Visit the new AsenaTv Website

https://asenatv.com

ክብሪ ወዲ ዓሊ!

ክብሪ ወዲ ዓሊ! ብስርሒት ፈርቶ ናይ ሓርነት ቡቕሊ ከደይብ ከውርድ ነገራት ከለሊ ሰለም ኣቢሉኒ ሓሊመ ትማሊ፡ ከውታ ከሎ እዋን ዝሓዘለ ጠሊ መጐስ ናይቲ ስውእ ክብሪ ወዲ ዓሊ ብርሃን ደጒሑኒ ወሪዱ ካብ ላዕሊ! ዓይነይ ብኽዱኑ እዛ ርእሰይ ኣቕኒዐ እዝነይ ተጸለኹ ገለ እንተ ሰምዐ ዓው

ክብሪ ወዲ ዓሊ!

ብስርሒት ፈርቶ ናይ ሓርነት ቡቕሊ
ከደይብ ከውርድ ነገራት ከለሊ
ሰለም ኣቢሉኒ ሓሊመ ትማሊ፡
ከውታ ከሎ እዋን ዝሓዘለ ጠሊ
መጐስ ናይቲ ስውእ ክብሪ ወዲ ዓሊ
ብርሃን ደጒሑኒ ወሪዱ ካብ ላዕሊ!

ዓይነይ ብኽዱኑ እዛ ርእሰይ ኣቕኒዐ
እዝነይ ተጸለኹ ገለ እንተ ሰምዐ
ዓው ዝበለ ድምጺ ናይ ነድሪ ቁጠዐ
ንጹር ዝመልእኽቱ ዘይብሉ *ልዕላዐ *ወልእታእ፡ ጋእጋእታ
ልበይ ኣሰምቢዱ ዳንኬራ እናውቐዐ
“ኣስተውዕል!” ኢሉኒ ደም እናነበዐ!

እቲ ቆራሪ ንፋስ ዛዕዛዕታ ምስ ጠሊ
ኣንጠልጢሉ ከሎ ዝሓዘሎ ኣውሊ
ሙቖት ፈጢሩለይ ናይ ጸዳሉ ሓይሊ
ልሳነይ ለኺቱ ከይልምን ከይጽሊ
እናተጣራዕኩ ተሸሚመ ኣብ *ወይሊ *ልቕሶ
“ኣይትፍራህ!” ኢሉኒ *ማእዘሩ ካብ ላዕሊ! *ጸዳሉ

“ጽን ኢልካ ስምዓኒ ሓጻር’ያ መልእኽተይ
ኣብ ቃልሲ ዘለዉ ንኹሎም ብጾተይ
ኣይትሕዘኑ በሎም ብኽቡር መስዋእተይ
ምስቶም ኣቐዲሞም ዝሓለፉ ኣሕዋተይ
ተራኺበ ኣለኹ ከብጽሕ መልእኽተይ!

እንተ እቶም ዕሱባት ናይቲ ዕቡድ በትሪ
ለበዋ ስውኣት ዝጠለሙ ሕድሪ
ሃገር እናጽነቱ ብለይቲ ብቐትሪ
ክንደይ ከይጸንሑ ብዓመጽ ኣብ ምድሪ
ቁጠዐ ሰማእታት ገንፊሉ ኣሎ ነድሪ
ጸላም ከውግሕ’ዩ ህዝባዊ *መሰሪ!” *ተጣባቢ፡ ብልሓተኛ፡ ዘይእግሞ

እዚ ምስ በለኒ ከብጽሕ መልእኽቱ
ንጉሰይ ከይብሎ ኣፈይ ተለኺቱ
ብኒሑን ንያቱን ቀልበይ ተዘሚቱ
ባና እናረኣኹ ዓይነይ ብዕሙቱ
ክምጉስ ጀሚረ ንኽቡር መስዋእቱ!

ሕድሪ ኢሉኒ ጅግና መልእኽቱ ወዲኡ
ድምጹ እናተሸርበ ዘይሃስስ ቃናኡ
ልበይ ተተንኪፉ በቲ ቁጠዐኡ
ኣዕምዩቐ ከስተንትን ክሓስብ ብእኡ
ሰለም ኣየበልኩን ደጊሙ ድሕሪኡ!

ሕልናይ ከይክሰስ ብቓል ስውኣትና
ሕድሪ ንኽፍጽም ኣነ ብቕንዕና
ተበጊሰ ኣለኹ ንድሕነት ሃገርና
መቃልሕ ሓርነት ወጋሕታ ሳሊና
ኣንቲ ድምጺ ውጹዕ ህዝባዊት ኣሰና
ነዚ ረዚን ሕድሪ ለበዋ እቲ ጅግና
ሓደራ ኣብጽሓለይ ናብ ሓፋሽ ህዝብና
ኩልና ክንቀስን ግቡእና ፈጺምና!

ጽንዓት ንስድራቤት ሓርበኛ ጅግና ስውእ ወዲ ዓሊን ንኹሎም ደለይቲ ለውጢን!

