ኣነዶ ከይሕዛ ነዊት፡ ንስኺዶ ከይትበልዒ ሰዊት…….          12-09-13

ብዛዕባ ናይዚ ንርእሱ ምስ እምባ ተጸጊዑ ንዓና ግን ብሽፋን ናጻነትን ርእስኻ ምኽኣልን ምስ ኣሕዋትና ከምዘይንቃረብ ዝገበረ ሕማ ም ኢደ-ሰብ ንምዝራብ ድሌትን ግዜን ከይህልወና ይኽእል። እንተኾነ ብኣጋጣሚ መስከረም ተባሂሉ ብዝተዋህበ ቃለ-መሕትት ተዛሪቡ ዘዛርበና ኩነት ካብተረኽበ ዝመሰለና ክንብል መሰል ኢዩ። ብቐዳምት ግን፡-

ርሑስ ብስራት ምቕያር ወቕቲ ይግበረልና!  መስከረም ድማ ኩሉ ዘመን ንሓድሽ ዓመት ምስ ሓድሽ ትሕዝቶ ብዕምባባ ምምርሓባ ካብዘይበቐቐት፡ ነቲ “ድሕሪ ኢሳይያስ መን“? ክብል ተዓዚሙ ዘሎ ልብና ኣረጋጊኣ እንኮላይ ምስ ቅርጫት ሓድሽ ፖለቲካዊ መኣዲ ከተራኽበና እምነ።

ቃለ-መጠይቕ ፕረሲደንትና ክንሰምዕ ቀኒና። እንዃዕ ድማ ናብዚ መድረኽ‘ዚ በጻሕና። እንተኾነ ምናልባሽ “ሰብ ኢዩ ናብ ማይ ዝኸይድ“….. ስለዝሰማዕኩም ብኽቱር ምንዮት ሓርነት ድሮ ብሓሳብኩም ናብተን ነታዕቲ፡ ወሓዝቲ፡ መዕቆርቲ ማይ ዘዘኪርኩም ኣብ አን ትዕቆቡ ከይመስለኩም:፡ ንሳተን‘ሞ ድሮ ‘ሓደስቲ ተጋደልቲ‘ ከይጥቀሙለን ተባሂሉ ብውሑዱ ብሰራዊት ደምሒተ-እንድዕሎም ስለዝተከበባ ብዋዛ ተሓረርቲ ኣይክትኮኑን ኢኹም።

ነገር ካልእ ነገር ከምዘዘክር መጠን፡ እዚ ዘረባ ንእዋን ናጽነት ስለዘዘከረኒ ብልበይ “ሓዚላ ዘላን ተሓዚላ ዘላን ኩለን ሓደ“ በልኩ።

ኣብ ጽባሕ ነጻነት ኢዩ ዝነበረ። እቲ ዝገላበጥ ዝነበረ ሓያል ናጽነታዊ ፌስታን ፈንጠዝያን ዘፍ ኢሉ ሰብ ናብሰቡ ኣብ ዘቑ ላሕልሓሉ እዋን፡ እቲ ዲበላ-ዲበላ እናሸተተ ብሓደ ዝኣተወ ውጻእ መዓት ተጋዳላይ ድማ ዳርጋ ቡኡ ንቡኡ ኣብ ሰለስተ ደረጃታት ተኸፍለ። እቲ ቤተ-ሰቡ ርኹባት ዝኾኑ ቀዳማይ ደረጃ፡ “እንዃዕ ድሓን መጻእካ፡ እነሀልካ ገዛ፡ ማኪና ገንዘብ፡ ናብራኻ ግበር“…. ተባሂሉ ተጎንዐ።  እቲ ካልኣይ ደረጃ ድማ፡ “እምባአር ንሕና ነብስና ንኽእል ስለዝኾንና ብኣና ኣይትሰከፍ፡ ንስኻ ድማ መንግስትኻ ኣላትካ‘ሞ ነብስኻ ክኣል“ ተባህለ። ወዮ ሳልሳይ ደረጃ‘ሞ ኩላ ስድራኡ ቛሬጣ ስለዝተቐየረት “ወረ እንዃዕ ብደሓን ተመለስካና‘ምበር ዝተረፈና የለን“…… ተባሂሉ ሓላፍነት ናይቲ እንተነሳዕካዮ ዘኮማስዕ፡ ኢድ እን ተሓጺርካ ብክፉቱ ዝሓድር ኣፍ ህሉው ሬሳ ክስከም ተገደደ።

