸውዓተ: ኣብ ኦክላንድ ኣብ ዝተገብረ ፈስቲቫል ደገፍቲ ህግደፍ ምዕራብ ኣመሪካ: ከም ናይ ክቡር ዕዱም ኮይኑ ብምቕራብ ዘስምዖ መደረ: ኣብ ንእስነተይ ኣብ መንጎ እንዳ ማርያምን መስጊድ ዓብን ዘሎ ከባቢ ይቕመጥ ነይረ ድሕሪ ምባሉ: ዝርዝር ኣስማት ዝውዕለሉ ዝነበረ ባራት ድሕሪ ምዝርዛር: እቲ ላሕ ኣቢሉ ዘረብረበና: “ኣንድ ናችን: ወንድም ናችን” ዝብል ሃበስ ቀደስ: ምስ ደጋገመ: ኣብ ግዝየ ሕቶ መልስን: እታ ኣብ ታስኪን ሓለቑኡ ዘላ ኣጀንዳ “ፈተነ: ሓደ ክልተ ሰለስተ” ኢሉ: ነግ ፈረግ እናበለ ፈነዋ: “ውድብና ንናጽነት ኤርትራ ይቕበል’ኳ እንተኾነ: ውድብና ወኪል ህዝቢ ኣይኮነን: ሕልፊ ዘለዎ ታሪኻዊ ሓድነትና ግን ኣብ ቦትኡ’ዩ:: እናበለ: ኢሉ ጸግዒ ጸግዒ ክሓልፍ ፈተነ:: ነዚ ኣዘራርባ’ዚ ዋላ’ኳ እቶም ደገፍቲ ህግደፍ እንተጣቕዑሉ: እቶም ዝተረፍና ቀርቀብ ከምዘበልናያ: ክፈልጥ ይግብኦ:: ሎም ኣብ 21 ክፍለዘመን: ከምዚኦም ዝኣምሰሉ ኣብ ባይታ ዘሎ ውዱእ ነገር (fait accompli) ክውሕጡ ዘይከኣሎም: ከም እተሰብረት ሰዓት: ሓንጎሎም ኣብ ሰማንያታት: ምናልባት’ውን ቅድሚኡ: ደው ዝበሎም: ምስ ግዝየ ክጎዓዙ ዘይክኣሉ: ንፓለቲካ በቲ ተፈቲኑን ሰብ ለኪሙን ዝወደቐ ታሪኻዊ-ነገርነት ጥራሕ ዝትንትኑ: ምህላዎም የሕዝን:: ምርጭኦም: ብምዃኑ ግን ንውስኸሎም ነገር የብልናን:: ምስቲ ንምድቋስ ህዝብና ከይደኸመ ዝሰርሕ: ክተሓጋገዙ ክንር እዮም እንከለና ግን: ፈላሊና ክንር እዮም ክንሽገር ኢና::
ሃደሽደሽ ሞራላዊ ባይታ
ናብ ኣርእስትና ምስ ንምለስ ግን: መራሕ ውድብ ግንቦት ሸውዓተ: ድሕሪ እዚ ኣብ ላዕሊ እተጠቕሰ መደርኡ: ኣብ ዘሎ ቁሩብ መዓልታት’ዩ: ኣብ ባይቶ ኣመሪካ: “ፈላጥ ምስክር” ኮይኑ ብምቕራብ ብዛዕባ ፓለቲካው ኩነታት ኢትዮጵያ ትንታነ ዝሃበ:: ከም ኤርትራዊ: እቲ ውሽጣዊ ፓለቲካ ኢትዮጵያ ብቐጥታ ስለዘይምልከተኒ ኣብኡ ብዙሕ ክብል ኣይመርጽን:: እቲ ንመምዘኒ ዝተጠቀመሉ: ሓርነት ፕረስ: ሓርነት እምነት: ምርጫታትን ካልእን ዝብል ኣርእስታት ግን: ኣድማሳዊ ስለዝኾነ ብዛዕብኡ ክብል:: ቅድሚ ኩሉ ግን: ንመራሕ ውድብ: ሓደ ኣድማሳዊ ሕቶ ኣልዒልሉ ዝምጉት: ብኣድማሳዊ ተጻይን ዓማጺን ናይቲ እምጉተሉ ኣለኹ ዝብሎ ሕቶ እናተደገፈ ምስዝቐርብ: እቲ ደው ዝበለሉ ሞራላዊ ባይታ ሃሚሙ ንታሕቲ ሸለው ከምዝብል: ከመይ ኣቢሉ ተሰዊሩካ ኢለ ክሓቶ ምደለኹ:: እቲ መልሱ ግን: ፍሉጥ እዩ: ምኽንያቱ: መራሕ ውድብ ግንቦት ሸውዓተ: ኣብ ርእሲ’ቲ ውድባዊ ስልጣኑ: ኣብ ሓደ ትምህርታዊ ትካል: ከም መምህር ዝሰርሕ: ቅድሚ ስሙ ዶክተር ዝብል ደረጃ ትምህርቱ ዝገልጽ ቅጽል ዘለዎ: ኣብ ፓለቲካ ብዙሕ ዝብልን ዝጽሕፍን: ይጥቀሙ ኣይጥቀሙ ሰዓብቲ ዘለውዎ ብምዃኑን: እቲ ተሰዊሩካ ንብሎ ዘለና: ርግጽ ተሰዊሩዎ ዘይኮነስ: ገጹ ጠውዩ: ካብ ምርኣዩ ክሃድም ዝፍትን ዘሎ ናይ ኣብ ባይታ ዘሎ ሓቂ ዩ::
ኣብ ኢትዮጵያ ኣለው ንዝበልካዮም ውጹዓት: ብዋጋ እቶም ኣብ ኤርትራ ዘለው እሱራት: ግፉዓትን: ዓዶም ገዲፎም እተሰደዱ ከተድሕን ምፍታን ግን: ነቲ ካብ ኢትዮጵያውያን ክመጽእ ዝኽእል ቅቡል ሕቶ በለቕ ለኽዩ ዘውድቕ: ነቶም ኤርትራውያን “ብዛዕባኹም: ኣነ መኣስ ይግድሰኒ” ኢሉ ዝንዕቕ ኣካይዳዩ:: ነቶም ርሕቕ ኢልና እንዕዘብ ግን: እንተወሓደ ወሓደ እቲ ጉዳይ: ናይ መትከል ከምዘይኮነ: ኣዝዩ ይበርሃልና:: ኣይፋልናን: ዝምድናና መተከላዊ ዝብሉ: እንተኾይኖም: ትማል ትማል ኣብ 2005: ኣብ ጉዳይ ዶብ: ኣብ ወሰን ዶባት ኢትዮጵያ: ጉዳይ ዓሰብ: ኣብ በበይኑ ረጊጾም ዝነበሩ: ሎም መትከልና ሓደ’ዩ እንተበሉ: መልስና: ከም ሓደ ኣመሪካዊ መምህር ዝብሎ: “ሓቅኹም ለይቲ ኢና ተወሊድና: ግና ትማል ለይቲ ኣይኮናን ተወሊድና’ዩ”:: ወይ ድማ ህግደፍ: ኣብ ዋንነት ባሕሪ ኤርትራ ዝነበሮ መርገጺኡ ከም ናይ ግንቦት ሸውዓተ ገይሩዎ እዩ:: ሰብ ምስተጨነቐ: ዘይገብሮ የብሉን::
ጥቕሚ ህግደፍ’ዶ ጥቕሚ ኤርትራ
ብሓቂ ግን: ህግደፍ ንልኣላውነት ህዝብን መሬትን ኤርትራ ዝጣበቕ እንተኾይኑ: ንኸምዚኦም ዝኣመሰሉ: እንተስ ብዓሌታዊ ትምክሕቲ ኣብ ልዕሊ ኤርትራውያን: እንተስ ብክቱር ድልየት ምጭባጥ በትረ ስልጣን ኣብ ሃገሮም: ንታሪኽ ረጊጾም: ነቲ ቀይሕ ደም ኣሕዋትናን ኣሓትናን ዝተኸፍለሉ ቀይሕ ባሕሪ: ፈረስና ማይ ከይሰተየሉ ኣይንድቅስን እናበሉስ: ንምንታይ ይሓቑፎም:: ንምንታይ’ከ ካብ ኣፍ ጥሙያት ኤርትራውያን ኣሕዲጉ ይቕልቦም:: መስደመም እዩ:: እዞም ምስ ሰወዱ: ካልእ ኩናት ከም ዝኸፍቱልና ከይሓፈሩ ዝዛረቡ: ብንኡሶምን ብሩሑሶምን እንከለው: ነቲ ቕድም ኢሎምዎ ዝነበሩ ክልውጡዎ ከይሓተተ (ወይ ውን ብዘለዎ ጽልዋ ከይቀሰበ) ከተርንዖምን ከሰውዶምን ንጥቕሚ መን ዩ:: ምሕቋፎም ጥራይ ግን ኣይኮነንስ ዘገርም: መጠን እቲ ዝተሰልዓሎም ገንዘብ ውን ኣዝዩ ይገርም:: ፍርቂ ሚልዮን ዶላር ኣብ ሽዱሽተ ወርሒ: ብውሑዱ ዕስራ ሚልዮን ናቕፋ ብናይ ሎም ሸርፊ:: ኣብ ዓመት ድማ ኣርብዓ ሚልዮን ማለትዩ:: እዚ: ክንደይ ኣብ ሲናይ ዝተታሕዙ ቆልዑ መድሓነ:: ክንደይ ኣባላት ሃገራዊ ኣገልግሎት: ኣጣይሱ ስራሕ መጀመረ:: ንኽንደይ ዝተረፉ’ኸ ደሞዝ ምኾኖም:: ተገሪምኩም’ዶ: ድምጹ ተቐዲሑ: እንተዘይሰምዖ: ብሓቂ ኣነውን ኣይምኣመንኩዎን:: እዚ ባንክታትን ጥራዩ ጸኒሑና ኢሉ ክልምን ልብና ዘጥፍኣልና መንግስቲስ: ነቶም ሃገርነትና ዘይኣምኑ ሰባት ክንድዚ ከጥፍእ እንከሎ: ኣይናጥዕናን::
እቲ ጉዳይ ግን ዘይስንኻ ሑጻ ቆርጥመሉ’ዩ: እዚ ገንዘብ እዚ ግን: መንግስቲ ኤርትራ: ካብ ስድራ ድኻታት ሓምሳ ሽሕ ኣምጽኡ ኢሉ ዝኣከቦ ገንዘብ እዩ:: ብናጻ ጉልበት መሳኪን ፈርዩ ካብ ዝተሸጠ ዝመጸ ኣታዊ እዩ:: ካባና ሰሪቑ ንህልውና ሃገርና ዘይቅበሉ: ጽባሕ እንተጥዒምዎም ኲናት ከምዝኸፍቱልና ዝመባጽዑ ክህቦም እንከሎ ድማ የስደምመና:: ካባና መንዚዑ: ትምህርቲን ሕክምናን ይሰርሖ እንተዝበሃል’ሲ: ሓካይምን የለውን: መምሃራን’ውን የለውን: እንተወሓደ ግን እቲ እንተሃንጸ መናድቕ: ኣበይ ከይከይድ ምስተኣከብናን ምስረሃወን ቆልዑ ይመሃሩሉ: ህዝቢ ይሕከመሉ: ሓንትስ ቅብሊት ድኣ ኣምጽኡ ምበር ድሓን ኢልና ትም ምበልናዮም:: ቅብሊትና ግን ገንዘብና ንመሐመሲ ዓድ ሃገር ከም እተዘርወ ብእንተርነት ምስማዕ ኮይኑ::
ዘረባ ክልተ ሰሚዕካ ፍረድ
