Visit the new AsenaTv Website

https://asenatv.com

ክልተ ሞት!! – ናይዝጊ፡ ናይ-ሰብ ዘይኮንካ ‘ሞ ከመይ ኢልካ እዩ ናይ-እዝጊ ዝኽወኖ?

ካልኣይ ህይወት ከምዘሎ ዝኣምኑ ሰባት ኣለዉ። ክዉንነት እምነቶም ብዘየገድስ፡ ትምኒቶም ኣብ መንግስተ ሰማያት ክሰምረሎም እንተኾይኑ፡ ኣብቲ ዝቐደመ ምድራዊ ህይወቶም ዘጽድቕ ተግባራት ክፍጽሙ ከምዘለዎም ሞራላዊ መሪሕ ስለዝኾኖም፡ ሰናይ ትምኒቶም ካብ ገዛእ-ርእሶም ሓሊፉ ንሕብረተሰብ ‘ውን ጠቓሚ እዩ።

ካልኣይ ህይወት ከምዘሎ ዝኣምኑ ሰባት ኣለዉ። ክዉንነት እምነቶም ብዘየገድስ፡ ትምኒቶም ኣብ መንግስተ ሰማያት ክሰምረሎም እንተኾይኑ፡ ኣብቲ ዝቐደመ ምድራዊ ህይወቶም ዘጽድቕ ተግባራት ክፍጽሙ ከምዘለዎም ሞራላዊ መሪሕ ስለዝኾኖም፡ ሰናይ ትምኒቶም ካብ ገዛእ-ርእሶም ሓሊፉ ንሕብረተሰብ ‘ውን ጠቓሚ እዩ። ስለዚ፡ ኣብ ገነት ከሕልፉዎ ዘለዎም ተስፋ ካልኣይ ህይወት ክሰምረሎም ጽቡቕ ድሌት እናገለጽካ፡ ነቲ ኣብ ቀዳማይ ህይወቶም ንሰላምን ቅሳነትን ዘለዎም ኣበርክቶ ካብ ምውዳስ ሓሊፍካ፡ ብዛዕባ ሓቅነት ሕልሞም ምምጓት ትርጉም የብሉን። ወዮ ኳ በዚሖም!

በንጻሩ፡ ነቲ ተራ ቀዳማይ ህይወት ከይረኸቡ፡ ክልተ ሳዕ ዝሞቱ ሰባት ኣለዉ። እዞም ሰይጣን ዝሰረሮም እኩያት ሰባት እዚኣቶም፡ ብደምን ገበንን ተቛማጢዖም መሰል ሰላማዊ ህይወት ውልቀሰባትን ህዝብን ብምዝራጎም ሞቶም ገና ብህይወቶም ከለዉ እዩ ዝጅምር። ናቶም’ሲ ዋጋ ኢዶም ምተባህለ፡ ኣብቶም ዝወረዶም ቤተሰቦም ዝገድፉዎ ሓዘንን ጓህን ግን ዝጽወር ኣይኮነን። ሓደ ካብዞም ግዳያት ናይ ከምዚ ዝኣመሰለ ድርብ ሞት፡ ናይቲ ቅድሚ ሰለስተ ሰሙን ዝዓረፈ ኣቶ ናይዝጊ ክፍሉ እዩ።