ብጭቡጥ እብለኩም ኣለኹ እቶም ኣብ መዓልቲ ናጻነት ብዓወት ዝኣተዉ ሓርበኛታት ተጋደልቲ ብመምርሒ ከይተረፈ ኣብ ብልሽዉና ዝኣተዉሉ እዋን ከይዝረብ ስለዝተደለየ እንተዘይኮይኑ ኩሉ ታሪኽና ንሱ ነበረ።በቲ ሓደ ምስ ዓወት ሰላም ዓዲ ምእታው፡ በቲ ካልእ ጥራይካ ምቑልሕላሕ ጥራይ ከይኣክል ድሮ እቶም መራኽብቲ ጸገም ድማ ምፍልላይ ካብ መጸ ካብኡ ዝኸፍአ ፈታኒ እዋን ኣይነበረን። ንበረኻ ዘዘምርሐ ኣብ ዓዲ ካብዝገደፎም መዛንኡ ኣዕሩኩቱ መማህርቱ ኣብ ዝብ ብጻሕ በጺሖም፡ ናብ ስደት ዘምርሑ‘ውን ተደላዲሎም ኢዮም ዝጸንሕዎ። ተጋዳላይ ግን ድሮ በታ ባዕሉ ዘምጻኣ ናጽነት ንዝኸፍአ ፈተና ዝተጋለጸላ እዋን ነበረት። ፈተና ውልቀ-ናብራን ዝኸፍአ ግዝኣት ወዲ-ሃገርን!!

ዋእ! ከምኡ ኢልካ ድኣ ክሳዕ መዓስ! ነገር ወተሃደር ተመሳሳሊ ግዲ ኮይኑ፡ ሽዑስ ዋላ ኣብተን ብሰራዊት ደርጊ “ትዳር በግድ፡ ፍቕር በሻማ“ እናበሉ ኣብራኾም ዝሰበሩለን ኣግነታት ተኾርምዩ ናብራ ክፍትን ተጋደለ። እሞ ብዙሕ ዝዓይነቱ ምፍሕፋሕ ድማ ተጀመረ። ገለ ካብቲ ዝተራእየ ብዙሕ ፈተናታት እታ ኣውራ ዘይተላቡ ብዛዕባ መንበሪ ኣባይቲ ዝተላዕለት ነበረት። ስለዚ ተጋዳላይ ጥርዓኑ ናብ ፖለቲካዊ ቤት ጽሕፈት ኣቕረበ።መንግስቲ ድማ ይመስለኒ ነብሱ ከውጽእ ነይርዎ።

ናይቲ ግዜ በዓል ስልጣን ወተሃደራዊ ቤት ጽሕፈት ክቡር ጀ.ስብሓት ኤፍሬም ተጋደልቱ ኣከበ። ነቲ ኩሉ ጥርዓን ዝሃቦም መልሲ ከኣ ሓንትን መራርን ነበረት። “እሞ ዓዓድኹም ኪዱ‘ምበር መንግስቲ ድኣ እንታይ ክገብረኩም“!