መቸም: “ዘረባ ክልተ ሰሚዕካ ፍረድ” ዝብል ልቢ ኣቦታትና ክኸብር ስለዘለዎ: ምናልባት እዚ ቅዳሕ ድምጺ ተባሂሉ ቀሪቡ ዘሎ: ተሰኒዑ ከይከውን ኢልካ ምጥርጣር’ውን ግቡእ’ዩ:: ዘዝተደርበየ ዋና ዘይብሉ ክስታት ክንኣምን ግቡእ ስለዘይኮነ: ዋላ ሕሉፍ ግብሮም ተኣመንቲ ኣይግበሮም: ሚዛናዊ ገምጋም ክህልው መታን: እቶም ስሞም ተጸዊዑ ዘሎ: መንግስቲ ህግደፍ ይኹኑ ውድብ ግንቦት ሸውዓተ እንታይ ይብሉ ኢልካ ምሕታት ኣገዳሲ’ዩ:: ኣብ ዝሓለፈ ሰሙን: ኣብ ከባቢ ዋሽንግተን ዲስ ኣብ ትዝርጋሕ ራዲዮ: መራሕ ውድብ ግንቦት ሸውዓተ ቁሩብ ሸንኮለል ድሕሪ ምባል: እወ ተቐቢልና ክብል ኣሚኑ ዩ:: ብሕጂ ውን እንተተውሲኹና ክንቅበል ኢና ይብል:: ከምቲ ኣብቲ ጸብጻቡ ዝተሰምዖ: እቲ ኣቀራርባ ባጀት ፍርቂ ዓመታዊ ስለዝኾነ: ብድሕሪ ሕጂ ንዝለዓል ሕቶ ኢሉ ዘዳለዎ ጎራሕ መልሲ ክኸውን ይኽእል ዩ:: ብወገን ህግደፍ ግን: ኣብ መንቀራቕሮ ኣድብዮም ድሕሪ ምጽናሕ: ድማ ብሓድ “ረድ ሲ ፊሸር” ዝብል ጸሓፋይ ኣቢሎም መልሲ ሂቦም ኣለው:: እታ ጽሕፍቲ ካብ ድሃይ ጀሚርካ: ኣብ ዝተፈላለያ ደገፍቲ ህግደፍ ዝኾና መርበባት ክትዝርጋሕ ቀንያ ኣላ:: ጸሓፊኣ “በል” ዝተባህለ ዝበለ እዩ ዝመስል:: ጽባሕ እታ ጽሕፍቱ: መራሕ ውድብ ግንቦት ሸውዓተ “ያያ: ተቐቢልና ኢና” ኢሉ ኣፍሺሉዎ እዩ:: ጸሓፊ ግን ለሚዱዎ እዩ ዝመስል: ቅድሚ ሕጂ ኣብ ኣስመራ ኣብ ጥሪ 21 ዘጋጠመ ዋላ ሓንቲ ነገር ኣይነበረን ምስ በለ: ኣይ ሰሙን ኣይ ሳልስቲ: ባዕሉ መራሕ ህግደፍ ኣፍሺሉዎ እዩ:: እቲ ንሜሮን እስቲፋኖስ ንምዝላፍ ዝጸሓፎ: መን ከምዘፍሸሎ ህዝቢ ይመስክር:: ተሓጓሚ እክንከሎ ተሓዝ ልቢ: ከምዝበሃል – ጓል ሕድርትና ትም ኢላ እንከላ: ሓሻካ ሰንኮፍ ረጊጹ ክመላልሰን ክትርእዮ እንከለኻ የሕዝን:: ኣብ እግሪ ጓል ሕድርትና ከም ሕዋር ሕልኽልኽን ንኽብል ክፍቀድሉ: ጽሑፋቱ ብመርበብ ህግደፍ ክዝርጋሓሉ: ከም ሽልማት ቆጺሩ: ኣእምሮኡ ኣብ ብያቲ ገይሩ ዘረከበ ሰብ:: እቲ ካልእ ድማ – ድማ ጽሒፋ ትህቦ ትኸውን:: ክልተኡ ኣይግርምን:: ንሱ ዝሃቦ መልሲ ብዘይ ባርኾት ህግደፍ’ዩ ወጽዩ ዝብል ግን: ፍጹም ቅቡል ክኽውን ኣይክእልን:: በዚ ኮይኑ በቲ: መልሲ ህግደፍ: ወይ ውጹእ ክሕደት – ብዝተመስከረሎም ከሓድቲ: ወይ ድማ እቲ ኢድ ብኢድ ክተሓዙ እንከለው “ትም ምባል” ዝብሉዎ ፓለቲካው ድቀት ኮይኑ ኣሎ::