ናይዝጊ፡ ፈለማ በቲ እኩይ ኢሳይያስ እዩ ተቐቲሉ፡ ንኻልኣይ ግዜ ድማ ብኣምላኽ ሞይቱ። ከምቲ ቅድም ዝበልናዮ፡ እቶም ዝጸድቁ ጥራይ ኣይኮኑን ንሞሳ ጽቡቕ ተግባሮም ኣብ ሰማይ ዝጽበዩዎ፡ እቲ ኣድራሻ ሓጢኣን ዝኾነ ግሃነብ ‘ውን ኣድራሻኡ ኣብኡ እዩ። ኣምላኽ ግን፡ ንናይዝጊ ከይሞተ እዩ ክቐጽዖ ጀሚሩ። ብኣርባዕተ ዝዛኣረዩ ሕማማት ብጽኑዕ ተታሒዙ ሽዱሽተ ዓመት ከምዝተሳቐየ እዩ ዝንገረሉ። ንሰብ መቸም፡ ዋላ ብገበናቱ ኣመና እንተጸላእካዮ፡ ፍርዲ እምበር ሞት ኣይትምነየሉን ኢኻ። እንተኾነ፡ ነቶም ናይዝጊ ኣብ ክንዲ ኢሳይያስ ዘየናሕሰየሎም፡ ብጭካኒኡ ከምዝተሳቐዩ ዝንገረሎም ግዳያት ነዚ እምነት’ዚ ክንሰቝረሎም ኣይንኽእልን ኢና። ንፍርዲ ናይቲ ሕሹኽታ ኣውያት ግዳያት ሰሚዑ፡ “ናይሰብ ዘይኮንካ ናይዝጊ ክትከውን ኣይትኽእልን ኢኻ” ዝበሎ ኣቦይዝጊ ‘ውን ካብ ምቕባል ሓሊፍና እንብሎ የብልናን።

ናይ ኣምላኽ ንኣምላኽ ገዲፍና፡ ክንምርምሮ ዝግባእ ሓደ ጉዳይ ግን፡ ነቲ ኣብ መንጎ መላኺ ኢሳይያስ ኣፈወርቅን ናይዝጊ ክፍሉን ዝነበረ፡ ናይ ጎይታን ጊላን ገበናዊ ዕርክነት እዩ። ኩሉ’ቲ ናይዝጊ ኣብ ልዕሊ ንጹሃት ሰባት ፈጺሙዎ ተባሂሉ ዝምረረሉ ጭካኔን ገበናትን፡ ብትእዛዝ ኢሳይያስ ወይ ድማ ኢሳይያስ ከምዝፈትወሉ ገሚቱ ዝፈጸሞ እዩ። ስለዚ፡ ካብ ናይዝጊ ንላዕሊ ሓላፍነት ናይቲ ገበን ዝስከምን ዝሕተተሉን ኢሳይያስ እዩ። ነዚ ተገንዚቡ ድማ ኢዩ ኢሳይያስ፡ ነቲ ኢዱ ደም ዝተጸየቐሉ ጊላ፡ ከም ኣመሉ ጠሊሙ፡ ኣብ ለንደን ምስ ሞተ ሬስኡ ናብ ኣስመራ ከይኣቱ ክሳብ’ዛ ሰዓት እዚኣ ከልኪሉዎ ዝርከብ። ኢሳይያስ፡ ሞቱ ኣብቲ መጋበርያኡ ዝኾነ ማዕከናት ዜናኡ ከይውረ ‘ውን ክሳብ ሕጂ ኣጊዱዎ ሎ። ውልቀመላኺ ኢሳይያስ፡ ካብ ስልጣኑ ዝቐረብ ዓርኪ ይኹን በተሰብ የብሉን። እዚ ድማ፡ ሞት ናይዝጊ፡ ኣብዚ ካብ ዝኾነ ነገር ኣብሊጹ ዝፈትዎ ስልጣን ክህልዎ ንዝኽእል ኣሉታዊ ጽልዋ ኣብ ግምት ብምእታው ዝወስዶ ዘሎ ተንኮለኛ ስጉምቲ እዩ። ሞት ናይዝጊ ኣብ ዜና ኣብ ዝውረየሉ፡ ሞት ናይዝጊ ሓመድ ኣዳም ኣብ ዝለብሰሉ ግዜ፡ መረረኡ ህዝባዊ ኣጀንዳ ሰማዕትን እኩባት ቀባሮን ስለዝኸውን፡ እሞ ድማ ስም ኢሳይያስን ገበናቱን ማዕረማዕሪኡ ክጥቀስ ስለዝኾነ’ዩ ኢሳይያስ፡ ሬስኡ ኣብ ለንደን ዓጊቱ ሞቱ ከረሳስዕ ድኹም ሜላ ዝፈታትን ዘሎ። ኣብ ሕብረተሰብና ሞት ረዚን እዩ፡ ብፍላይ ንቤተሰብ። ይኹን’ምበር፡ ነቶም ኣብ እዋን ሕማሙ ንዓመታት ክናብዩዎ ዝጸንሑ ቤተሰብ ካብ ሞቱ ንላዕሊ ከፊኡዎም ዘሎ፡ ነቲ ብህዝቢ ዝምረር ዘሎ ስጋኦም፡ ብኢሳይያስ ኣጋጢሙዎ ዘሎ ንኣዳም-ገረሞ ጥልመት ኢሳይያስ እዩ። ሰብ፡ ንኮንዶም ኳ ተጠቒሙ ቆልዑ ከይጻወቱሉ ይቐብሮ፡ ይኽውሎ እዩ። እቲ ኢሳይያስ ንብሕትውና ስልጣኑ ዝተጠቕመሉ ናይዝጊ ግን፡ መቓብር ሓርበኛታትስ ይትረፍ፡ ሓመድ ድበ ዓደቦኡ ‘ውን ጨኒቑዎ ይርከብ ኣሎ። ንሞት ናይዝጊ ኣብዚ እዋን’ዚ ነልዕሎ ዘለና ድማ፡ ገበናቱ ክንጽብጽብ ዘይኮነ፡ ካልኦት መጋበርያ ስርዓት ኢሳይያስ ኮይኖም ኣብ ገበናት ዝቋማጥዑ ዘለዉ ኤርትራውያን ሰበስልጣን ይኹኑ ውልቀሰባት ካብዚ ፈጣጥ ሓቂ’ዚ ክመሃሩ መታን እዩ።

ብፍላይ ነቶም ንእኩይ ባህርያት ኢሳይያስ ካብ ማንም ንላዕሊ ዝፈልጡዎ ላዕለዎት ሰበስልጣን ስርዓት ህግደፍ፡ እዚ ናይ ናይዝጊ ክፍሉ ኩነታት ቀዳማይ ትምህርቲ ኣይኮነን። ሕስረት ናይዝጊ ንዓኣቶም ከምቲ ኣብ ኣጋ ፈተና ዝወሃብ መዘኻኸሪ፡ ድግማ እዩ። ከም ውዮ ሓደ ጽሓፋይ ቅድሚ 10 ዓመት ኣቢሉ ኣብ ዘቕረቦ ንኢሳይያስ ዘዋርድ ተኸታታሊ ጽሑፍ ዝጠቐሶ፡ “ኢሳይያስ ሓዊ እዩ፡ እንተቐረብካዮ መመሊሱ እዩ ዘንድደካ”። ግኒ ኢሳይያስ ግን ብዝነደደ ሬሳ ‘ውን ዝዕገስ ኣይኮነን፡ መወሰኽታ ኣለዎ። ታሪኽ ኣፍ ዘይብሎም ምውታን ምብልሻው፡ ምስ ሬሳ ምብኣስ ስርሑ እዩ። ኣብ ሜዳን መጀመርያ ናጽነትን ኣብ ቤትጽሕፈ ኢሳይያስ ዝሰርሕ ዝነበረ ገዲም ሓርበኛ ተጋዳላይ ዓብደላ ዳውድ ንኣብነት፡ ነብሱ ከምዝቐተለ ንህዝቢ ንምእማን “ኣልኮሊዛቶ ገባእኩ” ዝብል ናይ ኑዛዜ ተዋስኦ ምሂዙ፡ ብድሕሪኡ ህይወቱ ኣብ ማዕከናት ዜና ከውርየሉ ሰሚዕና ኢና። ንሓደ ካብ ቀንዲ ዲፕሎማሰኛታት ኤርትራ ዝነበረ ተጋዳላይ ዓንደሚካኤል ካሕሳይ ከኣ “ካብ ኣስካላ ጸዲፉ ብድንገት ሞይቱ” ኢሉ፡ ከምቶም ካልኦት ዘይተመርመሩ ኣጠራጠርቲ ጥፍኣታት ብኽልተ መስመር ሻባይት ሸፊኑዎ ክሓልፍ ኣብ ዝፈተነሉ ግዜ፡ ከም ብዓል ዓሊ ዓብዱ ብዝኣመሰሉ መሓዮታቱ ኣቢሉ፡ “ዋጋ መዓስ ነይሩዎ፡ ሰኽራም ‘ዩ፡ ኣብ ስሪኡ ክሸይን እንድዩ ጀሚሩ ነይሩ” ወዘተረፈ እናበለ ነቲ ብጅግንነት ዝተጋደለ ዕሉም ሓይሊ ኣየር ዝነበረ ኳዕናን ሰብኣይ ናይ ምንእኣስ ወፍራ ፈንዩሉ ነይሩ። ይኹን ኣይኹን መቸም፡ ካብቲ ናይ ዓንደሚካኤል እኪታት ኢሳይያስ ብዘስዓቦ ብስጭትን ተስፋ ምቕራጽን ኮይኑ ዝበሉና ኣብ ገዛእ ስሬኻ ምሻን፡ እቲ ጽጋብን ስኽራንን ዒፍ ዝበሎ ኢሳይያስ ኣብ ነፍሲ እንዳማቱ ዝኽዕዎ ዘሎ ሽንቲ ኣጸቢቑ ይኸፍእ። ብዝኾነ ኢሳይያስን ተለኣኣኽቱን፡ ነገር ሸፊንካ ምሕላፍ፡ ነቲ ጥርጠራ መሊሱ ከግድዶ ከምዝኽእል ስለዝተገንዘቡ ግምጥል ኢሎም፡ ንቐብሩ ከወዓውዑዎን ወግዓዊ ከምስሉዎን ተራእዮም። ሞቱ ኣብ ውሽጢ ኤርትራ ስለዝነበረ ቀብሪ ስለዘይተርፎ ኣማራጺ ‘ውን ኣይነበሮምን።

