ዝሓለፈት 14 ጥቅምቲ 2013 ካብ ሰዓታት ድሕሪ ቀትሪ ጀሚሩ ን ኣስታት 450 ሰብ ዝኾኑ ወዲ ቫካሮ ዕዉት ናይ ሓድነት ሰሚናር ኣካይዱ።

እዚ ከም መቐጸልታ ናይቲ ኣብ ልዕሊ ዓሰርተ ከተማታት ሕቡራት መንግስታት ኣመሪካን ካናዳን ዘካየዶ ሰሚናር ዝሕሰብ ኣኼባ ደለይቲ ለውጢ ኣብ ከተማ ስቶክሆልም፡ ህዝቢ ንድሕነቱን ድሕነት ሃገሩን ክብል ዘለዎ ጸበብቲ ናይ ውድባውን ፖለቲካውን ፍልልያት ኣወጊዱ ብሓደ ሰሚሩ ንስርዓት ህግደፍ ብምእላይ ቅዋማዊ መንግስቲ ክተክል ጸዊዑ። ዓበይቲ ንመንእሰያት ጽላል ክኾንዎምን መንእሰያት ድማ ልክዕ ከምቶም ኣብ ካልኦት ሃገራት ዝርከቡ መዘናታቶም ኣብ ማእከሎም ዘሎ ዘይጠቅም ፍልልያት ኣወጊዶም መሪሕ ተራ ንለውጢ ክጻወቱን ብሓቂ ክውፈዩን ኣዘኻኺሩ። ከተማ ስቶክሆልም ሓንቲ ካብተን ስርዓት ህግደፍ ከም ናይ ኤውሮጳ ደጀን ክጥቀመላ ዝጸንሐ ከተማ ምንባራ ዘይርሳዕ ኮይኑ ደለይቲ ለውጢ ካብ ግዜ ናብ ግዜ ብዝሖም  ብቅልጡፍ ናህሪ አንዳ ሰጎመን እንዳ ሰሰነን ይኸይድ ምስ ምህላው ደገፍቲ ህግደፍ ከምቲ ዝድለ ዝለመድዎ ናይ ፈንጠዝያን ጓይላን መድረኾም ክፈሽል ጀሚሩ ኣሎ። ሓደ ናይዚ ኣብነት ድማ ነቲ ጀነራል ስብሓት ኤፍረም ኣብታ ከተማ ብሚስጢር  ንደግፍቲ ህግደፍ ኣብ ዘካይዶ ዝነበረ ኣደራሽ ድንገት ብምኻድ እቲ ሚስጢራዊ ኣኼባ  ከም ዝፈሽል ምግባሮምን ዝርሳዕ ኣይኮነን።

ኣብቲ ሰሚናር ዝተረኽቡ ልዕሊ ፍርቂ ዝኾኑ ኤርትራውያን ካብ ርሑቕ ከተማታት ናይ ኣስታት ሰለስተ ሰዓትዝኸውን መንገዲ ተጓዒዞም ከም ዝተረኽቡን ኣብዚ ሓጺር እዋን ድማ ወዲ ቫካሮ ዳግማይ ናብታ ከተማ ተመሊሱ ሰፊሕ ሰሚናር ከም ዘካይድን  ነዚ ዝካየድ ዘሎ ዘመተ ዲሞክራሲያዊ ለውጥን ምትሕብባር ኤርትራውያንን ክቕጽል ምእንቲ ምስ ዝተፈላለዩ ጸለዉቲ ኣካላት ና ሃገር ሽወደን ክራኸብ ውጥን ከምዘለዎ ኣብቲ ኣጋጣሚ ሓቢሩ። መርኣያ ናቱ ድማ ሎሚ ዕለት 16 ጥቅምቲ 2013 ኣብ ሰዓታት ድሕሪ ቀትሪ ምስ ባይቶ ሽወደን ርክብ ኣካይዱ።

ውድቀት ንምልካዊ ስርዓት

ዝኽረን ክብርን ንሰማእታትና

ዓወት ን ውጹዕ ህዝቢ

ኣዳላዊት ሽማግለ ቫካሮ ኮንፈረንስ ስቶክሆሎም