እዞም ደቂ ዓዲ ከምዚ ይብሉ "put your money where your mouth is". እዚ ከኣ ንዝኾነ ይኹን  ጉዳይ ብዘረባ ጥራይ ዘይኮነስ ብግብሪ'ውን ክርኤ ኣሎዎ ማለት እዩ። ብካልእ ኣርዘረባ ከኣ እቲ ብዛዕባ ኣብ  ኤርትራ ዘሎ ግፍዒ ምንጽርጻርን ምሕማይን ምውርዛይን ፈኸራን፣ ከምኡ'ውን ብመልሓስካ ካብ ካልኦት ብዝበለጸ ንሃገሩን ንህዝቡን ሓላይን ኣስቆርቋርን ምምሳል ንግዜኡ ንሕደጎ'ሞ ሃየ ብግብሪ ነርኢ ማለት እዩ። ስለዚ ብሓጺሩ ኩሉ ናይ በለጽ ዘይኮነስ ናይ ብሓቂ ሓልዮትን ተገዳስነትን ዘሎዎ ኤሪትራዊ፡ ኣብዚ ኣሕዋትናን ኣሓትናን ብዙሕ ግዜኦምን ገንዘቦምን ወፍዮም ዘዳልዉልና ዘሎዉ ሰልፊ፣ ኣብ ዋሽንቶን ክንራኸብ ኣሎና ማለት እዩ።