ቁልቁል ዝኣፋ ከምኡ ዝዓይነታ መልሲ ዘይተጸበየ ግሩህ ተጋዳላይ ነገሩ ደነቖ። ከምሓቂ ሽዑ ዝግበር ከይነብር ይኽእል፡ እንተ‘ቲ ናይ መጻኢ ኣጀንዳ ግን እቲ ሽዑ ዝተራእየ ጥራይን ሓድሽን  ኣይነበረን።

“ኣዴኻ ርገም፡ ኣዴኻ መርቕ“ ከምዝበሃል ኮይንዎ ንእዋኑ ብዘይካ ምጉርምራም ዝኾነ መልሰ-ተግባር ኣይተራእየን። ገለ ካብቶም ከምኡ ዓይነት መልሲ ብዘይምጽባዮም ጋን ዝተሰርሑ “ዋእ ኣንታ‘ዚ ጓህማም ድማ ከምዚ ክብል ጀሚሩ!“……… ካብ ምባል ሓሊፎም ከምዚ ናይ ሎሚ ዛንታ ጥበብ “ተባሪቓ“ ምስተኸሽሐት፡ ስብሓት ድማ ናብ ልቡ ዝተመልሰ ‘መንካዕ‘ ካብ ኮነስ፡ በቲ እዋን‘ቲ እታ ተባሪቓ ኣስናኑ ዘርገፈቶ ጥይት ብሓቂ ዶኾን ተባሪቓ ወይስ ኮነ ኢላ ከተላእሞ ዝሓለነት ትነብር“ ኢሉ ዝሓሰበ ኣይነበረን። ዝኾነ ኮይኑ ኣብ ዛዛሚ ኲናት ዓቅሚ ስብሃት ንምጅልሑ ዝለሓኴ ዘረባ‘ኻ እንተነበረ፡ ንሱ ከምሓደ ቅቡል መራሒ ነቲ ካሕዳይ ዘረባ (ዓዓድኹም ኪዱ) ክብል ዝተጸበየ ብዘይምንባሩ፡ ‘ኣጋግይዎ‘ ተባሂሉ ድ ኣ ተሓሊፉ ነበረ።

ሎሚ ድማ ፕ.ኢሳይያስ ተጋጎዩ። በቲ ሓደ፡ ክራይ ኣባይቲ ክኸፍል ዘይኽእል ሰራሕተኛ መንግስቲ (ብዘይካ ሰራዊት ኣየናይ በርጌስ ሰራሕተናኸ ኣልዩ) ምዃኑ እናገለጸ፡ ተመሊሱ “ማይ ዝደለየ ናብ ማይ ይኺድ“ ማለቱስ ከመይ  ኮን ይኸውን? ኣየናይ ዕቛር ወይ ዛራ ኮነ ፈልፋሊኸ ኣልዩ ኢዩ ሰራዊት ዘይብሉ? ኢልካ እንክሕሰብ ነገር መመሊሱ ከምዝኸረረ የነጽር።

ንምዃኑ ህዝቢ ሎሚኸ ካብዚ ነዊሕ ዓመታዊ መግለጺ እንታይ ኢዩ ክጽበ? ንሱ ከይመጸ ከምዝመጽእ ንዝተዛረቡ ሰባት ከምዝሕየ ሩን ዝስቀሉን ክግበር ጸኒሑ እንድዩ። ኣብ ሎሚ ተበጺሑ ንርእሱ ቀንዲ ናይ ህዝባዊ ርክባት (PR) ተጠቃሚ ክኸውን ክብል ኣሽካ ዕላል ቃላት ኣንቀላዊጡ ዘምጽኦ ሃጠው-ቀጠው ሕጋውነት ከልብሶ ክሳብ ምዙዛት መራሕቲ ተኣኪቦም ሓባራዊ ዘተ፡ (panel discussion) ክገብሩ ምዝራቡ ከ ድኣ እንታይ ዝኣመሰልዎ ምሕጽንታ ይበሃል? ሰብ ሞያ ከጽድቑ፤ ንሱ ክፍንጥሕ፡ ዜጋ ሃገራውነት   ከስርጽ ፤ንሱ ሃገራውነት ክፍንጥሕ፡ ኩሉ ዜጋ ሃገር ክሃንጽ ክቃለስ፤ ንሱ ሃገር ክድኩዕ ከፍርስ፡ ህዝቢ ንሓድነት ክዋደቕ፤ ንሱ ሓድነት ክ ዘርግ ክጅልሕ፡……… ካብ መዓስ ድኣሉ ፕረሲደንት ተሓላቒ ሃገር፡ መሳንይቲ መሳርሕቱ ዝኾነ?