ናይዝጊ ክፍሉ ካብ ዝመውት ሰለስተ ሰሙን ገይሩ፡ ብሰንኪ እገዳ ሬሳኡ ብኢሳይያስ ንመብጽሒ ሬሳ ዝተቖርጸ ናይ ኣየር ትኬት ሓሪሩ፡ ናብ መስንሒ ሬሳ ተመሊሱ ስለዘሎ፡ ጥልመታዊ ግብረመልሲ ኢሳይያስ ድሮ ተጋሂዱ ኣሎ። ሕጂ ኣብ ኤርትራ ዘይምቕባሩ ዝኸፍኤ ትሒምሒም ከየምጽኣሎም እንተሰጊኦም ጥራይ እዮም ህግደፍ ንሬስኡ ናብ ዓዲ ክኸይድ ዘፍቅዱሉ። ንስጉምቶም ከመኽንዩ፡ ከምቲ ናይ ዓብደላ ዳውድን ዓንደሚካኤልን ብኣብነት ዝጠቐስናዮ፡ “ገንዘብ ሰሪቑ ነይሩ፡ ብመንግስቲ ዝድለ ዝነበረ ገበነኛ እዩ” ኢሎም፡ በቶም ከይተመራመሩ፡ ዝተዋህቦም ጾር-ወረ ጎሲሶም ገዛ ገዛ ዘበጻጽሑ ደገፍቶም ዘመተ ከካይዱሉ ምዃኖም ድማ ፍሉጥ እዩ። ድሮ ‘ኳ ገጽ ኢሳይያስን ናይቲ ኣብ ሳሕል ንዘስክዖ መኸተ ኣብ ለንደን “መኸተ” ክብል ሰብ ኣጽሚሙ ዘሎ፡ ንበራኽን ቢተወደድን ከይተረፈ ዝጠለመ፡ መጋበርያ ልኡኽ ሰይጣን ዝኾነ ኣምባሳደሩን ርእዮም፡ እግሮም ካብ ምብጻሕ ክስሕቡ ጀሚሮም ከምዘለዉ ‘ውን ይስማዕ ኣሎ።

