እቲ ምልካዊ ስርዓት ኢሳይያስ ብዝሓረዮም ኮለኔላት ዝመሓደር ሲኖዶስ ኦርቶዶክስ ተዋህዶ ቤተክርስትያን ኤርትራ፣ ቀንዲ ናይ ምግላልን መክፍፋልን ምንጪ ኮይኑ ኣብ ስደት ዝርከቡ ኤርትራውያን መእመናን ብቤተክርስትያን ከይተረፈ ከምዝፈላለዩ ገይሩ፣ ኣብ መንፈሳዊ ኣገልግሎት ህዝቢ ካብ ናይ መናፍቓን ዝኸፍአ ጉድኣት ኣውሪዱ ክንሱ፣ ካብ መናፍቓን ተጠንቀቑ ክብል ዘመሓላለፎ ኣጉል መምርሒ ፋይዳ የብሉን።

ኦርቶዶክስ ተዋህዶ ቤተክርስትያን ኤርትራ፣ ካብቲ መሳርሒ ምልኪ ገይሩ ህዝቢ ንምዕምጻጽ ዝጥቀመሉ ዘሎ ዝሓሰመ ልኡኽ መናፍቓን ምልካዊ ስርዓት ኢሳይያስ ነጻነቱ እንተዝሕሉ፣ ንህዝቢ ኤርትራ ክፈላሊ ሓይሊ ዘለዎ ባእታ ኣይመሃለወን። ስለዚ፣ ንመእመናን ካብ ምጥንቃቕ ነብሱ መጀመርያ ከድሕን ኣለዎ።

ነዚ ፈብዳበ’ዚ ኣቐዲሙ ዘመሓላለፈ፣ ቤትጽሕፈት ኦርቶዶክስ ተዋህዶ ቤተክርስትያን ኤርትራ፣ ነዚ መልእኽቲ ‘ዚ ከተግብሩ ዝለኣኾም ጳጳሳት ኣብ ኤውሮጳ ድሮ ዑደት ከካይዱ ጀሚሮም ኳ እንተለዉ፣ ነቲ ኣብ ኤርትራ ዘሎ ነገር ብቐንዱ ከይቀየሩ፣ ኣብ ኤውሮጳ ዘምጽኡዎ ቁምነገር የልቦን።