መደምደምታ
እቲ ገምጋም ኩልና ግን: ብሓደ ብገንዘብ እተዓስበ ኣቢሉ – ሓድሽ ግንባር ዲፕሎማሲ ከፊቱልና ከምዘሎ ምርዳእ እዩ:: እዚ ዕሱብ እዚ: ሎም ብዘይሓሰቦ ስልኳ ብመቕድሒ ድምጺ’ኳ እንተተገርሀ: ጎራሕ ኣቀራርብኡ ሸለል ክበሃል ዝከኣል ኣይኮነን:: እንተስ ንልምዓት እንተስ ንጥፍኣት የውዕሎ ብዘየገድስ: ጨለነቱ ውን ኣይከሓድን:: እቲ ፈጢረዮ ኣለኹ ዝብሎ ዘሎ ዝምድና ውን ብሸለልታ ዝርኣ ክኸውን የብሉን:: ብኣማላድነት: ንሱን ውድቡን: ንመንግስቲ ኤርትራ ምስ ገለ ኣመሪካውያን ከቀራርብ ከምዝፈተነ ዘይተጨበጠ ሓበሬታታት ኣሎ:: ብናቱ ጻዕሪ ድዩ ብናይ ካልእ ዝምድና ህግደፍን ኣመሪካን ኣብ ገለ ደረጃ ዝበጽሐ ይመስል::
እቲ መራሕ ውድብ ምስ ማእከላት መጽናዕቲ ርክባት ኣለና ዝብሎ ዘሎን: ጉጅለ ክራይስስ ግሩፕ: ብዛዕባ ማዕቀብ ኤርትራ ክግምገም ዝብል ዘውጽኦ መግለጺ: ምስቲ ኣብ ግዝየ ሞት መለስ እቲ ጉጅለ ክራይስስ ንመደበር ኢሳት ዘልሓኾ ሓበሬታን: ህግደፍ ኣብቲ መጽናዕታዊ ትካል: ናይ ናይሮቢ ቤት ጽሕፈት ኣስሊኹዎ ክኸውን ዝኽእል ኣምባሳደሩ ነበርን: እቲ ኣብ ባይቶ ኣመሪካ ዝነበረ ዘተ ዝተዋህቦ ቴማ ምስቲ ብጉጅለ ክራሲስ ግሩፕ ኣብ ዓሚ ነሓሰ ዝወጸ ጸብጻብ ዝተዋህበ ኣርእስቲ ሓደ ምዃኑ: ናይ ኣጋጣሚ ድዩ ወይ እተደርሰን ኣብ ልቢ ሰባት ክስቆር ዝተደለየ ክደጋገም እተደልየ ኣርእስቲ እዩ:: በቲ ኣርእስቲ እቲ ዝጥቀም እቲ ንነብሱ ከም ኣማራጺ ገይሩ ከቕርብ ዝፍትን ህግደፍ ይኽእል’ዶ ኢልካ ምሕታት ነውሪ ዘለዎ ኣይመስለንን::
በዚ ኮይኑ በቲ: ከም ኩሉ ግዝየ ስራሕና ኣብ ምውዳብ ኤርትራውያን ውሽጢ ሃገርን ወጻእን ክንሰርሓሉ ኣገዳሲ’ኳ እንተኾነ: ነዚ ሓድሽ ግንባር ዲፕሎማሲ: ብብቕዓት ክንገጥሞ ሓላፍነት ኩልና ዩ::
Biko
hinok July 4, 2013
Issays has only one dream to stay in power until he is dear through that to make the ppl suffer.This time in Eritrea no electricity,no bread,guys ppl r suffering .
