ብመሰረት ሓበሬታ ብዓረብ ዝሕተም ሱዳናዊ ጋዜጣ ሳሓፋ ነፈርቲ ሓይሊ ኣየር ኢትዮጵያ ንመደበር ዕደና ወርቂ ቢሻ ድሕሪ ምድብዳበን፣ ኣብቲ ቦታ ቃጸሎ ኣጋጢሙ።

ጋዜጣ ሳሓፋ ግምታት ተዓዘብቲ ጠቒሱ ኣብ ዘስፈሮ ዜና፣ ኤርትራ ብመንገዲ እቶም እትሕብሕቦም ዘላ ተቓወምቲ ኢትዮጵያ ነቲ ዝመጽእ ምርጫ ንምዝራግ ውጥን ኣለዋ ዝብል እምነት ስለዘለዋ ዝወሰደቶ መጥቃዕቲ ከይኮነ ከምዘይተርፍ ኣሚቱ።    

እቲ ጋዜጣ ኣብ ናይ ኣስመራ ምንጭታቱ ተመርኵሱ ኣብ ብዝሃቦ ሓበሬታ መሰረት፣ ስርዓት ህግደፍ ካብ ዕደና ወርቂ ቢሻ ካብ 300-400 ሚልዮን ዶላር ንዓመት ኣታዊ ይረክብ።  ( ነቲ ካብ ዓረብ ብ google ናብ እንግሊዝ ዝተተርጎመ ዜና ከምዘለዎ ንምንባብ ንባብ ቀጽሉ)

መንግስቲ ኢትዮጵያ ብዛዕባ’ዚ ተፈጺሙ ዝብሃል ዘሎ ደብዳብ ወግዓዊ መግለጺ ኣይሃበን። ምልካዊ ስርዓት ኢሳይያስ ‘ውን ከምኡ ብወግዒ ዝዘርግሖ ሓበሬታ የልቦን።

ኣብዝ ዝሓለፈ ቀረባ ዓመታት፣ ሰራዊት ኢትዮጵያ 18 ኪሎሜተር ናብ ውሽጢ ኤርትራ ኣትዩ መጥቃዕቲ ድሕሪ ምክያድ፣ ብወግዒ ስጉምቱ ኣብ ዝኣወጀሉ ግዜ ከይተረፈ፣ ብዛዕባ ‘ቲ ሃገራዊ ጸጥታዊ ፈተነ ብጋህዲ ተዛሪብካ ንህዝብን ዓለምን ኣብ ክንዲ ምፍላጥ፣  ከም ብዓል ደሓን ጽፍዒቱ ቆርጢሙ ውርደቱ ምሕባእ ከምዝመረጸ ናይ ቀረባ ተዘክሮ እዩ።

እቲ ዘሕፍር፣ ደገፍቲ ናይቲ ስርዓት፣ ነዚ ኣሽንባይ ዶ ግብረመልሲ ክህብ ተተዅቡ ቂቕ ምባል ስኢኑ ዘሎ ምዉት ስርዓት “ልኡላውነት ሃገር ይሕሉ ኣለኹ” እናበለ ዝዝርግሖ ናይ ሓሶት ፕሮፖጋንዳ ሰኒቖም እናጣቕዑ ይነብሩ ምህላዎም እዩ። ብተደጋጋሚ ግዜ ከምዝተረእየ ግን፣ ኤርትራ ተኸላኻሊ ዘይብላ ሃገር ኮይና ኣብ ጥራይ ጎልጎል እያ ተሪፋ ዘላ። እዚ ድማ ነቲ ኤርትራውያን ተጋደልቲ ኣብቲ መሪር ሓርነታዊ ቃልሲ ብዘርኣዩዎ ጅግንነት ጎሊሑ ዝነበረ ሓበን ኤርትራውያን ዝድውን፣ ውጽኢት ፍሽለት ስርዓት ኢሳይያስ እዩ።  

እዚ ተረኽቦ’ዚ ጭቡጥ እንተደኣ ኮይኑ፣ ምልካዊ ስርዓት ኢሳይያስ’፣  ነቲ ሃገር ክከላኸል ንዝግብኦ ዝርካቡ ሰራዊት፣ መግዛእቱ ተመንዩዎ ብቐጻሊ ዝደፍሮ ዘሎ ህዝቢ ሓይሉ ብምርኣይ ከርዕሞ መታን ኣባይቲ ኣብ ምዕናው ኣዋፊሩሉ ኣብ ዘሎ እዋን ምግጣሙ ስግንጢራዊ ካብ ምዃን ሓሊፉ፣ እቲ ስርዓት ስማዊ ህላወ ጥራይ ከምዘለዎ ዘመልክት እዩ።  

Continue reading for the google English translation form the Sudanese Arabic newspaper – Sahafa  

Ethiopian aviation bombed gold mine for Eritrea

Asmara: Exclusive (Sahafa:  Sudans’ Newspaper)

Ethiopian air force bombed the Bisha gold mine 150 kilometres from Kailua Asmara and flames were seen rising from it.

According to our sources from Asmara that the Bisha mine for gold pour s into the Eritrean Treasury annually between 300 to 400 million dollars, which observers considered a blow to the Eritrean economy in depth?

The observers most likely reckon that the blow came as a result of the belief of Ethiopia’s that Eritrean intention to foil the upcoming Ethiopian elections untapped in the Ethiopian opposition hosted by Eritrea.