ሓንቲ ለተዝጊ እዝራ ዝተባህለት፣ ካብ ኤርትራ ናብ ሱዳን ዝተሰደደት ኤርትራዊት ኣደ ቖልዓ፣ ኣብ ሱዳን ብዝወረዳ ብስጭት ዓቕላ ጸቢቡዋ ብበንዚን ነብሳ ድሕሪ ምቅጻላ፣ ኣብ ሕክምና ከሰላ ኣብ ሓደገኛ ኩነታት ከምእትርከብ ምንጭታት ኣሰና ካብቲ ቦታ ሓቢሮም።

ብመሰረት ‘ቲ ነታ ግዳይ ብምዝርራብ ዝተላእከልና ሓበሬታ፣ እታ ኤርትራዊት ስደተኛ፣ 6 ኣዋርሕ ኣቢሉ ይገብር ብሓደ ሱዳናዊ ድሕሪ ዝወረዳ ዓመጽ ወሊዳ ክንሳ፣ በንጻሩ ብወሰን ወሊድኪ ተባሂላ ኣብ ብቤትፍርዲ ጊርባ 80 ኩርማጅ ድሕሪ ምግራፋ እቲ ድሮ ከቢዱዋ ዝጸንሐ ኩነታታ መሊሱ ብኢሱ ኣብ ብርቱዕ ጭንቀት እያ ጸኒሓ።

በዚ ምኽንያት፣ ኣብ ከሰላ፣ ኣብ ትሕቲ ዑቕባ ቤት ጽሕፈት ላዕለዋይ ኮምሽነር ስደተኛታት ውድብ ሕቡራት ሃገራት ኣብ ውሑስ ገዛ (safe house) ከላ ድማ እያ ነቲ ስጉምቲ ወሲዳቶ።

እታ ካብ ጎልጅ ቅድሚ ኣርባዕተ ዓመታት ዝተሰደደት ኤርትራዊት ስደተኛ ክልተ ቆልዑ ኣለዉዋ።