ከም’ቲ ብዜና ዝሰማዕኩሞ፣ ብዓልቲ ቤቱ ነቲ ንምልካዊ ስርዓት ኢሳይያስ ኣብ ሕምብርቲ ኣስመራ ፎርቶ መኪቱ በጃ ህዝብን ሃገርን ዝተሰውኤ ጅግና ኮለኔል ስዒድ ዓሊ ሕጃይ (ወዲ ዓሊ) ወ/ሮ በኺታ እድሪስ ዑመር ምስ ክልተ ደቃ፣ ሪሃም ስዒድ ዓሊ ከምኡ ‘ውን ሪም ስዒድ ዓሊ ካብቲ ምልካዊ ስርዓት ኣምሊጠን ኣዲስ ኣበባ ኣትየን ኣለዋ።

ከምቲ ድሮ ዝኣመትናዮ ስድራቤቱ ክሳብ ናብ ውሑስ ቦታ ከይደን ዝጣየሳ ህጹጽ ሓገዝ ከምዘድልየን ርዱእ እዩ። ስለዚ፣ ከምቲ ስዉእ ወዲ ዓሊ ጅግና ዝኾነልና፣ ጀጋኑ ምዃን ‘ኳ እንተኣገመና ፣ ንስድራቤቱ “ኣጆኽን፣ ኣብ ክንዲ ጅግና ኣቦኽን ኣለናክን” ኢልና በብዓቕምና ገንዘባዊ ኣበርክቶ ብምግባር፣ ብግብሪ ሞራላዊ ደገፍ ክንህበን ሓላፍነትናን ግቡእናን እዩ።

ነዚ ህጹጽ ሓገዝ ንምብርካት ኮነ ናብ ውሑስ ቦታ ናይ ምስግጋርን ምጥያሰንን ዕማም ሓላፍነት ወሲዳ እተወሃሃድ ኮሜተ ክትመርሖ ኣገዳሲ ‘ኳ እንተኾነ፣ ከምኡ ዝዓይነታ ኣሳላጢት ኮሚተ ብወግዒ ክሳብ ትቐውም ብሎሚ ጽባሕ ንስድራቤት ወዲ ዓሊ ሓገዝ መታን ከይንፈገን ግን፣ ኣሰና ፋውንዴሽን፣ ኣብ ሕሳብ ባንኩ UNITY ተባሂሉ ዝፍለጥ ንኡስ ሕሳብ (SUB ACCOUNT) ኣዳልዩ ንግዚኡ ወፈያታት ተቐቢሉ ከተሓላልፈለን ተበግሶ ወሲዱ ከምዘሎ የዘኻኽረኩም። እቶም ኣብዚ ናይ ህጹጽ ደገፍ (Emergency Fund) ወፈያ ብምግባር ክትሕግዙ እትደልዩ ግዱሳት ደለይቲ ፍትሒ፣ ነዚ ግዝያዊ ፍሉይ ሕሳብ ‘ዚ ተጠቒምኩም ደገፍኩም ከተበርክቱ ትኽእሉ።

እቲ ዝግበር ደገፍ ኣብ ዘዝበጽሓሉ እዋን ንህዝቢ ብራድዮ ኣሰና ብወግዒ ክግለጽ ምዃኑ፣ እታ ንኹነታት ስድራቤት ስዉእ ወዲ ዓሊ እትከታተል ሽማግለ ኣብ ዝቖመትሉ ግዜ እቲ ድሮ ዝተወፈየ ገንዘብ ኮነ እቲ ወፈያ ናይ ምቕባልን ናይ ምምሕዳርን ዕማም ብቐጥታ ናብታ ሽማግለ ክመሓላለፍ ምዃኑ ከኣ ነዘኻኽረኩም።

እዚ ወለንታዊ ወፈያ ምዃኑ፣ እቶም ወግዓዊት ሽማግለ ምስ ቆመት ከተበርክቱ እትደልዩ ክትጽበዩ ዕድል ከምዘለኩም ደጊምና ነዘኻኽር።

እዚ ንኡስ ሕሳብ ‘ዚ (UNITY Account) ካብቲ ንራድዮ ኣሰና ንምድጋፍ ዝግበር ወፈያ እንጥቀመሉ ሕሳብ ዝተፈልየ እዩ። ስለዚ ወፈያ ክትገብሩ ከለኹም ኣበየናይ ቁጽሪ ሕሳብ ተወፍዩ ከምዘለኹም ኣሃዛትን ዝርዝራትን ደጋጊምኩም ከተረጋግጹ ነዘኻኽረኩም። ንስድራ ወዲ ዓሊ ገንዘብ ኣብ እተወፍዩሉ ግዜ፣ በዚ ኢመይል herofortowediali@gmail.com  ከተፍልጡና ድማ ኣጥቢቕና ንምሕጸን።

ኣሰና ፋንውንዴሽን
29 December 2013

Bank Details
Assenna Foundation Ltd/ Unity Account
HSBC Bank
Brach Sort Code: 40 -05-31
Account Number: 41573098
Swift: MIDLGB22

IBAN: GB96MIDL40053141573098