ንደለይቲ ፍትሒ፡ ካብ ሃለዋት ሬሳ ናይቲ ታሪኽ ተወፋይነቱ ንናጽነት ኤርትራ ኮሊፉ ዋና መሳርሒ ወፍሪ ጽሕያ ንጹሃን ኤርትራውያን ምዃን ዝመረጸ ናይዝጊ፡ ዛንታ ናይቲ ስለ ህዝቡ ኣብ ኤርትራ ብወለንታ ምግዳሉ፡ ኣብ ካናዳ፡ ጠንቂ መንፈግቲ ዑቕባኡ ኮይኑዎ፡ ናብ ኤርትራ ካብ ዝምለስ ህይወተይ ምሕላፍ ይሕሸኒ ኢሉ ኣብ በረድ ሃሊፋክስ ዝተሓንቀ ሃብቶም ክብረኣብ እዩ ዘገድሶምን ዘንብዖምን። እወ እቲ መሪር ዛንታ ናይቲ፡ ብተግባራት’ቶም ኣብ ገድሊ ንእስነቱ መጽዮም፡ ኣብ ናጽነት ናብ ስደት ሃጽ ዘበሉዎ ኢሳያስን ናይዝግን ኣስካሕኪሑ፡ ምስ ሬስኡ ምቅላስ ‘ውን ከምዘይሓድጉ ተገንዚቡ፡ ኣብ ቅንጣብ ወረቐት፡ “ሬሳይ ናብ ኤርትራ ከይትመልሱዎ፡ ሓዊ ኣቃጽሉዎ” ክብል ንስድራቤቱ ለበዋ ዝገደፈ መንእሰይ ተጋዳላይ!

ኣብ ሳንዱቕ ሬሳ ኣትዩ ናብ ኤርትራ ዝነቐለ ናይዝጊ፡ ናብ መጽንሒ ሬሳ ተመሊሱ ኣብ ፍሪጅ ክቕመጥ ከሎ፡ ንቤተሰቡ መሪር ምዃኑ ርዱእ እዩ። ኣብ ክንዲ ከም ናይ ናይዝጊ ክልተ ሞት፡ ሓደ ሞት ይግበረሎም። ነቲ ብህይወቱ ዝተቐጽዐ ናይዝጊ ብቐንዱ ግን መለሳ የብሉን፡ ኣይክፍለጦን እዩ። ህግደፍ ምስ ሬሳ ብምቅላሱ፡ ኣሬሜንነቱ ጥራይ እዩ መሊሱ ዘቃልዕ ዘሎ። ኪኖ ዝኾነ ይኹን ወገን ነዚ ምረት’ዚ ክካፈሉዎ ዘለዎም እምብኣር፡ እቶም ተመሳሳሊ ዕጫ ዝጽበዮም ዘሎ፡ ኣብ ክንዲ ኢሳይያስ ኢዶም ደም ምጽያቕ ስኽፍ ዘይብሎም፡ ኣብ ልዕሊ ኣሕዋቶምን ደቂ ዓዶምን ገበን ዝፍጽሙ ዘለዉ፡ ንሃብቶምን ዓሰርተታት ኣሽሓት ካልኦት ኤርትራውያንን ኣብ ዓድን ግዳምን ዘበሳብሱ፡ ሽዩጣት ሕልና እዮም። ስለ ህዝብኻ ሞት ዕረፍቲ፡ ኣብ ገበናዊ ኣገልግሎት ከም ብዓል ኢሳይያስ ዝኣመሰሉ ዓመጽትን ቀተልትን ሞት ግን ዋላ ድሕሪ ህይወት ዕረፍቲ ዝኸልእ ሞት ከልቢ እዩ። እዞም ታኒካ ናይቲ ሰታዪ ደም ዝኾነ ኢሳይያስ ብምዃን ብተግባሮም እናባህረሩ ዝነብሩ ዘለዉ ነብሰገዳያት እምብኣር፡ መዓልቲ ሕስረቶም ከይኣኸለት፡ ነብሶም ኣንጺሆም ንህዝቦም ጽሩይ ማይ ከስትዩ ክቀዳደሙ ኣለዎም። ዘይወግሕ ለይቲ የልቦን’ሞ፡ ጽባሕ መሬት ብብርሃኑ ከይጽልምቶም ዓይኖም ከንቁሑ ኣእምሮኦም ከንቅሑ፡ ልብን ሕልናን ክገብሩ ይግባእ።

