ሓለፍቲ ሃይማኖታዊ ጉዳያት ህግደፍ ምስጢራዊ ስራሓቶም ኣብ ቤተ ክርስትያን ተዋህዶ ቀስ ብቀስ ይጋለጽ ኣሎ፡።

ድሕሪ ምእላይ እቶም ክልተ ካድራት ህግደፍ ዮፍታሄን ጸሓፊኡ ሃብቶም ርእሶምን፥ ንብረት ቤተ ክርስቲያን ዝተረከቡ ክልተ ጳጳሳት ኣባ ጴጥሮስን ኣባ ባስልዮስን፥ብስም ቤተ ክርስትያን ዘሎ፥ ሕሳብ ናብኣቶም ከመሓላልፉ ምስ ሓተቱ፥ ባንኪ ኤርትራ ዘይተጸበይዎ ድቡላ  ሰለስተ ናይ ሕሳባት መቐመጢ ከም ዘሎ ሓቢርዎም፥ እቲ ሲኖዶስን እቶም ዝርከቡ ጳጳሳትን ግን ሓደ ናይ ሕሳብ ቁጽሪ ከም ዘሎ እዮም ዝፈልጡ፡።

እቲ ክልተ ብሕቡእ ክንቀሳቐስ ዝጸንሐ ቁጽሪ ሕሳባት ብስም ዮፍታሄን ጸሓፊኡ ሃብቶም ርእሶምን እዩ ዝንቀሳቐስ ነይሩ። ዝኾነ ሓላፊ ሕሳብ መንበረ ፓትርያርክ ነዚ ክልተ ቁጽሪ ሕሳባት ኣይፈልጦን እዩ።

እዚ ሕቡእ ነገር ምስ ተረኸበ፥ ብፍላይ ሓላፊ ሃይማኖታዊ ጉዳያት ሰመረ በይን፥ እዚ ሕሳብ እዚ ከይግለጽን፥ ኣብ ደገ ከይወጽእን ይቃለስ ኣሎ። ሰመረ እዚ ሓሳብ እዚ  ንሲኖዶስ ንዘይምሽጋር ተባሂሉ ንቐለልቲ ወጻኢታት ተባሂሉ ከም ዝተኸፍተ፥ ነቶም ጳጳሳት ሓባቢሉ ኣፎም ንምትሓዝ ይልምንን ይጽዕርን ኣሎ። ነዚ ነገር እዚ ንምዕባስ ድማ  ኣብ ቅያር ዮፍታሄ ምስኡ ፍሉይ ርክባት ዘለዎምን ምስጢሩ ዝሕልዉሉን  ዘገልግልዎ ሰባትን ንምርካብ ላዕልን ታሕትን ይብል ኣሎ። ክሳብ ዕለት ሎሚ ድማ ነቶም ጳጳሳት ጅሆ ሒዙ ንገለን እናፈራርሐ፡ ንገለን እናቀባጠረ፥ ሃሱሳት ናቱ ኣብ ምስኳዕ ይጽዕር ኣሎ።

ካብ ሓደ ቤተ ክርስትያን ዝወደቦም በጋሚዶታት ዲግሪ ኣለዎም፥ ክለኣኹ ይኽእሉ እዮም ዝበሎም፥ ኣምጺኡ ንጳጳሳት ኣእሚኑ ኣብ ቤት ጽሕፈት ብሓላፍነት ከቐምጦም ፈቲኑ እዩ፣ እንተ ኾነ ናይ ኣስመራ ዲያቆናትን ቤት ትምህርቲ ሰንበትን፥ ነዞም በጋሚዶታት ዘጋልጽ ደብዳቤ ናብ ጳጳሳት ምስ ዘርግሑ፥ ሓደ ውዲት ዕላምኡ ፈሺልዎ እዩ።

ኣብዚ ሕጂ እዋን፥ ኩሉ ስለ ዝጸበቦ፥  ምንም እንዶ ዘይብሎምን ፈርሃትን ጃጀውትን፥ ከም ድላየይ ክገብሮም እኽእል ዝበሎም ኣቕሽሽቲ ካብ ኤውሮጳ ዝተባረረ ቀሺ ገብረታትዮስን፥ ኣብ ውሽጢ መንበረ ፓትርያርክ ኮይኑ ነገር ከሳውርን፥ ክሕሱን ዝውዕል፥ ኩርኩር ዮፍታሄ ኮይኑ ኣብ ዕንወት ቤተ ክርስትያን ዝጸንሐ ቀሺ ዘርኣይን፥ ብስም ኣቕሽሽቲ ሽፋን ቦታ ክህቦም ላዕልን ታሕትን ይብል ኣሎ።

ሰመረ በይን ዮፍታሄን ጸሓፊኡ ቀሺ ሃብቶምን፥ ብዝኾነ ገበን ከይሕተቱን ከይክሰሱን ነገር ናብ ሃይማኖታዊ ጉዳያት ከይግልበጥ ብዘይዕረፍቲ ይሰርሕ ኣሎ፡

ሓለፍቲ ሃይማኖታዊ ጉዳያት ምስ ዮፍታሄን ሃብቶምን ተሰማሚዖም፥ ሞባእ ቤተ ክርስትያን ክገናዘዩሉ ዝጸንሑ ፍርሃት ኣምላክ ዝጎደሎም ሰባት እዮም።

እቲ ቀንዲ ገበነኛ ቤተ ክርስትያን ቀሺ ሳሙኤል ጸጋይ፥ ምስ እዞም ክልተ ጎሓሉ ብፍላይ ድማ ምስ ቀሺ ሃብቶም ብምምስጣር፥ ክንደይ ንጹሃት ኣቕሽሽትን ዲያቆናትን፥ ካብ ቤተ ክርስትያን ከም ዝጠፍኡን ገይሩ፥ ጉቦን ብላዕን እናተቐበለ ካብ ሃገረ ሰብ ከይተረፈ እናምጽአ ተኪእዎም ኣሎ። እዚ ድማ ገና ካልእ ተደጊሉ ዘሎ ሃዊ እዩ፣ ቀሺ ሳሙኤል ጸጋይ፥ ብማእሰርቲ ቀሺ ገብረመድህን፥ ዶር ቀሺ ፍጹም ብርሃን፥ ዶር ቀሺ ተኽለኣብን ብደም ዝሕተተ ገበነኛ ካድር ህግደፍ እዩ፣

መላእ ህዝቢ ኣስመራ ግን እዚ ኩሉ ሽግርን ጸገምን ቤተ ክርስትያን መርገም ኣቡነ እንጦንዮስን፥ ሞባእ ድኻታት ኣዴታትን እዩ ክብል መረርኡ የስምዕ ኣሎ፣

ሕጅውን ግዱሳት ደቂ ሃገርን ደቂ ቤተ ክርስትያንን ካብ ከተማ ኣስመራ፣