Romay Abraham July 4, 2013
Where is the evidence ( audio)? can you post it and every body can listen to it.
Ali-lol July 4, 2013
Evidence doesnt work with Assenna.
Aklilu July 4, 2013
First of all the author of this article must have real name to convince it’s article is genuine and pen name is not acceptable to public….Biko, why u hide ur identity if u r telling the truth or believe the leak is real ? Therefore come out with ur real name and at least to be convince for what u r tilling us…
P.S.. what i hate and sick and tired is those who cover their identity and telling us what’s right and wrong!!!! shame!
MightyEmbasoyra July 5, 2013
Aklilu,
It is a matter of choice. For what’s matter, who are you? I mean Aklilu who? Where is your picture? Where were you born? Your parents? Uncles?
You see, I am trying to make a point here. What matters is your ideas, not who you are.
We need to pay attention on the content of the subject – not at the nicknames used.
As you can see, I have used Mighty Embasoyra. Why? Because that is the biggest mountain of the country and I like it – not like some people (like Zaul for instance) thinks.
Zaul July 5, 2013
MightyEmbaSoyra,
Most of the time it’s subtle, but I’ll give you some examples of when you have spilled the beans in one article about Girma Asmerom, by Messinas 31/05/2013, here on Assenna.
1. “Resah. Denkoro. Mehaym.
Akeluguzay eko Eritrea tiray zeykones, meseret nay Eritrea mukanu tifelt do? Nska mehaym Hgdef eka.”
2. “So, does Tijuana makes it USA because it is near San Diego?
Does Seraye becomes Adwa? How about Asab becomes Dessie?
In general (read history books), when someone is ignorant or poor, or somehow challenged, then they start naming the superior (in education, financial, etc.) group names.
Why do you think a lot of places they hated the jews before? Let me answer you – they were highly educated & financially to do well.
I hope this answers to some of those stupid comments.”
I have met this kind of racist attitudes from other Akelle-people, I don’t know if this history of exclusion started with the killing of Rasi Woldemichael when he was tricked by the Tigreans or if it’s a feeling of being the origninal HABESHA and the other two regions have adopted your language and culture, hence not pure blood?
I don’t mind if people are proud of where they come from, their particular traditions. That is good and something we need to emulate elsewher in the country.
Mighty, you have to understand the reason why a great Civilization like the Nubians were not able to avoid conquest, while we managed to fend off all attacks coming from the north and the south is because we knew who our brothers are and stuck together. Let’s not repeat the misstake of Rasi Woldemichael. This time it is more important than ever.
ahmed saleh July 5, 2013
Well , well , well . Are you offended by Mesinas statement ” Akelegzay is the foundation of Eritrean
nationalism ” . If that is the issue I might say you have regionlal tendency . WEdi hammasien, wedi Seraye,
wedi Mataht , wedi semhar , wedi denkel and others genuine Eritreans can express their pride and I salute
them for their patriotic feelings . Who cares about other examples JEWS < ARABS < ETHIOPIANS , give me a break . Our concern is our beloved country of ERITREA .
ahmed saleh July 5, 2013
To make it clear either you like it or not , such sentiment of Hammasien and Akeleguzay have nothing to
do with an old past history but rather from recent stupid Eritrean politics of the past 20 yrs initiated
out of arrogance .
abel July 4, 2013
The evidence ( audio)follow the link.
http://www.youtube.com/watch?v=z9DNW4kI6Ag&feature=youtu.be
Dawit July 4, 2013
To Ali-lol,
Just go to YouTube type the following
Breaking News:
Dr. Berhau Nega, in his own words, admit that Ginbot 7 is financed by Eritrean Regime.
and listen to what the useless Dr has to say to his followers.