ምልኪ ይፍረስ ሕጊ ይንገስ!!

ኣማኑኤል ኢያሱ

20 ለካቲት 2012

aseye.asena@gmail.com

Review overview
77 COMMENTS
  • Sam February 21, 2012

    To HGDF & Hagos
    I have all the respect to all your comments while your coments are in its respected position will bury you alive with HIGDF, ISAYAS & you two will serve them in hell since your that stupid any body that stupid doesn’t deserve life, sorry I didn’t mention Nizgy because I am not sure where he is going to be buried or if he is ever going to be buried for all I care burn the devile.
    waiting for ISAYAS AGAME death

  • hgdef mealta akilu February 21, 2012

    ወየ—ወየ—-ወየ—ወየ
    ከመይ ሓዲርካ ናይዝጊ ክፍሉ
    መፍተት ኮንካ መፍተት ጎሓላሉ
    ነርካ እንዲኻ ዚበሉዎ ተዳሉ
    ነርካ እንዲኻ አብቲ ክፉእ ዚአልምሉ
    ሕጂ ዳአ እንታይ ገርካና እዮም ዝብሉ
    ታሪክካ ታሪክ ኤረትራውያን አይኩን ጸይቂ እንዳአሉ

    ወየ—ወየ—ወየ–ወየ
    ናይዝጊ ኪፍሉ ከመይ ዊዒልካ
    ንበዓል አብራሃም ሓውኻ አይመዓድካዮምን ዲኻ
    ተማሂሮም ዶ ይኾኑ ካባኻ
    ይፈልጡ ዶ ይኾኑ እስፖናቶ ምስ ኮንካ ከም ዚጎሓፉካኻ
    ሕሹኽ በሎም ንሶም ድማ ከይጎሓፉ ከማኻ

  • hgdef mealta akilu February 21, 2012

    ወየ—ወየ—ወየ—ወየ—
    ናይዝጊ ሓወይ ረሳኻ ንዓዲ ኣይኣቱን ተባሂሉ
    አብ LEEDS ዝርከቡ ይሕዋትካ ዳአ እንታይ በሉ
    አብ LONDON ዝርከቡ አሕዋትካን ደቂኻን ከ እንታይ በሉ
    ይጉህዩ ዶ ወይስ ሓቂኩም ኪአቲ የብሉን ይብሉ
    ማስካ ወሪዱካ ማስካ እቶም ጀጋኑ
    ብሰንክኻ አብ ኤርትራ መጻኢኦም ዝሰኣኑ

    ወየ—ወየ—ወየ—ወየ
    ኣንታ ናይገለ ሕውነትስ ቀሊል እንዳኣሉ
    ንዓዲ ክኣትዉ ክብሉ ይሕዋቶም ዚቐትሉ
    ከምዚ ናትኩም ሕውነትስ ይጥፋእ ቡኡ ቢሉ
    አብራሃም ክፍሉ በጃኻ ሕሰበሉ
    እቲ ረሳ ንዓዲ ኪአቱስ አፍኪድሉ

    ወየ—ወየ—ወየ
    ናይዝጊ ክፍሉ እድካ ትጽናሕካ አብ ላዕሊ

    samuel

    from leeds uk

  • Hagos February 21, 2012

    Hi Amanuel,
    I inform you again and again just insure where your body going after your death. You are talking about Naizgi. Forget about him he is already gone. He is going to lie for ever in UK where he died while he was alive.The Big issue is about your body. Advocate where you want to go. You need to tell to some body about your funeral ceremony if not we will buried in Atlantic ocean like Sadam Husien.
    Thank you

    • Ahmed saleh February 21, 2012

      Life can not been taken for granted. But what count most is what we left behind to our honor. Amaniel will die at his time too with his noble legacy following the righteous
      martyred comrades principles.

