ብዮፍታሄ ወዲ ቀሺ ድሜጥሮስ ዝምራሕ ናይ ተዋሕዶ ቤተ ክርስትያን ኤርትራ፣ ነቶም ናይ ፖለቲካ ጉልባብ መሳርሒኡ ፓትርያርክ ኢሉ ዘጠመቖም ኣባ ዲዮስቆሮስን ኣባ ሰላማን ኣባ ቀርሎስ እተባህሉ ጳጳሳት ጸሓፊኡ ሃብቶም ርእሶምን ኣሰንዩ፣ ኣብ እስራኤል ኣትዩ በቶም ናይ ኤምባሲ ኣባላቱን ሃሱሳት ቁጽራቱን ኣሰንዩ፣ ልዑል ምንቅስቓስን ምፍርራሕን ይገብሩ ኣለዉ።

ነቶም ኣብ እስራኤል ዝርከቡ ብፍርሕን ራዕድን ተዋሒጦም ንሱ ንሕና ንሕና ንሱ ዝብሉ፣ ትማል ሞት ሲናይ ተሳጊሮም መጺኦም ኣሕዋቶምን ኣሓቶምን ኣብ ቅድሚ ዓይኖም እናሞቱ ረይሳኦም ተሳጊሮም ዝመጹ እሞ ዝረስዑ ውሑዳት ከዳዓትን ጠላማትን ብኤምባሲ ዝተኸትቡ፣ ኣቕሽሽቲን ዲያቆናትን በሃልቲ፣ ሒዞም ኣብ እስራኤል ንዝነብሩ  ኣቕሽሽትን ካህናትን ኣስማቶም እናመዝገቡ፣ ኣብዚ ዝግበር ዘሎ ናይ ኣባ ዲዮስቆሮስ ምቕባል እንተ ዘይተሳቲፍኩም ጽባሕ፣ እስራኤል ምስ ሰጎጎትኩም ኣብ ኤርትራ መእተዊ የብልኩምን፣ መንግስትና ይቕሬታ ኣይገብረልኩምን እናበሉ፣ የፈራርሑን የጉባዕብዑን ኣለዉ።

ኣብ እስራኤል ዝርከቡ ምዑታት ኤርትራውያን ደለይቲ ፍትሒ፣ ነዚ ብሃይማኖት ኣመሳሚስካ ንኤርትራውያን ንምንብርካኽ ዝግበር ዘሎ ሓደገኛ ምንቅስቓስ ብኣጋኡ ክምክትዎን፣  ብፍላይ ድማ ነቲ ብሕቡእ ብኤምባሲ ህግደፍ ተወዲቡ ጽባሕ ዓርቢ ኣብ እንዳ መድሃኔኣለም ናይ ህግደፍ መጠራናፊ ቤተ ክርስትያን ዝግበር ኣኼባ ክብድህዎን፣ ውዲት ህግደፍ ከፍሽሉን ህጹጽ ሓበሬታ ነመሓላልፍ።

ድሮውን ንሃይማኖቶም ብሓቂ ደው ዝበሉ ኣቕሽሽትን ዲያቆናትን፣ ብፍላይ ነቶም ብምምስሳልን ብምቅብጣርን ወገንን ክሕግዙና ይኻሉ እዮም ዝበልዎም ዝበልዎም ኣባላት ኤምባሲ ህግደፍ፣ ኣባ ቄርሎስ ዝተባህሉ ጳጳስ፣ ከቢድን በዳህትን ሕቶታት ቀሪብሎም፣

ኣባ እንጦንዮስ ኣበይ ኣለዉ? ስለምንታይ ሕጋዊ ፓትርያርክ ኣውሪድኩም ዘይሕጋዊ ሰብ ሰቒልኩም? ካብ ዓለም ስለምንታይ ነታ ቤተ ክርስቲያን ነጺልኩማ? ዝብሉ በዳህቲ ሕቶታት ቀሪቦምሎም፣

ብሕቡእ ዝሃብዎ መልሲ፣ ኣባ እንጦንዮስ ብዘይሕጊ ብድፍኢት መንግስቲ ኢና ኣውሪድናዮም፣ ኣነኳ ኣይፈረምኩን ነይረ ደሓር ተገዲደ እየ ፈሪመ ንበይነይ ስለ ዝተረፍኩ። ሕጂውን ተገዲደ እየ እምበር ኣሚነ ኣይኮንኩን ከም ዝበሉ፣ ካብ ናይ ዓለም ቤተክርስትያናት ብፍላይ ግን ካብ ግብጺ ምፍላዮም ሕንቕንቕ እናበሉ መሊሶም።

እቶም ኣብቲ ኣኼባ ብወሳንነት ዝሳተፉውን መንግስቲ እስራኤል ክፈልጦም፣ ዋላኳ ግዜ ሓጺር እንተኾነ፣ ሓበሬታት ግን ድሮ ተመሓላሊፉ ስለ ዘሎ፣ ብንጹር መረድኢ ክቐርብ ጻዕርታት ምዑታት ደለይቲ ፍትሒ ደቂ ሃገር ኣብ ሓጺር ግዜ ተወዲቦም ኣድማዒ ስራሕ ክፍጽሙ ሕድሪ ስዉኣት ንዝረገጹ ከጋልጹን ንጽውዕ።

ዘለዓለማዊ ዝኽሪ ንስዉኣትና፣

ሕነ ሲናይ ፈጸምቱን ህግደፍን ክፍደይዎ እዮም።

ኤርትራውያን ደለይቲ ፍትሒ ካብ እስራኤል።