ኣብ ገማግም ሚድተራንያን ትርከብ ናይ ዞና ሊጉርያ ዋና ከተማ ዝኾነት ጆነቫ ኣብ ትበሃል ከተማ፡ናይቶም ኩሎም ኣብታ ከተማ ዚነብሩ ስደተናታት ህዝብታት ዓመት ዓመት ፌስትቫል ይካየድ‘ዩ።

እዚ ፌስትቫልዚ ባህላዊ ማለት ናይ ኣከዳድና፡ኣመጋግባ ( ኣሰራርሓ መግቢ ) ሙዚቃ፡ሳዕሳዒትን ካል ኦት ፍሉጣት ተጣበቕቲ መሰል ደቂ ሰባት፡ኣምንስት ኢንተርናሽል ……ካልእን ዚካፈልዎ፡ዘይፖለቲካዊ ፌስትቫል‘ዩ።

እዚ ፌስትቫልዚ ሎሚ ዓመት ካብ ዕለት 13′ዩ ጀሚሩ።ኣብዚ ፌስትቫልዚ፡ማሕበረሰብ ኤርትራ ካብ ቶም ቀዳሞት ማሕብረሰብ ክነሱ ኣብቲ ዝግብር ባህላዊ ይኹን ካልእ ምንቅስቃስ የብሉን።ሎሚ ዓመት ግን ብሓደ ኣብ ኤርትራ ኣብ ቤትምህርቲ ጢልያን መምህር ዝነበር ኢጣልያዊ ዝተጻሕፈት ( ISOLA DAHLAK ) ዘርእስታ ኣብቲ ፌስትቫል ናብ ህዝቢ ክትቀርብ ብገለ ግዱሳት ኢጣልያውያን ቀሪባ።ኣሰናደ ውቲ ከኣ ምስቲ ኣብ ሓንጎሎም ዘሎ ኤርትራ ዝብል ቃል ሃንጎፋይ ኢሎም ይቅበሉዋ።ነዚ ተረኽቦዚ ዝፈ ለጠ ወኪል ህግደፍ ከኣ፡ቦታ ክረክብ ኮራኹሩን ገለ ላንጋላንጋ ባህሪ ዘለዎም ሰባት ብምልኣኽ፡ኣምባሳደር ኤርትራ ኣብዚ ዝግበር ምልላይ መጽሓፍ ክሳተፍ ይደሊ‘ዩ ዝብል ሕቶ ኣቕሪቦም።ኣብዚ‘ውን ኣሰናደውቲ በቲ ጽቡቕ መንፈስ ተቀቢሎም፡ንዕለት 23/06 ቀዳማይን ዳሕራይን ብምግባር ኣብ ጋዜጣን ካልእን ክዝር ግሕዎ ጀሚሮም።

ነዚ ዘንበቡ ግዱሳት ዜጋታትን ብማሕበር ዝተጠርነፉ መናእሰያት ምሸት ሰዓት 5.00 ዝኽፈት ፌስ ትቫል፡ካብ ንጉሆ ጀሚሮም ምስቶም ኣሰናደውቲ ብምርካብ ነቐፈተኦም ገሊጾም።ምናልባት ኣይቅበሉናን ካብዝብል ምጥርጣር ከኣ፡ሓሊፎም ኣብቲ ከተማ ዝርከቡ ላዕለዎት ብምዃድ፡

ዘመደ ተኽለ፡

ኣብ ኤርትራ ዘሎ ብዘይ ቅዋም፡ብዘይ ፈራዲ፡ብዘይ ሓጋጊ ኣካል ን22 ዓመት ዝመርሕ ዘሎ ስርዓት፡

ኣብ ኤርትራ ናይ ግዜ ገደብ ዘይብሉ ኣገልግሎት ዘተኣታተወ ስርዓት፡

ብሰንኪ‘ዚ መናእሰያት ብባሕርን ብምድርን ዝስደዱላ ሃገር ዘሎ ስርዓት፡

ካብ 10 ሺሕ ክሳብ 30 ሺሕ ናይ ፖለቲካ እሱራት ጠበቓ ዘይብሎም ኣብ ቤትፍርዲ ዘይቀረቡ፡ስድራቤቶም ክርእይሉ ኣብዘይክእሉ ቦታታት ዘስፈረ ስርዓት፡

ብሰንኪዚ ብምግሃስ መሰል ደቂ ሰባት ቀዳማይ ደረጃ ተሰሪዑ ዘሎ ዲክታተሪያዊ ስርዓት ወካሊ‘ዩ።

ስለዚ ጸገም ህዝብን፡ስደትን ኣብ ኤርትራ መመሊሱ ክስስን ሃንዳሲ ናይዝኾነ ስርዓት ወካሊ ኣብ ዚ ዜጋታት ካብ ዝወርዶም ፖለቲካዊ ጸቕጥን፡ቁጠባዊ ጸገም ሓራ ንምዃ ን ዝተሰዱ ህዝብታት ዝገብሩዎ ፌስትቫል ናይ ክብሪ ዕድመ ክወሃቦ የብሉን።ዝብሉ ሕቶታት ብምቕራብ ዚኣኽሎም ቃልሲ ድሕሪ ምክ ያድ።ዕለት 15/06 ዘመደ ከምዘይመጽእ ጥርዓና ቅቡል ምዃኑ ካብ ኣሰናደውቲ ምላሽ ተዋሂቡ።

