ኣብ ዜና ከምዝተኸታተልኩሞ፡ ህይወት ልዕሊ 200 ኣብ ጉዕዞ-ባሕሪ ንስደት እንከለዉ ጃላቡ ዝጠሓለኦም ኣፍሪቃውያን ስደተኛታት ኣብ ሓደጋ ወዲቑ ኣሎ። ሓምቢሶም ዝኽእሉ ውሑዳት ‘ኳ ህይወቶም ንስክላ እንተደሓነት፡ እቶም ዝበዝሑ ካብ ሞት ከምዘየምልጡ ተገሚቱ ኣሎ። እዚ ጉዳይ ‘ዚ ንማዕከናት ዜና ዓለም ጫቝ-ጫቝ ኣብ ዘብለሉ ዘሎ እዋን፡ ቢቢሲ ንሓደ ኣቐዲሙ ብተመሳሳሊ ሓደገኛ ጉዕዞ ባሕሪ ናብ ዓዲ እንግሊዝ ንዝኣተወ ስሙ ክጠቅስ ዘይደለየ ኤርትራዊ ኣዘራሪባ ኣብ መርበብ ኢንተርነት ቢቢሲ ዘቕረበቶ ጽሑፍ ቃልንቓሉ ተርጕምና ነቕርበልኩም። ንሱ እቲ ንኣፍሪቃውያን፡ ነዚ ቀታሊ ጉዕዞ ባሕሪ ‘ዚ ኣካይዶም ናብ ኢውሮጳ ክመጽኡ ዝድርኾም ቀንዲ ምኽንያት እንታይ ምዃኑ ክገልጽ ከሎ ከምዚ ይብል፡-

ሎሚ ዘበን ጽቡቕ ክራማት እንተዘይተረኺቡ። “ እታ ምእንቲ ‘ርእስኻ ምኽኣል’ ክትብል ረዲኤት መግቢ ኣጕዲላቶ ዝጸንሐት ንድርቂ ዝተቓልዐት ኤርትራ ናይ ወጻኢ ረዲኤት ከድልያ እዩ” ክብል ሓደ ላዕለዋይ በዓል ስልጣን ውድብ ሕቡራት ሃገራት ከምዘጠንቀቐ፡ ሎሚ 22 ሰነ ሮይተርስ ካብ ኣስመራ ኣብ ዘመሓላለፎ ጸብጻብ ሓቢሩ።