      • M I February 22, 2012

        ሰማይ ሃገርካ ንኣማኑኤል እያሱስ ክትብል። ክምቲ ናይ፡ ብቕረባ ዓርኩን መሳርሕቱን ዝነበረ እሞ ድሓር ንወያነ ኣብ ኣዲስ ኣበባ ከይዱ ምስ ተፋነዎም ከይቀነየ ዝሞተ ከዳዕ፡ ሰለሙን ኣበራኸ መን ክረኽቦ። ንኣማኑኤል እያሱ ድኣ ኣብ ዝቐረቦም እባ ይጉሕፍዎ ይኾኑ ክፉእ ዝርእዩ ኣሕዋት። እምበር እቶም ሆ ዘአባህልዎ ዘለዉ ድኣ፡ ከምታ ሰለሙን ኣበራ ምስ ሞተ ሞይቱ ኢሎም’ኳ ዘይርድኡሉ ብዓል ኣማኒኤል እያሱ ምስ ሞቱ ኢዶም ክትጸንሖም’ያ። ወረ ናይ ሰለሙን ኣበራስ ብትሒም ትሒም ድሓር ድማ በቶም ማሕበር ጋዜጠኛታት ኤርትራውያን ዝብሃሉ ኣብ ሓንቲ ጽሕፍቲ ናይ ጽንዓት ይሃብኩም ኣንቢብና። ወያ ፌቨን ሰሉሙን ኣበይ ጠፍአት? እንታይ ጉዳ? ዳርጋ ኩሉ መደባት ብኣይተ ኣማኑኤል ኣያሱ ተባሒቱ። ሕድርኹም ሕድሪ ማይራም ግን እዚ ኣማኑኤል ኣያሱ እንተሞይቱ ኣብ መሬት ንኽይቅበር (ኣብ ባሕሪ ንኽድርበ) ምውጻእ እንተተጀሚሩ ቀዳምይ ባዕለይ 5 ናቕፋ ኣመዝጊበ ኣለኹ።

  • well done, February 21, 2012

    I like the article written by demo.archive.assenna.com. it is well articulated and presented. Nayzgi is already dead and will never know what is going on but he left a good lesson for the rest of issais loyal supporters. He will kill them one by one and they will follow and we will be witnesses. Lets follow what will happen to Nayzig who served till his last breath but issais shown him no respect at all.

  • Cambo February 21, 2012

    This is what a brave and proud Ethiopians did in front of the Saudi Arabian Embassy in USA today. What are Eritreans doing for the Eritrean victims suffering in the hands of the Arab Rashaidas, Bedeuines and the greedy Egyptian doctors in Sinai?

    10:30 AM TUESDAY 21 FEB. 2012 — Concerned Ethiopians and others are currently holding a demonstration at the Saudi Arabia embassy in Washington DC to demand the release of 35 Ethiopian Christians who are jailed for praying in their private residences.

    Those of you who cannot participate in the demonstration can call the Saudi Arabian Embassy in your country and ask them to release the prisoners.

    United States: (+1) 202 342 3800
    Canada: (+1) 613 237 4100
    United Kingdom: (+44) 207 9173-000
    Australia: (+61) 2 6250 7000
    Germany: (+49) 30 88 92 50
    France: (+33) 1 56 79 4000

  • Semhar February 21, 2012

    Hagos,
    you should thank Amanuel Eyasu for telling you the truth.
    Isayas is a mad dog. Do you know what a mad dog is?
    A mad dog is hazardous to every body, be ware of the tyrant mad dog.
    Learn from the G 15. LEARN FROM NAIZGHI KIFLU…because tomorrow will might be next.
    You should thank Amanuel Eyasu for telling you the truth.

    Hagos,
    Do you know that the mad dog, the tyrant Isayas is 100% Ethiopian.
    His father is from Tembien and his mother is from Adwa.
    His uncle on his father side dejesmach Solomon Abreha was a governor of Wollo province.

    Now what can you say about this mad dog?
    One thing we all should learn a mad dog is always hazardous to every body.
    That’s why this mad dog took us to war against all our neighbor counties.

    This mad dog tyrant is the #1 enemy of Eritrea, Djibouti, Yemen Sudan, Somalia and Ethiopia.

    It’s true that we always reap what we sow. 
What goes around comes around.
    Naizghi is gone! He saw hell on earth. 
Isayas is next; I can’t wait to see his end….

    • Baraee February 21, 2012

      Where is Kozami? I had told him time is fast approaching things are unraveling….He is locked in Koozimina!! alone in a house or he is soul searching?

      • Mr. T February 21, 2012

        Baraee,

        I am asking the same question. Kozami gave this website the moderation it badly needed. Think of life or nature without variations. How boring would it have been? Political discourse without the variation of views and opinions leads into conformity and group-thinking. Assenna has now become so much boring because it has lost all these essential ingredients. Divergent views and opinions have excluded from this website because of censorship, the intolerant opposition supporters and the internet agents of the barbaric woyane regime. I am really dismayed.

  • Semhar February 21, 2012

    Hagos,
    you should thank Amanuel Eyasu for telling you the truth.

    Isayas is a mad dog. Do you know what a mad dog is?
    A mad dog is hazardous to everybody, beware of the tyrant mad dog.
    You should thank Amanuel Eyasu for telling you the truth.

    Learn from 1973 freedom fighters who opposed this mad dog, learn from the disabled Eritrean veterans who were massacred by the tyrant, the G 15 his servants, collaborators and NAIZGHI KIFLU his punching bug, his butcher the traitor…

    Do you know that the mad dog, the tyrant Isayas is 100% Ethiopian.
    His father is from Tembien and his mother is from Adwa.
    His uncle on his father side dejesmach Solomon Abreha was a governor of Wollo province.

    Now what can you say about this mad dog?
    One thing we all should learn a mad dog is always hazardous to every body.
    That’s why this mad dog took us to war against all our neighbor counties.

    This mad dog tyrant is the #1 enemy of Eritrea, Djibouti, Yemen Sudan, Somalia and Ethiopia.

    It’s true that we always reap what we sow.
    
What goes around comes around.

    Naizghi is gone! He saw hell on earth.
    
Isayas is next; I can’t wait to see his end….

  • robel_haile@Ymail.com February 21, 2012

    Hagos you are dumb instead of expressing your free speech at demo.archive.assenna.com you try to insult or attack Amanuel Iyassu. You write more than 200 words because of demo.archive.assenna.com’s comment box. It is a shame you can’t even write 3 words @shabaite.com.

  • FACT-is-FACT February 21, 2012

    Mr. T – the imbecile ከርሞ ጥጃ go bezerk, nuts by the beautifully written TRUTH that extracted his black ass from his soul if he had one ..if he ever even owned one. what a knuckle head, wha stone head can this despicable Mr. T Tsehaye can be !

    but again … ብጠጠው በድን ሬሳ ንዝኾነ Mr. T… what can you say !? Nothing, nada, albo.. what a waste you are when your Eritrean mother conceived you … what an imbecile adult you are.. in deed በድን ሬሳ ! .. in deed ከርሞ ጥጃ ! …

    • Mr. T February 21, 2012

      What a donkey! How many times I should tell you to get over it? Eritrea is free and we will not back up an inch from defending its territory from the barbaric woyane regime. Do you get it or you are simply insane? tsenihka iwn cherqi kit’ari ika ata nedaf adgi! Let me tell you that this is my last one to give you the attention you crave for when you are high on weeds. I have more things to do than keep replying to an anonymous maniac. amlak mhret yewrdelka or yewrdelki if you are a woman.

POST A COMMENT