I hope you it is very clear now. Enjoy it.
seliho July 4, 2013
do u think hgdef , has any other option different than staying in power at any cost till they die phyisically? coze , if they solve the boarder issue, if they open a gate for constitutional governance, if they alow observers from inside or out side Eritrea to visit the dungeons, if they give a space to free press, if they start the the rule of law with institutions to guarantee it, if they let asmara university to act autonomously and come up with research out comes which will challenge the policies of the junta they know they will not live. perestroika and glasnost dissembled SU under Gorbachev. they know if law and order hover over Eritrea they know the Eagle of justice will pick them and cut them in to pieces with his strong claws. do not expect them to open up. and this new ties with amhara opposition must be critically studied beyond simple and ordinary ties. it might have another rotten roots. why ties with an organization which doesnt believe in Eritrean sovereignty? why relationships with some one who doesnt give respect our martyrs? any way, time is a fair judge….
most trusted July 4, 2013
stop telling story that does not have any evidence
Kombishtato July 4, 2013
What would Issaias say to:
Is this good or bad for Egypt? “I dono”
Is this good or bad for Eritreans in Arab slavery? “I dono”
Have you read about Eritreans in Arab slavery in Egypt Sudan and Libya? “I dono”
Why is that Eri Tv and some so called “opposition” websites so ashamed to post the slavery of Eritreans in the Arab world? “If I dono anything, how do I know about them Arabs?”
What about this Deutche Welle report? ” I dono German, I am an Arab. I mean coalition partner, ye Ani, not their Abeed or kedami 🙂 ”
…… Harrowing stories
http://www.dw.de/anguish-for-eritrean-refugee-over-daughters-sinai-fate/a-16870454
Captives were often left lying in the dirt for days or weeks, he said. The traffickers used stones, chains, or branches from a tree to beat victims on their legs, back and even his head, Mulugeta explained. The pain was excruciating, but after a while, he admitted, he didn’t even feel it, his body was numb and it all became a blur. He often went in and out of consciousness. Then I asked him, as tenderly as possible: “Were you ever raped?” Wuldu struggled translating the question. Mulugeta stared at the city lights for what seemed to be hours, though it was only a couple of minutes. Finally Wuldu turns to me exasperated. “How can he talk about these things? What can he say? His concern is not for him. He worries for his daughters.” Mulugeta pulls out a tissue and begins to dab his eyes.
His upper body bent over, he stumbles when he tries to speak. Wuldu continued waving his hands in the air. “What could he do? He doesn’t remember much about the beatings.” Mulugeta said if wanted to see his daughters, the traffickers would bring the girls to him and rape them in front of him. There was nothing he could do. They cried for him, but he was forced to watch as they screamed and were violated, stripped and beaten.
The traffickers demanded $30,000 for each of them. The translator explained that many people in Mulugeta’s community in Eritrea raised the funds and gave them to his wife. When she sent money, the traffickers told him: “If we let one of the girls go, we don’t know if she will make it out, she might get taken by someone else, so you go – and send us the money. Your daughters will be safe here.”
Mulugeta arrived in Tel Aviv in November last year – forced to abandon his daughters. He was released after three months along with four others and brought to Israel where they were left out on the street. He says he is comfortable at the shelter. There are many men there who have gone through similar experiences. Wuldu expresses his admiration for Mulugeta. He often seeks his advice, his comfort and they pray. Mulugeta is grateful to the Israelis for giving him somewhere to say. “I want to give thanks,” he said.
Nahom July 4, 2013
Kombishtato
The only solution for the slavery and sufferings of our Eritrean brothers in the Arab world is to dismantle the fascistic regime of DIA.
ahmed saleh July 5, 2013
Nahom
you said it all straight forward with delinquency . It is a matter to man up to face the source of our
people’s problem instead complaining like MINYA SHENKORTET for no avail .
idris July 4, 2013
Do not woory. The Ethiopian government after settling the issue with egypt will turn their face to the dictator. Then who will be the losser? 500 000 USD from the world’s poorest nation eritrea to Berhanu Nega? It is not fair.
belay nega July 6, 2013
idris
Your name remind me a guy from Gonder who use to say:
“እንደ እንድሪስ ቅቤ ቀልጥን ቀርን”