ጠዓመ ኣብርሃም ጎይትኦም (መቐለ)

ትውልዲ ዓዲ ስመጃና

ዕለተ ልደት 1956

ቁጽሪ ፓስፖርት – Diplomatic Passport No D0001060

ቁጽሪ ፓስፖርት Laissez – Passer 02154

መዓርግ – ብሪጋደር ጀነራል

ምንጭታትና ከምዘረጋገጹዎ ብሪጋደር ጀነራል ጠዓመ ካብ መዝነቱ ወሪዱ፣ ነቲ ናይ ስለያዊ ስርሒታቱ ጉልባብ ዝነበረ Horn Building Inc ንወልዱ ባርያን ካልኦት ሓለፍትን ኣረኪቡ።

ቀንዲ መደስከሊኡ ኮይኑ ዘሎ ምኽንያት፣ ኣብዚ ቀረባ መዓልታት ኣብ ዝተገብረ ዳግመ ስርርዕ ብዙሕ ተኣፋፊ ዝኾነ ስርሓት መንግስቲ ኤርትራ ንኣባላት ደምሒት (TPDM) ተዋሂቡ ኢሉ ስክፍታ ስለዘርኣየ ከምዝኾነ፣ ናይ ምድስካሉ ውሳኔ ከኣ ብቐጥታ ካብ ኢሳይያስ ኣፈወርቂ ከምዝመጸ እቶም ምንጭታት ኣረጋጊጾም።

ጠዓመ (መቐለ) ንናይ ሶማልያ ኣሸባብ፣ ቅድም ሕዝብ ኣል ኢስላም፣ ኣስዒቡ ‘ውን ንሕዝቡላህ ቀንዲ መተሓላለፊ ኣጽዋር (Arms Trafficker) ዝነበረ እዩ። ኣብ ህዝባዊ ግንባር ‘ውን ምኩር ሰላዪ እዩ ነይሩ።

ኣብ ግዜ ቃልሲ ከም መራሒ ሓይሊ ብርጌድ 58 ዝነበረ ጠዓመ፣ ቀጺሉ ኣብ ኢትዮጵያን ኤርትራ ሰለያዊ ስርሓት ኣካይዱ። ድሕሪ ናጽነት ‘ውን ኣብ መንግስቲ ኤርትራ ስለያዊ ስርሑ ቀጺሉ። ጠዓመ ጎይትኦም ኣብ ግዜ ቃልሲ ሓደ ካብቶም ምስ ላዕለዋይ ሓላፊ ስለያ ህዝባዊ ግንባር (72) ጴጥሮስ ሰለሞን ብቐረባ ዝሰርሑን ናእዳ ዘትረፉን ተቓላሳይ እዩ ነይሩ።