ኦይ! ኣይትሓዙልና ደቀይ። የግዳስ እዚ ዕድመ ዘተስ እንታይ ኣምጽኦ? ጸሓይ ባድመዶ ኣንቆልቝላ ኮይና! ማለተይ ኢዩ። መቸም ን ዘይንቡር ጥንሲ ተሓቢእካ እንድዩ ዝፍጸም፡ መዓልቱ ምስኣኸለ ግና ሰብ ኣኪብካ ኢዩ ዝሕረስ ተባሂሉ ኢዩ። ኣብዚኣ በጺሓ ኣላ ህ ግደፍ። መሻኽሎ ዝበርትዓ ሞተር ሰልፎም ክንዲ ሎሚ ተኺኻ ኣይትፈልጥን። እንተደሊኹም ሃየ‘ንዶ ንእግረ-መገድና ነቲ መርኣያኡ ንተናኽፎ።

መቸም ቀለቤት ኪዳን መንግስትን ህዝብን ዘይሩ ዘይሩ ብኩነታት ቀረብ ኣገልግሎት ኢዩ ዝልካዕ። ቀረብ ኣገልግሎት ድማ ኣብ ጸዓ ት ይምርኮስ። ንበል ከምኣብነት ጸዓት ኤለክትሪክ። ኤለክትሪክከ ካበይ ይምንጩ?

ኤለክትሪክ ብማይ፡ ብነዳዲ፡ ብጋዝ፡ ብንፋስ፡ ብሃፋ፡ ኣብዚ ዳሕረዋይ መዋእል ድማ ካብ ጸሓይ ከምዝርከብ ይፍለጥ ኢዩ። ካብዚ ኩሉ ውጽኢት ቴክኖሎጂ ሓዲኡ ክቕርብ ዘይከኣለ መንግስቲ ኣብ ዕርዲ “ኣይፋል ንምወላ“ ተኾድጩ እንሆ። ዕዳጋ ናብ ዝሓሰረልካ ‘ውን ይኽየድ ኢዩ። እቲ ወሰን-ወሰን ዝበሎ ኢቲዮጲያዊ መሸጣ ጸዓት‘ውን ገለ ካብቲ ኣማራጺ ምኾነ። ትማሊ ትማሊ “ዶብ ከይተሓንጸጸ፡ ካሕሳ ከይተሰልዐ“ ኢሉ ንኩሉ መገዲ ሰላምን ምሕዝነትን ከምዘይተሓሰመን ጀማሪ ኲናት ኮይኑ ንርእሱ ክኽሕስ ከምዘይ ፈረመን፡ ሎሚ ታሪኽ ከህስስ ሓሊኑ ብዘይምኽኣሉ “የዋጽኣና እንተኾይኑ“…….ክብል ተሰሚዑ። እታ ሕመረት ግን ገና ክትዕብዓብ ኢያ ትድለ ዘላ። ንምዃኑ እንታይ ዲያ‘ታ ቀንዲ ተልእኾ?