ከምቲ ዝተጸበናዮ ከኣ ዕለት 23/06 ደበኽ በለት።ዘመደ ኣይመጸን።ቀጺሉ፡ኣብ ቅድሚ ብዙሓት ብዛዕባ ኤርትራ ተገዳስነት ዘለዎም ዕዱማት ከኣ ደራሲ መጽሓፉ ኣላልዩ።ብዛዕባ መጽሓፍ ዚወጾ ዘይብሉ‘ዩ።

በዚ ኣገባብዚ፡ጀኖቫ ከም ሚላኖን ሮማን ተቓውሞ ከጋጥመኒ ኣይክእልን፡ስለዚ ምሉቕ ኢለ ኣያኡ ምእንቲ ክሕጎስ ፖለቲካ ከካይድ ዝመደቦ ፈሺሉ፡ብምግሃስ መሰል ናይ ዝውቀስ ስርዓት ወካሊ ኣብዚ ክረ ግጽ የብሉን፡ቅድሚ ኩሉ መልክዕ ፌስትቫልኩም ክድወን‘ዩ ኢሎም ብትብዓት ዚተቃወሙ ብታሕጓስ ርእሶ ም ክር ኣቢሎም ክወጹ ነዚ ግዕዙይ ስራሕ ዘዋደዱ ገለ ርእሶም ኣድኒኖም ከኸዱ ህግደፍ ኢና ዝብሉ ፍጹም ኣየተራእዩን።

ኣማስያኡ ምስቶም ኣሰናደውቲ ፌስትቫል ዝግበርናዮ ርክብ፡ብዛዕባ ኤርትራን ኩነታት ህዝቢ ኤርትራ ምንም ሃበረታ ከምዘይነበሮም፡ድሕሪ‘ቲ ሓበረታና ግን ምስ ዝለዓሉ ናይ መንግስቲ ብምርኻብ፡እቲ ኩነታት ካብቲ ንሕና ዝሓበርናዮም ዝኸፍ አ ምኳኑ ፈሊጦም፡” ንሕና ንጽቡቕ ኢልና ሰሪሕና፡ኣብቲ ንጽቡቕ ኢልና ዝሰራሕናዮ ተጠቂሞም ናብ ሕማቕ መንገዲ ወሲዶምና።ተቓውሞኹም ከይንጋገ ስለዝሃገዘና፡የቕንየልና ) ዚብል ስብርብር ዚበለ ድምጺ ኣስሚዖምና።ህግደፋውያን ኢዶም ከየንበሩ ክብለጽሉ ዝሓሰቡ ፌስትቫል ከኣ ብዙሃት ግዱሳትን ብወለንታ ዝሰርሑ ዘለዎ ስለዝኾነ፡ኩነታት ህዝቢ ኤርትራን ኣብ ኤርትራ እንታይ ዓይነይ ስርዓት ከምዘሎ ክፈልጡ በቒዖም።

ሓቂ ሒዙ ዚተበገሰ ከባቢኡ‘ውን ይተሓባበሮ‘ዩ ከምዝበሃል፡ካብ ዜሮን በብመዳዩ ብዘይውዱብ ኣገባብ ዚተበገሰ ናይ ሳልስቲ ተቃውሞ ሓቂ ሒዙ ስለዝተበገሰ፡ነቲ ብወርሑ ተጸኒዑ ዝተዳለወ ጸፊዑ ሰዲዱዎ።

በዚ ኣጋጣሚዚ ኣቶ ዘመደ ተኽለ እሞ ናቱ እኹል ናይ ምዕራብ ዲሞክራስን ሕይወትን ኣጸቢቑ ዘስተማቐረን ዚፈልጥ ስለዚኾነ፡ወኪል ህግደፍ ኮይኑ ንበዳሊ ካብ ምግልጋል፡ምእንቲ‘ቲ፡ዲሞክራሲ ተነፊጉዎ ዘሎ ህዝቢ፡ምእንቲ‘ቶም ፍትሒ ተነፊጉዎም ዘለዎ ሰባት ክቀውም፡ቀጺሉ ከኣ ልክዕ ከምቲ ሰንበት ዕለት 23 ዝተዓዘብናዮ ንገለ ቅኑዓት ንገለ ከኣ በደለኛታት ብምቑጻር ኣብ መንጎ ኤርትራውያን ዝገብሮ ምፍልላይ ምግጫውን ከቋርጽ ንምሕጸን።

ቅሳነትን ራህዋን ንህዝቢ ኤርትራ፡

ተወልደመድህን

26/06/2013