ቃል  ሰራዊት ሕድሪ ዞባ እስራኤል  ብመኽንያት 18 መስከረም 2001  ዕለተ ማእሰርቲ ሃዋርያታት ለውጢ

‘‘ዝኸበርኩም ተሳተፍቲ ዝኽሪ  መበል 13 ዓመት  ፣ልሳን ህዝቢ ኤርትራ ዝተዓብሰሉ ዕለት  18 መስከረም 2001።

ዝኸበርኩም ግዳይ እዛዕለት ዝኾንኩ ኤርትራውያን ደለይቲ ፍትሒ

ህዝቢ ኤርትራ  ናጽነት ንምድላይ በረኻ ዝወጸ  ፣መሰልን ማዕርነትን ዘጋታት ንምርግጋጽ ፣ዴሞክራስያዊ ባህልን  ሰብኣዊ ክብርን ንምህናጽ ፣ብዓብ’ኡ ድማ ጉዳይ መንነት እዩ ነይሩ። እቲ ኣብ ዕለት 24 ጉንበት 1991 ዝተረጋገጸ ናጽነት፣ መሬት ብዶብ ምኽላል ጥራይ ኣይነበረን።  ቅዋማዊትን  ልዑላዊትን ሃገር ፣ህዝባ ብስኒትን ፍቕርን ዝነብረላ ሃገር ምትካል እዩ ነይሩ።

ነዚ ኣብ ማዕልቦኡ ንምብጻሕ እቲ ንሰለስተ ዓመት ዝወሰደ ፣ ህዝቢ ተኻቲዑ ዘጽደቖ  ቅዋም ፣ብሰንኪ  ናይ ዶብ ኲናት ተወንዚፉ። ኲናት  ብሽምግልና ማሕበረሰብ ዓለም ኣብ ዝዓረፈሉ እዋን ድማ ሃገራዊ ምሕደራን ስራሕን  ብኲናትን ሓድግታት ኲናትን ጅሆ ,ከይተታሕዘ ፣ህዝብን መንግስትን ዝምእከለሉ  ቅዋም  ንኽትግበርን ትካላዊ ኣሰራርሓ ከተኣታቱን ፣ሃገራዊ ባይቶ ኤርትራ ምዱብ ኣኸባ ኡ ከካይድ ነይሩዎ። ሃገራዊ ባይቶ ኣብ ነፍሲ ወከፍ  ሽዱሽተ ወርሒ ፣ባይቶ ህግደፍ ድማ ኣብ ነፍሲ ወከፍ 4 ወርሒ ተኣኪቡ ጉዳይ ሃገርን ህዝብን ይዝትን ይሰሪሕን ነይሩ።እንተኾነ  ኣቦወንበር ክልቲኡ ባይቶታትን  ፕረሲደንት ሃገረ ኤርትራ ፣ቻንስለር ዩኒቨርስቲ ኣስመራ ከም ኡ’ውን ላዕለዋይ ኣዛዚ ሓይልታት ምክልኻል ኤርትራ ኣቶ ኢሳያስ ኣፈወርቂ፣ ኲናት ምስምስ ብምግባር   ኣኸባ ክልቲኡ ባይቶታት  ከይጽውዕ ተሓሲሙ።ልዕሊ ሓደ ዓመት ብዘይ ኣኸባ  ስለዝቐጸለን ሕሰም ህዝቢ እና በኣሰ ስለዝኸደን ፣ ነዚ ንምፍታሕ ገለ ኣባላት ባይቶ ሓላፍነታዊ ስጉምቲ ወሲዶም  ዘዋሪት ደብዳበ ናብ ኩሎም ኣባላት ባይቶ ኣመሓላሊፎም።ኣብ መጨረሽታ ድማ 15 ኣባላት ባይቶ ፈርማኦም ኣተኣኻኺቦም ኣኸባ ንኽጽዉዕ ሕቶ ናብ ፕረሲደንት ኣቕሪቦም። ሕቶኦም ብፕረሲደንት ምስተነጽገ ድማ ኣብ ሜድያ ቀሪቦም ጸገማት መንግስቲ ንህዝቢ ክገልጹ ጀሚሮም።ልምዳዊ መጸዊዕ ኦም ድማ ጉጅለ 15 ኮይኑ። እት ዝገልጽዎ ዝነበሩ ጸገማት መንግስቲ  ብመገዲ ብሕታውያን ጋዜጣታት ናብ ህዝቢ የመሓላልፍዎ ብምንባሮም ህዝቢ ሓሳብካ ብናጻ ኣብ ምግላጽ ዓቢ ተመኩሮ ክድልብ ኪእሉ ነይሩ። ጋዜጠኛታት ብሕቲ ዝተጻወትዎ ተባዕ ሃገራውን ሞያዉን ሓላፍነቶም  ድማ  ን ኢሰያስ ጭንቀት ፈጢሩሉ ብትብዓት ኣብ ቅድሚ ህዝብን ብጾቱን ክምልስ ኣይከኣለን ። በዚ ተሰናቢዱ ኢሰያስ ናይ ተንኮል ፍሕሶኡ ክፍሕስ ግዜ ኣይወሰደሉን። በዛ ንዝክራ ዘሎና ዕለት  18 መስከረም 2001 ንግሆ ንኹሎም ኣብላት ባይቶን ጋዜጠኛታትን ከካብ መደቀሲኦም ኣሲሩ ሃለዋቶ ኣብዘይፍለጠሉ ቤት ማእሰርቲ ሓዪሩዎም።