ድላይኩም በሉዋ! ደይቀሪባ ኢያ‘ታ መዓልቲ። ኣነ ግን ናብቲ መንግስታዊ ትሕተ-ሃገራውነቱ ክሓልፍ። ንነገሩ መንግስታዊ ትሕተ- ሃገራውነትከ እንታይ ማለት ኢዩ? ድማ ተላዘብሉ ኢኹም። በሉ እንታይ ስምዒት ከምዝህብ እናተረዳኣኒ እስከ ንቐጽል፡-

1. ጽዓት ስለዘየሎ ከተማታት ይደፈና፡ ፋኑሳት፡ ጋዛት ድማ ክንጥቀም ንኽእል፡ ዘይምእንቲ ርእሱ ክወግሕ ኢዩ። ከምኡ ኢሉ ከእምን ንዝሃቀነ መራሒ ስዊች ከተማ ኣብ ትርኣሱ ከምዝገበረ ተመሲሉ ክግለጽ ክንደይ‘ዃ! ከምኡ ምስሓሰበ ኢዩ በሉ ፈስቲቫል ዝበሃል ንግደት ሃገር‘ውን ካብ ከተማ ኣውጺኡ ብሓንቲ ጀነረይተር ዝተኻረጀ። ኣስመራ ድሕሪ 112ን (ሓደ ምኢትን ዓሰርተው ክልተን) ዓመታት ከምሎሚ ተደፊና ኣይትፈልጥን።
2. ጽዓት ስለዘየሎ ማይ የለን። እሞ ካብ ብጥንቱ‘ኮ ሰብ ኢዩ ናብ ማይ ዝኸይድ‘ምበር ማይ ናብ ሰብ ኣይመጽእን። ዝናብ ከ ዝንብ፡ ማይ ክቕርብ ኢሉ ከይተጸገመ ናብ ማይ ዝረኽበሉ ክሽሕሻሕ እንታይ ጸግሞ ኣለዎ? መን ኢዮምከ‘ቶም ማይ ዝደ ልዩ? ብማለት ድማ ንኣገልግሎት‘ውን ምምጽራይ ህግደፍነት ከምዘድሊ ኣግሂዱ፡ ሓንቲ ኣብ ሰሙን ንሕርሙስ ክልተ-ሰለስተ ፍስቶታት ማይ ከምዘይቅርብ‘ውን ሓቢሩ። ኣስመራ ኣብ ሙሉእ መግዛእታዊ ዕምራ ከም ሎሚ ኣይጸምአትን።
3. ጽዓት ስለዘየሎ ኣውቶቡሳት፡ ታክስታት የለዋ። እሞ ሰብ ብእግሩ፡ ብብሽክለታን መጭዓናን ዘይንቀሳቐስ እንታይ‘ዩ ሽግ ሩ? ብኣጋጣሚ መስከረም ካብተዘርበ፡ ኣብ እዋን መስከረምሲ ከምሓዳስ ዓመትና መጠን ደርጊ‘ዃ ግደፍዶ ንሰብ ንመቐ በሊ ዘመን ክብል ብነፈርቲ ከይተረፈ ኣባጊዕን ጻዕዳ ጣፍን ይቕርብ ነይሩ ይበሃል። እሞ ናህና ገደደ !!
4. ጽዓት ስለዘየለ ኣገልግሎት ሕክምና የለን‘ሞ እንታይ ጸገም ኣለዎ። እቲ ንወጻኢ ተባሂሉ ዝኽየድ ዝነበረ ደላይ ሕክምና፡ ዶላር ሒዙ ጥራይ ይምጻእ‘ምበር ህግደፍ ኣብ ሱዳን ከመይዝኣመሰለ ዘመናዊ ሕክምናዶ ኣዳልይልኩም ኣይንሆን!………