ብውድቀት ጠላማት፡ ክወግሕ’ዩ ጸልማት!

ካብ ሓውኹም መሲናስ 02-02-2013

aseye.asena@gmail.com

Review overview
9 COMMENTS
  • yonas February 3, 2013

    jgna aynebrn eyu tariku eyu znebr kbrn mogesn n swue wedi ali n jeganu deleyti lewti hayltat mklkal eritrea

  • MacMan February 3, 2013

    Selam,

    An earlier note on Wedi Ali and his heroic friends who spoke from Forto Asmara loud and clear :

    There is not much left to say in Eritrean politics for most of the things that matter to the Eritrean people have been said. The Diaspora Eritrean opposition to DIA’s despotic rule in Eritrea has said much but did little than talk for or against one another. The story of Wedi Ali and his friends in Forto Asmara is the the story of the straw that broke the Eritean camel’s back as it is written both in ink and blood and not just words that many may soon forget.

    The Asmara Eritrean Army revolt has clearly and boldly told DIA and his regime to relinquish power to the Eritrea people and set them free to govern themselves under the rule of law. DIA and his bestial PFDJ regime have been challenged right form the heights of Asmara to end their barbaric rule of the jungle in Eritrea and implement the supreme law of the land loud and clear. Heroes like Wedi Ali are what legends are made of and may his soul and the souls of others that may have been martyred with him in defense of their people against tyranny rest in peace.

    When men stand for justice to be done with courage, you get men like Wedi Ali who talk the talk and walk the walk even if it means giving their life along the way so that justice is done for others. These are indeed a rare breed of men and found far and in between. May the torch of liberty they have lit burn larger and brighter all over Eritrea and set its people free to establish their own government and live their God given lives in peace.

    Peace.

  • berhe February 3, 2013

    Very touching poem! Zikri nisemaetatna!

  • Rafi February 3, 2013

    Hamd Edris Awate Shig Natinet
    Wedi Ali Shig Harnet

  • Asgedom Abraham February 3, 2013

    Wedi Ali took hostages ,including Eritrean Akelinos, in the heart of Eritrea. He made a very serious mistake.

  • Semhar February 4, 2013

    Isayas is a mad dog. He is a murderer. He will be beaten to death. He will die like a mad dog just like his buddy Gaddafi?

  • Semhar February 4, 2013

    Thank you Wedi Ali and all your friends who tried to liberate our land and our people.
    May God bless you and all our people who participated on the heroic and historical Operation Forto!
    Thank you for paving the way for freedom. Thank you for lighting the torch.
    Let freedom ring in Eritrea!
    The Eritrean Liberation Flag will rise up again!
    Eritrea will be the land of the free and the home of the brave!!

  • Semhar February 4, 2013

    ብዕራይ ናብ ዘበለ የብል ዕርፊ ኣጽንዕ ኢዩ’ሞ: ኣጆኹም ደቀይን ደቂ-ደቀይን ጀጋኑ መንእሰያትና።
ኩላትና ብሓበራ ኢደይ-ኢድካ ኢልና ነዚ መንነትና ዘዋረደን ንኤርትራ ዘብርስ ዘሎን ኣረሜን፣ ናብቲ ቀዳሞት ኣያታቱ በዓል ሳዳምን ቃዛፊን ዝኣተዉዋ ናይ ዘለኣለም መዓልብኡ ጋህሲ ንደርብዮ። ኣብ ታሪኽ ከም ዝረኣናዮን ዝሰማዕናዮን ውልቀ-ምልካውያን መራሕቲ ብዘይካ ብክፉእ ብጽቡቕ ኣማውታ እግዚኣብሄር ክሞቱ ኣይተራእዩን። ሞት ገበነኛ ኢሰያስ እውን ከም ኣማውታ ኣያታቱ ነዊሕ ዝጸንሕ ኣይኮነን። እዚ ዓመት’ዚ ጸላኢና ዓንዩ ህዝብና ነናብ ገዝኡ ዝኣትወሉ ዓመት ከም ዝኸውን ሙሉእ ዘይጉዱል እምነት ኣሎኒ።
    ዘለኣለማዊ ዝኽሪ ንስዉኣትና
    ዕድመን ጥዕናን ንደቂ ኤርትራ
    ዓወትንህዝቢኤርትራ።

  • Awet Sewra February 4, 2013

    ኣጆኹም መንእሰያት ኤርትራ ብሓበራ ኢደይ-ኢድካ ንበል :
    ሞት ገበነኛ ኢሰያስ እውን ከም ኣማውታ ኣያታቱ ነዊሕ ዝጸንሕ ኣይኮነን:

    ጽንዓት ንስድራቤት ሓርበኛ ጅግና ስውእ ወዲ ዓሊን ንኹሎም ደለይቲ ለውጢን!
    ዘለኣለማዊ ዝኽሪ ንስዉኣትና
    ዓወትንህዝቢኤርትራ።

    ካብ ሓውኹም ዓወት ሰዉራ (2013-02-04)

POST A COMMENT