ድሕሪ እዛ ዕለት እዚ ኣ ድማ ኩሎም ቀረብቶምን መሓዙቶምን ስድራቤቶም ብጃምላ ተሓይሮም።እዚ ማሕዩር እዚ ፣ናብ ምሕያር መላእ ህዝቢ ኤርትራ  ኣስፋሕፊሑ፣ኤርትራ ኣብ’ዚ እዋን እዚ ዓባይ ቤት ምእሰርቲ ኮይና ህዝባ ኣብ ምብትታን ይርከብ።

ኣብ’ዚ ዕለት እዚ ድማ እቶም ሃዋርያ ለውጢ ዝኾኑ  ጉጅለ 15ን ጋዜጠኛታትን  ዝኽርታትና ንምሕዳስን ለብዋኦም ንምትግባርን  ብመንፈስ ምሳና ኣለዉ።ካብ ጉጅለ 15 እቶም ኣብ ማሕዩር ዘለዉ………

1 ,ሚንስተር   ማሕሙድ  ኣሕመድ ሸሪፎ  ሚንስተር ዞባዊ ምምሕዳር

2, ሚንስተር  ሃይለ ወልደትንሳኤ ምኒስተር ንግድን ኢንዱስትርን

3, ሚንስተር ፔጥሮስ ሰሎሙን  ሚንስተር ሃብቲ ባሕሪ

4, ሚንስተር ሳልሕ ኢድሪስ ከክያ ሚንስተር መጓዓዝያ

5, ጀነራል  ዑቑበ ኣብረሃ

6,ሜ/ጀነራል ብርሃነ ገብረዝገኣቢሄር

7,ብ/ጀነራል እስቲፋኖስ ስዩም

8, ኣምበሳደር ሃሚድ ሕመድ

9, ኣምበሳደር ባራኺ ገብረስላሴ

10, ኣማሓዳሪ ጀርማኖ ናቲ

11, ኣባል ባይቶ ኣስተር ፍስሓጼን

እዚ ኦም ኣብ ማሕዩር ዘለዉ ኮይኖም፣እቶም ዝተረፉ 4 ሰባት ድማ ኣብ ስደት ይርከቡ።

12, ኣምባሳደር  ሃይለ መንቀርዮስ

13,ኣምባሳደር ኣድሓኖም ገብረማርያም

14 ,ኣማሓዳሪ መስፍን ሓጎስ

15,ኣማሓዳሪ መሓመድ ብርሃን ብላታን ኢዮም።

ብተመሳሳሊ ኣብዛዕለት እዚ ኣ ኣብ መዓሙቕ ጸልማት ዝተሓየሩ ጋዜጠኛታት ዝተዓጽዋ ጋዜጣታትን..

1,ጽጌናይ,2,ዊንታና 3,ቀስተ ደመና 4,ኣድማስ 5,ሰቲት 6,ሳሊና 7,ዘመን 8መቓልሕ….

ጋዜ ጠኛታት ድማ ብኸፊል ፣-1,ዳዊት ሃብተኣብ 2,ዳዊት ኢሳቕ ,3,ኣማኒኤል ኣስራት  4ማትዮዎስ ሃብተ  5,ስዩም ጸሃየ  6,ተመስገን ገብረየሱስ  7,ፍስሃያ የውሃንስ ኣሚነ ሃይለ ካልኦትን።

እዚኦም  ናይ መጀምርያ ድኣ’ምበር  ድሒሮም  ብጅምላ ብ ዓሰርተታት ዝቑጸሩ  ፣ናይ መንግስቲ ከይተርፉ ኣብ መዓ ሙቕ  ቤት ማእሰርቲ ዪበልዩ ኣለዉ።ናይ ‘ዞም ጀጋኑ ምብላይ ዝጀመረ፣ምብላይን ስቓይን መላእ ህዝቢ ኤርትራ ኣስዒቡ ፣ሃገር ባዲማ፣ረሳታት ከይተረፈ ዘይምለሰላ ሃገር ኮይና ትርከብ።

ኣብ፣ዚ ብምምርኳስ ድማ ሰራዊት ሕድሪ፣ቋንቋ ሰላም ንዘይርዳእ ስርዓት፣በቲ ዝርድኦ ቋንቋ ንምግጣም ፣ኣብ ባይታ ወሪዱ ብረት ሓርነት ዓትዒቱ ይርከብ።ድሮ’ኳ ነቶም ንህዝቢ ኤርትራ ደም ዘንብዑ ዕሱባት ካብ ገጽ መሬት ክኣልዮም ጀሚሩ ኣሎ።

በዚ ኣጋጣሚ ኩሉ ደላይ ፍትሒ  ኣብ ጎድኒ ሰራዊት ሕድሪ ብምስላፍ  ኣብ’ዚ ተበጊሱ ዘሎ ቃልሲ ጸረ ምልኪ እጃሙ ከበርክት እዋናዊ ጻውዒትና ነቕርብ።

ሰብ ዝፈጠሮ ሽግር ፣ሰብ ኢዩ ፈትሖ’ሞ ፣ሽግር ህዝቢ ኤርትራ ብ ተሳትፎ  ህዝቢ ኤርትራ ኢዩ  ዝፍታሕ።እቲ ፍታሕ ድማ ሕጂ ኢዩ።

ዓወት ንሓፋሽ ብተግባር

ዘል ኣለማዊ ዝኽሪ ንሰማእታትና!!!!!!!!!!!’’

1