5. ጽዓት ስለዘየለ ትራክተራት ኣብ ዛሬባአን ይዘራዓ ባቃ! ተባሂሉ ብእዋኑ ክንደይ ተዘሪብሉ‘ዩ። ብፍላይ ንብዙሕ ዝመጠኑ ህዝቢ ነቶም ‘ዕጡቓት ተቓወምቲ‘ ከይናቢ ተሰጊኡ ክንሱ ብጉልባብ ማሕረስ ተባሂሉ ባርካ ኣብ ዝተጎንኮሉ እዋን ተመሳ ሳሊ ስጉምቲ ከምዝወሰደን ንሕማምን ሞትን ከምዘቃልዖምን ትዝክሩ ትኾኑ። ክሳብ ካብ ሱዳን ትራክተራት ክካረዩ ንዝ ሓሰቡ ከምዘይኣፍቀደ‘ውን ተዘሪብሉ ኢዩ። ኣህዛብ ዓለም ምስንጣብ ዝናብ እናተቐዳደሙ። ……..
6. ናይ ትካል ወርቂ‘ሞ ኣይዝረቦን። “ብዛዕባ እቶት ትካል ወርቂ ዘዘኪሩ ዘንባሁቕ እንተ ኣልዩ የምባሁቕ“ ኢዩ ተባሂሉ። ይት ረፍ ከምቲ ትጽቢትና ከኪሎ ወርቂ ክንዕደል፡ ሰብ ዕዳ ስለዝኾናስ ያኢ ወነንቲ ትካል ወርቂ ንብምሉኡ ህዝቢ ኤርትራ ዋ ጋ ሓሓደ ኪሎ ወርቂ ብዶላር ከምዝእውዱና ክገልጽ ክንደይ ተጣቢቡ። እሞ ድማ ገለ ብልጭታ ምስጢር ከይትሰቱኽ እ ናተሸቑረረ ክንሱ ምስ እምባ ምጉብዕባዕ!! ብኣ ተሪፋቶ ምግባት ዶላር!! “ኣብ ኣጋ ጥፍኣቱ ንህዝቢ እዛ ትካል‘ዚኣ‘ውን ገዲ ፍሉ ከይሓልፍ ምእንቲ ክትዕጾ ዝተጣበቦ ኢዩ“ ይበሃል። ብዝተረፈ ኣብ ኣጀማምራኸ መን ተሓተተ? ሎሚ ‘ከሲራ‘ ተባሂ ሉ ወየ…. ካብኮነ፡ ትርፎ ክሻን ለኣኺኡን እቶታትን ክሳርኣን መንን በየናይ ሕጊ ቁጠባን ይፈልጣ? እቲ ዘይተኸፈለ ዕዮኸ?
7. ጉዳይ ኣውፈርቲ ዘሸግሮ ኣይኮነን። እዞም ዘለው ሰብ ሃብቲ ናይ ቅድሚ ሕጂ ዝገበሩናዎይኣክል። ድሕሪ ሕጂ ግን ብሕጂ ኣጠራቒሞም ዝምዕብሉ ሰብማል ከርክቡሉ ኢዩ ዝትስፎ። ማለት ከምቲ ክሳብ ወዲ ምኢቲ ዓመት ክመርሕ እናተሃንጠየ ኣብ ኣኼባ ኣብ ሰድያኡ ዝህርስ መራሒ ዚምባወ ክኸውን እንተተሃንጠየ ኣብ ኣርሓ ዝደረቓ ሃገር ስለዘሎ ኣየክፋኣሉን ኢ ዩ። ብዝተረፈ ሕጊ ወፍርን ሕጊ ዝኣልቦኡ መንግስትን ከድኣ እንታይ ኣራኸቦም?
8. ፕረሲደንት ባዛዕባ ወደባት ዝመጸ ኣብ ዝሓጸረ ግዜ ፍጹም ዘየላቡ ተበግሶ ክውሰድ ምዃኑ ገሊጽልና ኣሎ። እሞ ድማ ጽ ዓት ኣብዘየብልና ግዜ። ሓራይ እንዶ! ቀጠርዶ ኣዘዘት ኢራን ብዘየገድስ ወደባትና ዞባውን ኣህጉራውን ኣገልግሎት ከምዘለ ዎ ጥራይ ዘይኮነስ እንታይ ክንገብር ከምዘለና ከይተረፈ ተጋዳላይ ቢተወደድ ኣብራሃ‘ኮ ኣብሪህዎ ኢዩ። ክእለት ሰባት መ መንጢልካ ክኢላ ክምሰል ስለዘይንበር መን‘ዩ ተጠቃሚ መንከ ዓሊቑ ጸኒሑ? ንምንታይ ድኣ ሕጂ ክንድኡ ጸደፍደፍ? ጎ ቦጎቦ ከይተባህለ ብግህዶ ዘይዝረብ! ዘይ እቲ ትእዛዝ ካብቲ መጸግዒና እምባ ኢዩ ዘንከራሩ ጥራይ‘ንዶ ጽምም።
9. ጉዳይ መጐዓዝያ ካብቀንዲ ዘሻቐሎ ምዃኑ ወሓለ ገለጻኡ ለጊስልና። መደባቱ ድማ ጽርግያ ከምደምሱር ሃገር ብምዃኑ እ ቲ ዝኣረገ ውርሻ መግዛእትስ ግደፍዎ፡ ሓደስትን ናብ ኩሉ መኣዝንን ብክልተ ብሰለስተ መስመር ተር ኢለን ዝጓዓዛሉ ጽር ግያ ክሃንጽ ከምዝራኣዮ ቀሺሽና። ብኾፍካ ሕልሚ፡ ደቂስካ ሕልሚ፡…….ኣውራ ድማ ንዕቀት!  ክቡር ፕረሲደንትና…….
10. ብዛዕባ መራኸብታት ዝመጸ ዛዕባ ድኻም ኤሪ-ቴል ነበረ። ኤሪቴል ካብተን ኣውፈርቲ ክውንኑወን ተባሂሉ ንጣላዕ ካብ ዝ ወረዳ ትካላት ሓንቲ ኢያ‘ኮ። ንሱ ይጽናሕ። ሎሚ ድማ ኩሉ ዜጋ ኣብ ዘዘለዎ ኩርናዕ ዓለም ኮይኑ ብቀጥታ ናይ ሳተላይ መስመር (ቫይበር) ገይሩ ናብ ቃሕታኡ ክራኸብ ከምዝወጠነ ገሊጹ። እዚ‘ሞ ብመሰረቱ ምስቲ ፖሊሲ ተነጽሎ ዝጋጮ ኢ ዩ። ቅድሚ ቁሩብ ዓመታት ኤርትራ ወናኒት ጠፈር ቀይሕ ባሕሪ ከምዝኾነት መጠን ዋኒን ትካል ቫይበር ክጥቀመላ መስ መር እንተኣፍቂዳ ናጻ ተጠቃሚት ከምትኸውን ሓቲቱ ከምዝነበረ ይዕለል። ሽዑ “ስራሕኩም ጥራይ ግበሩ“ ነበረ መልሲ መራሒና። ንሱ ሓቂ እንተኾይኑ ሎሚ እንታይ ሓድሽ ነገር ስለዝተረኽበ ንደቂ-ኤርትራ ክንድዚ ሓልዮት? እቲ ‘ስግኣት ስ ለያ‘ኸ ብኸመይ ተሓከመ? ዶስ ሳላ ቴክኖሎጂ እቲ ሓጹር ስለዝተጣሕሰ፡ መንግስቲ ድማ ከምቲ ነቶም ኣመሪካ ካብ ማእ ከል ዓዶም ዘህደመቶም መንእሰያት ምንፋጾም ካብዘይተረፈ ተጠቃሚ ክኸውን ምእንቲ ንነፋጾ ዘበጻጽሓ ላንድክሩዘራት ዝቐረበ፡ ሕጂ ድማ ነቲ ዝተዋህቦ ናጻ ተጠቃምነት ኣብውሽጢ ክሸጦ ኮይኑ? ቅንይ ኢልና ምዕጻው ኩለን ናይ ኢድ ተሌፎናት ከይንሰምዕ ይኽደን!

ርሑስ በዓል ቅዱስ የውሃንስ!!

ዘወንዘፍናዮ ኣይረሳዕናን ንግዚኡ ግን ናብ ካልኣይ ክፋል ቀጽሉ።

ጎደፋ፡